كلمات متقاطعه 2007----2008

كلمات متقاطعه 2007----2008 مبارك – باراك – الشيخ شرم – أنا بوليس – أنا حرامى – رغيف خبز لله – أضراب المحله – نواب سميحه – أعتصام العقارية – نواب القروض – فساد للركب – تعديل الدستور – توريث المواريث – تجاوزات الشرطه – أهمال التعليم – الفقر – البطاله وأخيرا مدد يا سيدى النووى السؤال الآن : - ضع هذه الكلمات فى جمله مفيده وبعدين ألعب أستغماية ------------------------------ خلص الكلام وحان وقت العمل حسن عمران

Omran55.maktoobblog.com

Omran55.blogspot.com

badralnhar.maktoobblog.com

dastor76.blogspot.com

بلادى تاريخ موتى وميلادى

بلادى تاريخ موتى وميلادى بلادى مهما ارحل مهما ابعد مهما أروح مهما آجى مهما طال عنك بعادى تبقى لى قبر موتى وبرده فيكى كان ميلادى يعنى بأختصار شديد أنتى روحى أنتى عمرى أنتى املى أنتى حبى فيكى يتواجد معادى أنتى نبض قلبى فى كل لاحظه يدق فيها يوم ميلادى أنتى شبرا أنتى طنطا أنتى غمره أنتى لاقصر أنتى كل حتى فيكى تكون معادى عمرى كله اللى جاى واللى رايح كله ليكى بيعى فيه أشتريه أنتى حره أحنا جند الله فى أرضك نحمى عرضك أحنا يا أمه أولا بيه أحلمى أستنظرى أستغفرى اصبرى مهما كان اللى حاكمك جار عليكى بكره حانشكل محاكمك والتاريخ شاهد عليه هو أراقوش لسه حاكمك مهما طال حكمه عنك بكره يرحل واحنا نمشى وراه نقوله يالله طوز وتعودى تانى بلادى رافعه راسك بكل عز أنتى عارفه الحياه فى الدنيا ديا ماشيه سيره اللى يحكم فيكى عدل نقول دا حاكم أصله عدل واللى يحكم فيكى بدون ما يبقى عنده قلب لما يمشى نقول دا راح البعيد ما كانش يسوى من ولادك حتى كلب مهما كان هو رايح وتبقى أنتى بلاد أصول رافعه راسك وبنت عز وهو رايح وأحنا نمشى وراه نقوله يالله طوز ------------------ خلص الكلام وحان وقت العمل

حسن عمران

Omran55.maktoobblog.com

Omran55.blogspot.com

badralnhar.maktoobblog.com

dastor76.blogspot.com

جرسون

جرسون عاوز شاي بلبن محلوب ... وشيشة عجمي وماء ساقع مليان لعينه الكوب... بسرعة أحسن أنا مكروب..وقبل كل ده تشوف كم من الحساب مطلوب... تحسست في بنطلوني كل الجيوب .. لقيت جنيه في الجيب معطوب والرقم عليه مشطوب .. وصل الجرسون معاه الحساب مكتوب... لقيته سبعة جنيه وسألني أجيبلك المطلوب ؟؟ ناديت بعلو صوتي جرسووووووووووون سك علي المطلوب .. وقمت من قعدتي كالمرجومين بالطوب .. ده حتي الجنيه ما يجيب لي كوب خروب...دخلت مطعم فول وناديت علي الفوال.. وقلت فول بالزيت وإتوصي دنا كيال .. وهات رغيف عيش واحد وقوام يا عبد العال.. زمان بقرش الفول كان بيحتاج شيال.. راح وجاب الفول مافي نقطة زيت تتقال..مسحته عن أخره الطبق ما يحتاج غسال ... مسكت بإيدي الجنيه ما شفت غير أهوال .. وخد وفين يوجعك حرمت تاني يا خال... رهنت حداه جزمتي ومشيت حالي حال..جنب إشارة مرور قلت أستريح حبة... مر عليا إثتين وفي وسطهم شابة.. رمت لي خمسة جنيه قلت تكونلك في الكفة... شافوها ناس ماشين قدامي بقوا زفة .. الكل مد إيديه وليموني عالفكه... ساعتين زمن ولقيتني محتاج للفلوس قفة... من بعد عيشة الهباب أكل الكباب غية... وأخر الليل سهرتي والشيشة حمية ... وظيفة جت عالوجع محتاجة الملاغية .. لو بنت قول يسعدك بعش زوجية .. لو شاب قول يرزقك بوظيفة أميرية.. ولو جالك العسكري إدعيله بترقية... أهم شيء الغدا أرنب وملوخية .. هجرت أكل الفول وصاحبته الطعمية.. علما بأن الفول أصلا جميله عليه... للأستاذ سامى أبو أحمد

