تنابله السلطان
أعضاء البرطمان
قاعدين فى البرلمان
شويه محششون
شويه مكركرون
وشويه مهللون
وشويه نائمون
وشويه موافقون
أصل التنابله اليوم
تنابلة مش تمام
أول ما يشوفوا كبيرهم
يضربوا تعظيم سلام
للشعب ممثليين
فى العك والتفانيين
متقلش أسماعيل
ولا عادل أمام
تنابله السلطان
عامليين مسلسلات
أيام الأنتخابات
بايعين للناس كلام
تأليف فى أفلام
يخلوا البحر طحينه
وسمك بيعوم فى الطينه
تقوله دا حقيقى
يقولك يا سلام
ويعمل سبارتاكوس
ويلبس برباطوس
ويغنى فى الحمام
ويديلك البتاع
وبطاقه الأقتراع
ويقولك خش اللجنه
صوتك فى التمام
وأشرب يا متعوس
ضميرك لما بعته
قبضت مكانه فلوس
تخش البرلمان
تشوف فيه تنابله
مرصوصه جنب بعض
بيتلقوا التهانى
تبص على صورتهم
على بابا والحرامى
تنابله للقروض
تنابله للشيكات
تنابله للتهانى
فالحين فى التصفيق
يقولوا حاضر طيب
عنوانهم التهجيص
وكأن مصر عزبه
مملوكة بالتوريث
وعلشان هما تنابله
جابوا عليهم ألفا
الواد أبن الرئيس
بلادنا خلاص فليس
والمعنى فى التوريث
خلاص راح اللى كان
وراح زمان فرسان
ومصر بقى يحكمها
تنابله مع سلطان
--------------------
معلم فحمه .......
__________________
بحبك
وبعشق المجاريح ... و دايب فى الغرام عشرة ... مجذوب ... و غاوى عشرة التباريح ....
و أجمل ما فيكى الجيرة والعشرة !!!
...معلم
فحمه..
..
...معلم
فحمه....
.فا الى متى تظل الضباع تأكل لحمك .. و عيش
الضباع بين الأسود.. محالى
ليست هناك تعليقات:
إرسال تعليق