WorldTimeServer Clock

Cairo

الثلاثاء، 22 مارس 2011

كل الأحلام صارت أوهام ....


بعد ما فاق و اتخرج
وبقالة كيان
أكتشف الواد إن سنينه
مرت أوهام
والحلم العايش فى حياته
كان أصله منام
ويقوم مفزوع م الخوف مرعوب
يهزى بكلام
ويشوف الواد فى منامه
نفس الأحلام
وف عز النوم يقوم مخضوض
ويكره حتى يشوف اليوم
الشابه بتكبر
والناس بصالها في الرايحه و الجاية
فين ما تروح
العين رايحالها
والأيد ممدوده ومش طايله
وقلب الواد بيتكسر
مليان أحزان
وتجيله الشابه ف أحلامه تنده
لعنيه
يقوم مفزوع من عز النوم ويشوف أحلام
كلها أوهام
الشابه بتغرق فى البير
وتنادى عليه
وبروح الواد فارس مغوار
وف عز النار اللى بتحرق كل الميدان
يتلقى رصاصة فى صدره
من شخص جبان
ويشوف بعنيه خيلات الناس
واقفه بتتفرج
م الخوف والآه
الواد مرعوب الحلق أتحجر
راح منه الريق
والرمش أتثبت ف الحركة
من تحت عنيه
والناس بتمصمص شفايفها وتبص
عليه
عينى يا ولداه
ويضيع الواد
ويسير ف طريق مش عارف
رايح على فين
الواد مرعوب
ويلاقى الدنيا بتسود
من غير الآه
وفى عز الخوف يلمح بعنيه
الضوء
يظهر ويبان من تحت الباب
يجرى عليه
يلاقى الباب والشنكل
مقفول بحديد
يرجع من تانى يشوف أحلامه
بتتكسر خلف الابواب
وينام الواد
ويقفل فى عنيه وييجى الموت
من غير أحلام أو حتى ميعاد
و صوتة بيصرخ ف الناس
من قولة آه
ويموت الواد جوه الميدان
من غير تكريم
ولاحتى يشوف نصره يا ولداه

——–
معلم فحمه 
.-.-.-.-.-.-.-.-.-.-.-.-.-.-.-.

.-.-.-.-.-.-.-.-.-.-.-.-.-.-.-.



اخر مواضيع hassan omran في المنتدى


__________________


بحبك وبعشق المجاريح … و دايب فى الغرام عشرة … مجذوب … و غاوى عشرة التباريح …. و أجمل ما فيكى الجيرة والعشرة !!!
…معلم فحمه....
.فا الى متى تظل الضباع تأكل لحمك .. و عيش الضباع بين الأسود.. محالى