للمزيد على هذا الرابط http://www.forum.harakamasria.org/forumdisplay.php?s=6ca7c86caced3218e70cf21980a9ca97&daysprune=&f=8

أنضم لينا ( كلمة حق)

أنضم لينا ( كلمة حق) لوحظ فى الأونه الأخيره بأن الريس أنصاب بالطرش والعمى وقلة السمع ويوجد من يحجب عنه أحوال الناس ونظرا لحسن الظن فيجب الا نسىء الظن فالراجل لا يعلم أن مصر تشهد أكبر عصر فساد وصل للقمه وحققت الرقم القياسى وعلشان منقلش أنه متمسك بالكرسى فا أكيد هذا الرجل أكثر من مره يقدم أستقالته ولكن بعض الناس يوهموه بأن الشعب بيحبك يا ريس وبيدعيلك وما بيلعنكش وبيريدك وبما أن سوء الظن من حسن الفطن فيجب أن تنضم لينا وتكتب ما يمليه عليك ضميرك ربما يعلم الريس بالكوارث التى حلت بمصر فيستقيل أو من كتر الأهوال اللى حيقراها تجيلوا غيبوبه يروح فيها ويرى العذاب فى الدنيا ولا يقوى على التعبير لآنه سيصاب بالعمى والطرش والسمع وأفواج الخير بدأت فى الظهور وبدأ الكثير من الناس تتكلم وتتظاهر وأصبح لها صوت فنرجوا منك أن تنضم ألينا ويبقى لك صوت على صوت على صوت سيبقى صرخه فى وجه الظالم سجل وعبر وعلى صوتك علشان يتسمع فى الشارع فى المقهى فى النادى فى المنتدى فى المواصلات فى النقابات فى مكان عملك علي صوتك بالحق ورزقك على الله ---------------------- خلص الكلام وحان وقت العمل

حسن عمران

Omran55.maktoobblog.com

Omran55.blogspot.com

badralnhar.maktoobblog.com

dastor76.blogspot.com

معنى الوطنية

معنى الوطنية --------------------- الوطنية تعنى لينا معنى تانى كلمه يسمعها قلبى قبل ما تسمعها ودانى كلمه جامعه كل شعبى جوه وطن شكل تانى الوطنية مش دين ومله ولا أبيض ولا اسود ولا كانى ولا مانى هى غيره على بنت بلدى وعلى جيرانى الوطنية غطا أتغطى بيه علشان أدارى أى عوره من سيقانى مش بس كلمه أنادى أقولها وكل يوم معريانى الوطنية مش بس سلطه ولا كرسى ولا مجلس تلاقى فيه عضو نايم وعضو قايم والقرار لما يصدر تلاقيه مخرم من جنابه تفصيل للمصالح ولجنابه الوطنية مش واحده ست تخلع هدومها جوه فيلم وفى الحقيقه معريانى ولا شفت وهى ماشيه على البساط الأحمر جوه بلادنا وكل هدومها مفتحه من كل حته ومبينه اللحم الأبيض للعيال ولما سألنا دى وطنية قالوا لا دا مهرجان خليك فرى الوطنية مش شهامه أنك تبيع حشيش وبانجوا وتقتل كل بزره طرحه يا بكره شجرة أمل الوطنية مش تعيش العمر كله وأنت ماسك كل حاجه سيب شويه خلى بكره يمكن يكون جايب معاه أى حاجه الوطنية يا أخونا مش كلام وحاديت والسلام مش نووى وزرى وجيش أمنى ماشى يحرسك مش أعتقال مش سلسال مش كسر أيدك علشان بتكتب كلمة حلال الوطنية مش بس دم ينزف فدا الوطن ولا غنوه نتغنى بيها ومش كلام هى حاجه مزروعه جوه قلبك يوم ميلادك تعنى ليك يعنى أيه كلمة وطن --------------------- خلص الكلام وحان وقت العمل حسن عمران ओम्रन५५.मक्तूब्ब्लोग.कॉम ओम्रन५५.ब्लागस्पाट.कॉम बद्रल्न्हार.मक्तूब्ब्लोग.कॉम दस्तोर७६.ब्लागस्पाट.कॉम

يا ترى مخبلينا آيه يا 2008

يا ترى مخبلينا آيه يا 2008

----------------------- واحد حيموت م الضرب فى قسم شرطه ولا حملة أعتقالات فى صفوف الأخوان ولا مصريين حتغرق فى البحر من أجل لقمه العيش ولا مصرى توصل بيه الحاله يبوسوه ويركنوه جنب الحيطه ولا واحد هدومه م الحاجه قصرت فقال دى موضه حسنى برده حيقع فى أرابزنا ولا حنخش فى متاهت أبنه يا ترى مخبلينا آيه 2008

--------------------- حبس كام صحفى على كام مدون ولا قضية التوريث وميزانية موعوده بالتفليس ولا بانجوا وحشيش ولا حنشوف حاجه جديده ولا خطه لزيادة أعداد البطاله ولا موظف زهق فوقف على عربية فول يا ترى حتزيد أجور الفنانيين ويصرفوها على الخمره والفساتين ولا حيتبرعوا للأيتام زى الأوربيين ولا كام بنت حاتتخطف وتغتصب يا ترى مخبلينا آيه يا 2008

----------------------- حنلاقى عيش ولا مش حنلاقى ولا موته جوه قطر ولا بحر حنرتشى ولا مش حنرتشى حتجيلنا أنفلونزا الطيور ولا حيتجنن البقر اللى بيتعصبوا وبيقسمونا فرق وقبائل وملل ودين ياترى حاتصدر لنا كام فتوى ولا كام تصريح م الكنيسه لئيم يا ترى مخبلينا آيه يا 2008

----------------------- ياترى كام تلميذ حيقعودوا فى الفصل ياترى كام عيل حينام فى الشارع يا ترىحيستولوا على كام قرض ويبيعوا قد أيه م الأرض حنزور فى الأنتخابات ولا مش حنزور حيفرقوا علينا فياجرا ولا لاء ولا آيه ولاآيه ولا آيه يارب ما نتجنن ونمشى نكلم نفسنا فى الشارع أنا تعبان وعايز عصير ليمون وعليه صودا ---------------------- خلص الكلام وحان وقت العمل حسن عمران Omran55.maktoobblog.com Omran55.blogspot.com badralnhar.maktoobblog.com dastor76.blogspot.com

أقرا من باب العلم بالشىء

________________________________________ أيها السادة أنتبهوا الأخطر من التوريث يحدث في مصر الآن أسرة مبارك تحاول تأمين 55 مليار دولار ثروات جمعتها خلال ثلاثة عقود موزعة علي 6دول في 3 قارات وحمايتها من المصادرة والضياع دوريات بريطانية تؤكد : الأمريكان صادروا الثروات المملوكة لأسرة مبارك خمسة اليآت تعتمد عليها أسرة مبارك لنهب مصر دراسة من القاهرة ---------------------- ْالأهم من التوريث عند مبارك الأب والابن هو كيفية الحفاظ علي الثروة التي بحوزتهم والتي جمعوها طوال ربع قرن مضي من المصادرة والضياع، وتلك هي أزمة الأسرة الحاكمة في مصر الحقيقية الآن والتي لا ينتبه إليها أحد وليس التوريث لكون التوريث مستحيل إلا في عقول النخب المصرية التي تجتره صباحا مساء ومبارك ذاته سعيد بذلك والتوريث المقيت هو بمثابة بالونة يشغلون النخبة بها حتى يتمكن هؤلاء الحكام ومنهم أسرة مبارك من تأمين ثرواتهم خارج مصر, لاسيما وأن الأمريكان يكادوا يكونون قد صادروا الثروات المملوكة لمسئولين كبار من مصر والموضوعة في بنوكه والتي تقدر بمليارات الدولارات ووفقا ً لما تنشره ُ الدوريات المتخصصة في شئون الثروات بالعاصمة البريطانية لندن وعدد من العواصم الأوربية والولايات المتحدة حول الأرصدة السرية للحكام فإن ثروة حسنى مبارك تتخطي ال55 مليار دولار وهي موزعة علي سويسرا وفرنسا وأمريكا وايطاليا والسعودية والإمارات وهذا رقم يقترب بالطبع من ضعفي ديون مصر الخارجية، وبلا شك الرقم كبير جدا لكن مبارك أيضا مكث في السلطة كرئيس جمهورية فقط 25 عاما .ً كانت له خلالها الكلمة الأولي والأخيرة في شئون مصر. وتحضرني حاليا ً واقعة رواها صاحبها - يرحمه الله - قبيل رحيله لكثيرين في مصر وباتت أمرا ً مسلما ً به لدي كافة النخب المصرية بل والعامة.. حيث روي رجل الأعمال و الذي كان من الضباط الأحرار في الماضي أن الطاغية مبارك نظر له وقال له بالنص ما يلي "ما هو علاء و جمال زى ولادك يا وجية" نعم هذا ما قاله حسنى مبارك بالحرف الواحد منذ 15 عام للمرحوم وجية أباظة وكيل عام شركة بيجو عندما ذهب لمبارك ليشتكى له أن علاء و جمال مبارك يفرضان علية دفع عمولة ضخمة لهما عن كل سيارة بيجو تباع في مصر بعدها مات وجيه أباظة بحسرته وتكفيرا ً عن ذنبه ودرءً للشائعات قام مبارك بإصدار قرار بتعيين نجله بعد وفاته عضوا ً بمجلس الشورى.. وطوال وجود مبارك في السلطة وبالذات خلال العقد الأخير يتولي رجال الأسرة الحاكمة في مصر شئون مؤسسات أنشأتها الأسرة الهدف منها تفريخ رجال يدينون بالولاء الأعمى لها لاستغلالهم في السيطرة على مقدرات مصر بعد تعيينهم فى المناصب الحساسة التى من خلالها يفعلون ما يريدون بدون حسيب أو رقيب. ومن أمثلة ذلك تعيين د .محمود محى الدين وزيرا للاستثمار وقطاع الأعمال ومهمته الرئيسية بيع القطاع العام والبنوك والفنادق وكافة الوحدات الاقتصادية المملوكة للدولة بتراب الفلوس من خلال شركات مجهولة يملكها رجال اعمال موالين لتلك الأسرة. ومن أمثلة ذلك بيعت شركة بيرة الأهرام لأحد رجال جمال مبارك و هو أحمد الزيات بدون إعلان أو مناقصة أو مزايدة كما يقضى القانون بمبلغ يقل عن 50 مليون جنيه فقط، ولم يدفع بالكامل حتى الآن بالرغم أن حجم مبيعات هذه الشركة كان مليار جنية في العام. هذا وبعد 3 سنوات باع الزيات جزء من الشركة إلى شركة هينيكن للبيرة الهولندية بمبلغ 300 مليون دولار أى بما يساوى 40 ضعف السعر الذي بيعت بة الشركة للزيات!! و جمال محمد حسنى مبارك نفسه هو رئيس شركة ميدانفيست بلندن ولديه جنسية بريطانية ومن المنتجات و الأنشطة الرئيسية لشركته: بيع ديون مصر، سمسرة قروض بنوك، استثمار عقارى، مشروعات سياحية، المضاربة فى البورصة و الأوراق مالية، وغيرها. وبالنسبة للآليات التي أقامتها أسرة مبارك لكي تفرخ رجال أعمال ومسئولين موالين لتلك الأسرة تماما و تستعين بهم الأسرة في السيطرة التامة علي مؤسسات الدولة والنشاط الاقتصادي بها نذكر منها ما يلي: أولا: المركز المصري للدراسات الاقتصادية: وهو من الآليات الاقتصادية الموالية لأسرة مبارك ومن قياداته جمال مبارك ذاته وكل من الآتي أسمائهم: 1. أحمد المغربى رئيس شركة أكور للفنادق وعين وزيرا للسياحة فى الوزارة الجديدة- سعودى الجنسية المنتجات والأنشطة الرئيسية: فنادق سوفيتل ونوفوتل وميركور وايتاب وأيبيس وأكور وبولمان واكسبريس مدين للبنوك ب 3 مليار و توقف عن السداد 2. أحمد بهجت رئيس مجموعة شركات بهحت - لدية جنسية أمريكية المنتجات و الأنشطة الرئيسية: منتجات جولدى المنزلية ( تليفزيونات وغسالات وثلاجات)، مدينة ملاهى دريم لاند، مساكن دريم لاند فى 6 أكتوبر، قناة دريم الفضائية.. مدين للبنوك ب 6 مليار وتوقف 3. أحمد عز زعيم الأغلبية في مجلس الشعب وأمين التنظيم بالحزب الوطني ورئيس مجموعة شركات عز - فلسطينى الجنسية..المنتجات والأنشطة الرئيسية: حديد التسليح.. مدين للبنوك ب 4مليار 4. شفيق جبر رئيس شركة أرتوك المنتجات والأنشطة الرئيسية: سيارات سكودا مدين للبنوك ب 2 مليار 5. معتز الألفى رئيس شركة أمريكانا المنتجات والأنشطة الرئيسية: معلبات أمريكانا، لحوم ودواجن أمريكانا المجمدة، صلصة أمريكانا، بيتزا هت، دجاج كنتاكى، دجاج تيكا، هارديز، تى جى أى فرايديز، صب واى، باسكين روبينز، جراند كافية، فيش ماركيت.. مدين للبنوك ب 3 مليار 6. محمد فريد خميس عضو مجلس شورى ورئيس شركة النساجون الشرقيون - لدية جنسية تشيكى المنتجات و الأنشطة الرئيسية: سجاد و بتروكيماويات.. مدين للبنوك ب 3 مليار 7. محمد لطفى منصور رئيس مجموعة شركات منصور- لدية جنسية أمريكية المنتجات والأنشطة الرئيسية: سيارات ركوب أوبل وشيفرولية وأولدزموبيل و ايسوزو، سجائر مارلبورو وميريت و ال ام، سوبر ماركت مترو، معدات كاتربيلار، مطاعم ماكدونالدز، سيارات نقل شيفرولية وايسوزو، اطارات ميشلان، كومبيوتر ايسر، كومبيوتر اتش بى، أجهزة سيمينز الاليكترونية، ألبان لبنيتا، عصائر تانج، أغذية محفوظة ماركة كرافت، مياة معدنية حياة، تونة معلبة ماركة صن شاين، كومبيوتر أى بى ام.. مدين للبنوك ب 3 مليار 8. رشيد محمد رشيد صاحب شركة فاين فودز وشركة يونيليفر مشرق وعين وزيرا للصناعة والتجارة فى الوزارة الجديدة ( لدية جنسية بريطانية) المنتجات والأنشطة الرئيسية: صابون أومو، مرقة دجاج كنور، شاى ليبتون، شاى بوندز، صابون ومستحضرات تجميل ريكسونا، صابون ومستحضرات تجميل صن سيلك، صابون و مستحضرات تجميل دوف، مرقة دجاج منتجات فاين فودز، صابون ومستحضرات تجميل آكس.. مدين للبنوك ب 3 مليار 9. شفيق بغدادى رئيس شركة فريش فودز.. المنتجات والأنشطة الرئيسية: منتجات فريش فودز الغذائية.. مدين للبنوك ب مليار 10. جلال الزربة رئيس شركة النيل للملابس.. المنتجات والأنشطة الرئيسية: قمصان فان هوزين وبيير كاردان.. مدين ب 2 مليار للبنوك 11. طاهر حلمى صاحب سى ان اى( شو تايم).. المنتجات والأنشطة الرئيسية: فضائيات وسمسرة قروض بنكية ومحاماة.. مدين ب 3 مليار ثانيا: جمعية جيل المستقبل 1. جمال مبارك رئيس الجمعية 2. معتز الألفى نائب رئيس الجمعية 3. أحمد المغربى عضو مجلس ادارة 4. أحمد عز عضو مجلس ادارة 5. جلال الزربة عضو مجلس ادارة 6. رشيد محمد رشيد عضو مجلس ادارة 7. هشام الشريف عضو مجلس ادارة ثالثا: مجلس الأعمال المصرى الأمريكى 1. جلال الزربة.. رئيس اتحاد الغرف التجارية والصناعية 2. أحمد الزيات.. رئيس شركة بيرة الأهرام..المنتجات والأنشطة الرئيسية: مشروبات بيريل فيروز وبيرة ستلا وبيرة سقارة وبيرة مايستر وبيرة هاينيكن.. مدين للبنوك ب 3 مليار 3. أحمد عز 4. أحمد البردعى.. رئيس البنك الأهلى و البنك المصرى الأمريكى 5. رؤوف غبور.. رئيس مجموعة شركات غبور.. المنتجات والأنشطة الرئيسية: سيارات هونداى، اطارات جوديير، سيارات نقل ميتسوبيشى، ماكينات خياطة برذر، أتوبيسات فولفو، معدات سكانيا، قطع غيار بوش، فسبا باجاج.. مدين للبنوك ب 3 مليار 6. شفيق جبر 7. محمد لطفى منصور 8. معتز الألفى 9. حسام بدراوى..عضو مجلس شعب ورئيس مجموعة مستشفيات بدراوى.. المنتجات والأنشطة الرئيسية: مستشفيات بدراوى.. مدين للبنوك بمليار وتوقف رابعا: لجنة السياسات 1. أحمد جمال الدين موسى - عين وزيرا للتعليم فى الوزارة الجديدة 2. أحمد عز 3. أسامة الغزالى - حرب عضو مجلس شورى " خرج علي اللجنة وأدانها وأكد فشلها ويؤسس حزب جديد الآن " 4. أمين مبارك - عضو مجلس شعب 5. أنس الفقى - عين وزيرا للشباب فى الوزارة الجديدة 6. جلال الزربة 7. حسام بدراوى 8. رشيد محمد رشيد 9. شفيق بغدادى 10. شفيق جبر 11. طارق كامل - عين وزيرا للاتصالات فى الوزارة الجديدة 12. طاهر حلمى 13. عبد المنعم سعودى.. رئيس مجموعة شركات سعودى.. المنتجات والأنشطة الرئيسية: سيارات سوزوكى ونيسان وأتوبيسات سكانيا.. مدين للبنوك ب 2 مليار 14. ثروت باسيلى.. رئيس شركة أمون للأدوية المنتجات والأنشطة الرئيسية: أدوية ومستحضرات طبية.. مدين للبنوك ب 2 مليار وتوقف 15. محمد فريد خميس 16. محمد ابوالعينين.. عضو مجلس شعب ورئيس سيراميكا كليوباترا - لدية جنسية ايطالية.. المنتجات والأنشطة الرئيسية: حمامات وبلاط سيراميك.. مدين للبنوك ب 3 مليار وتوقف 17. محمود محيى الدين - تم تعيينة وزيرا للاستثمار فى الحكومة الجديدة 18. نادر رياض.. رئيس شركة بافاريا.. المنتجات والأنشطة الرئيسية: طفايات حريق مدين بمليار دولار للبنوك 19. عمرو عزت سلامة - عين وزيرا للتعليم العالى فى الوزارة السابقة 20. منصور عامر.. عضو مجلس شعب وصاحب مطاعم تشيليز المنتجات والأنشطة الرئيسية: مطاعم تشيليز وجونى كارينوس و لو نوتر.. مدين للبنوك ب 3 مليار وتوقف 21. محمد هاني سيف النصر - أمين الصندوق الاجتماعى 22. هشام طلعت مصطفى - عضو مجلس شورى ورئيس مجموعة شركات طلعت مصطفى.. المنتجات والأنشطة الرئيسية: مساكن مدينة الرحاب و فنادق الفور سيزونز.. مدين للبنوك ب 4 مليار 23. يوسف بطرس غالى - وزير المالية خامسا: أخرين من خارج لجنة السياسات و باقى مؤسسات جمال مبارك: 1. فرج عامر.. رئيس الشركة المصرية لتجميد وتصنيع اللحوم المنتجات والأنشطة الرئيسية: لنشونات و لحوم مجمدة فرجاللو مدين للبنوك ب 2 مليار ملحوظة: فرج عامر ضبط وهو يغش اللحوم واللنشونات التى ينتجها بلحم الحمير الا أن جهات عليا تدخلت وأوقفت التحقيقات وتم التكتم على الموضوع لأن جمال مبارك شريك مع فرج عامر بنصيب مجانى يبلغ حوالى 40%. 2. أحمد عرفة وأشرف عرفة وعلاء عرفة.. أصحاب مجموعة جولدن تيكس.. المنتجات والأنشطة الرئيسية: محلات وملابس للويس، كونكريت، ميكس، وجراند ستورز وحرية مول وملابس بيركاردان ودانيال هيشتر وجى لاروش.. مدينون ب 4 مليار للبنوك و توقفوا ملحوظة : أحمد عرفة صديق مقرب من حسنى مبارك منذ أن كانا فى نفس الدفعة بالكلية الجوية ولذلك بيعت شركة ومحلات أوركو (قطاع عام) الى نجلية بدون اعلان أو مناقصة بتراب الفلوس وقد قاما بتغيير اسم المحلات من أوركو الى جراند ستورز. كما تم المماطلة فى اصدار قرار فتح باب استيراد الملابس الجاهزة من الخارج طبقا لاتفاقية الجات التى انتهت المهلة التى حددتها لمصر فى أول العام الماضى و ذلك بهدف حماية منتجات أل عرفة من المنافسة الخارجية حيث أن جمال مبارك شريكا معهم بنصيب مجانى يبلغ حوالى 30%. 3. ..حمزة الخولى وحسين سالم وابراهيم كامل.. أصحاب فرست للاستثمار وتجار سلاح المنتجات والأنشطة الرئيسية: فيرست مول وفنادق موفينبيك وفور سيزونز.. مدينون ب 7 مليار للبنوك ملحوظة: حمزة الخولى و حسين سالم هما شركاء حسنى مبارك فى تجارة السلاح و لذا فقد فتحت أبواب البنوك على مصرعيها لهما ليغترفا منها ماشاءا.الشركة البافارية للسيارات: جمال مبارك و أخرين. سيارات بى ام دبليو 4. فهد الشبكشى وعبد الرحمن الشربتلى (سعوديان الجنسية).. أصحاب مشروع سيتى ستار- فنادق انتركونتنتال وشوبنج مول ومدينة ألعاب ودور سينما. 5. صالح كامل (سعودى الجنسية).. صاحب محطة أية أر تى الفضائية. 6. الوليد بن طلال (سعودى الجنسية).. صاحب فنادق فورسيزونز بالقاهرة وشرم الشيخ. 7. نجيب ساويرس.. صاحب شركة مصر للأسمنت. 8. محمد نصير.. رئيس فودافون وتاجر سلاح وأخيرا ما سبق يعري الأشخاص الذين يعتمد عليهم مبارك الابن حاليا في الهيمنة علي شئون البلد الاقتصادية وتوظيفها لصالح أسرته ويكشف الأموال التي أخذوها من البنوك ويوضح كيف تباع مصر وتبدد ثرواتها ويتم إفقار شعبها عبر تنفيذ سياسات لا تعبر عما يريده هذا الشعب لكنها تخدم مخطط نهب ما شيدته الأجيال الماضية ومن الملاحظات الملفتة للأنتباه أن غالبية من يعتمد عليهم جمال مبارك يحملون جنسيات أجنبية الي جانب الجنسية المصرية ويؤمنون بالعولمة الأمريكية ويعادون العدالة الأجتماعية وهؤلاء بدورهم من يتمنون أن تورث مصر لجمال ليحافظوا علي مزاياهم وما نهبوه من ثروات. أذن ما هو سبيلنا لأسترداد ثروات الوطن موقع حزب العمل

طالع بلادنا وبختها

طالع بلدنا وبختها طالع بلدنا وبختها وأوعى تخيب وتضيع جواب الحقيقه يا أبني نجيب وأفتكرني دايما لما صابتنى رصاصة ومت فى حضنك شهيد أوعى تنسى الولد اللى عبر القنال ورفع معاك العلم والرملة نار وأفتكر ليالى السمر أيام ما كنا بنحلم ببكره وليلة العيد فاكر ليالى السما لما يطلع فيه القمر بدر فاكر بدر لما كنا نحلم نكون جنود فوق الجبل ونول شرف الشهادة ويا الرسول يومها فاكر للنهارده لما قلنا الله وأكبر صرخه واحده كان معانا جنود كتير م الملايكه بالعزيمة والتوكل يالله وعبرنا وعبرت معانا مصرنا حامله فى أيديها علم علم الكرامه وعزنا مكنتش أسمع جوه ودنى صوت أوامر إلا أمر الله وأكبر كان فى أدينا سلاح ووياه حاملين سلاح الله وأكبر ولما مات فى قلبى حضنى على أرض سيناالبطل مات شهيد سلمنى جواب ورجعت شايله جوه جيبى ولما قريته لقيته كتبلى فيه طالع بلا دنا وبختها فيه عصابة بتتزرع فى أرضها سرطان مخيف ليه جذور بتاكل فى بعضها مالوش دوا يا تستأصله يا تموت فضلت أسرح ويا فكرى وفى الجواب العصابة راكبه فوق قلوبنا وع الصدور بانية بينها وبين الشعب سور لو حد حاول يعدى يا أما منهم يا يتحرق جوه قطر ولا مسرح فيه رواية تحكى تنوير العقول ولا تغرق جوه بحر لونه أحمر لونه أبيض ولا حتى ف قلب شط جنب أرض أو فى سجن عم عنتر المشمر واللى ماشى بأمر عبله بدون أصول هى دى أصل الحكاية م البداية كان جواب طالع بلا دنا وبختها فى الدنيا عمرى ما شفت أختها فى المرار والحظ اللى وجع قلبها قول النصيب قول القدر مش مهم أصله مين بس أملنا فى الحرامية الهربانيين أشرف وطلعت وأسماعيل يبنوا جييش يحتل لندن ونبقى دولة مستعمريين يحتلوا مصر ويحرروها وبدل الولد اللى مات شهيد جوه سينا يبقى ألأمل جوه عصابة م الهربانيين وهو ده حال بلادنا وبختها يا حظها *********** خلص الكلام وحان وقت العمل حسن عمران Omran55.maktoobblog.com Omran55.blogspot.com badralnhar.maktoobblog.com dastor76.blogspot.com

زمن الأنتحار

زمن الأنتحار ما تياالله يا مصرى تحلم وتمنى نفسك بمصر بلا مبارك و خد الحلم من أوله أحلم بأنك رايح تنتخب رئيس جديد من وسط عشرة مافيهمش حد من أصلهم أو ليه جذور تمتد حتى لسابع جدهم بدون تزوير أحلم بأنك يا مواطن قايم من نومك منتشى ومنتعش وبتقول لزوجتك صباح الخير ونازل لشغلك سعيد أحلم يا مصرى بأنك بتخلص أوراقك بدون رشوة بدون واسطه بدون واحد قالبلك وشه شمال ومطول لسانه عليك أحلم يا مصرى بأنك واقف فى قسم شرطة تتناقش مع ضابط فى مكتبه وتعاتبه لآنه أخطأ فى حقك وبتطلب منه أعتذار أحلم يا مصرى بدون خوف على صحتك مهما تمر بأزمه أذهب للمستشفى حيلتف حولك كونسولتوا أطباء وممرضات ونقل دم فورى بسبب ضعفك وسيل من العتاب ليه أنتظرت على نفسك لحد دلوقتى والدولة موفره لك كل حاجه بالمجان أحلم يا مصرى بيوم رياضى تحت شمس دافيه فى مدرسة أولادك مع باقى الأسر الحاضرة متجمعين على حب أحلم يا مصرى بأنك مصرى بدون كلام فى الدين لا أسلام أرهابى ولا مسيحين على الوطن متائمرين وكلمة صباح الخير عامه ومفيش سب ملل ولا سب الأم ولا سب الدين أحلم يا مصرى على طول وانصحك ما تقمش م النوم خليك نايم على طول وروح فى سبات عميق فهذا الزمن الموت فيه أرحم بكتير لك الله -------------- خلص الكلام وحان وقت العمل حسن عمران Omran55.maktoobblog.com Omran55.blogspot.com badralnhar.maktoobblog.com dastor76.blogspot.com

شجون وهموم وآلام

شجون وهموم وآلام هل تسمعينى يا نور العيون يا كل الفرح يا كل الشجون يا بهجة الأيام يا حلم المنام فاكرانى أنا الطفل الصغير اللى كان يسحف على ترابك فرحان أنا اللى كنت كل ما أكبر أزيد أبتسام هنا أتربييت هنا عشت وهنا أترويت من نيلك هنا زكرياتى هنا حياتى هنا حبيت وأتحبيت فاكر لما كنا بنلعب أنا وصحابى فى ضل الشجره كنت أتسابق مرة أسبقهم ومرة يسابق وكان بالقرب من عتبتنا جنينه كبيره فيها ورود أحمر وأبيض وأرض نجيله لونها أخضر وفوقها نهار وخيمه كبيرة لونها أزرق لما كبرت عرفت إن دى تبقى سماكى كان أحساسى فى نفس اللحظه إن أنا فى الجنه ودارت بيا الدنيا وكبرت وأتعلمت ويا ريتنى ما أتعلمت لآنى فهمت ويا ريتنى ما فهمت أول مرة أعرف إن الجنه يا مصر ليها سجان وفيها زنازين وفيها حرامية وفيها تعابين وفيها ظالم وفيها مظاليم ولقيتنى ملفوف بشال شجون وهموم وآلام حسيت إن أنا ندمان أنى كبرت وقلت فى نفسى يا ريتنى فضلت زى ما كنت أنا وصحابى نتسابق مرة أسبقهم ومرة يسابق -------------------- خلص الكلام وحان وقت العمل حسن عمران Omran55.maktoobblog.com Omran55.blogspot.com badralnhar.maktoobblog.com dastor76.blogspot.com

شعار يرفع وأقلام تكسر

شعار يرفع وأقلام تكسر هذا هو نظام مصر يتبع سياسة اللعب على الحبلين وكأنه يحكم عميان يتكلم عن الحريات بما أوتى من قوه ثم يقوم بكسر أقلام فرسان أمتطت صحف الحقيقه وأنبرت تكتب وتكشف مستور هذا النظام وما يشمله من فساد وظلم ونهب وسرقه وهذه سمة عصره وفشله فى زرع شجرة حياة تؤتى ثمارا طيبا لهذا الشعب الذى عانا الأمرين من حرمان وفقر ومرض وأبتلى بهذا النظام أيها الصحفيون الشجعان لا أسترحام من مبارك ولا تفاوض أو تنازل على حقوق مشروعه ومكفوله بموجب دستور وضع قبل أن يولد مبارك فلتبقى أقلامكم سيوف على رقاب من أفسدوا مصر فغدا سيرحل مبارك ومن معه وستبقى أقلامكم معززه مكرمه ترفرف فى قلب الوطن بفخر وعزه لنا الله ولمصر الصبر على البلاء ---------------- خلص الكلام وحان وقت العمل حسن عمران Omran55.maktoobblog.com Omran55.blogspot.com badralnhar.maktoobblog.com dastor76.blogspot.com

ليس بوسعك تسألينى

ليس بوسعك تسألينى ليس بوسعك تسألينى أو تجرحينى فا أنا ثرثار أتكلم وأهمس ولا أتراجع عن أى قرار أنا ثرثار ولكنى لست بشمشون أو عنتر أقوى على صد جحافل الفقر أو زحف نظام غدار وشفاعتى قلمى لم يرتعش يوما أو حاول حتى فرار لكنه بيرسم شرخ فى قلب جدار ليس بوسعك أن تلومينى أو تجرحينى فلست مسافر وحدى جوه قطار فترفقى بى قليلا وأنتظرى غدا زحف ولادك زحفه سنين غل مرار جاية تكسر كل قيودك توفى وعودك واخده قرار قرار أتحاد قرار أنتخاب قرار الحقيقة ينص القرار نسافر جميعا فى قلب القطار فلست وحدى ذاق المرار ----------------- ذهب الكلام وحان وقت العمل حسن عمران Omran55.maktoobblog.com Omran55.blogspot.com badralnhar.maktoobblog.com dastor76.blogspot.com

سلام يا مصر السلام

سلام يا مصر السلام سلام عليكى يا مصر كتير السلام سلام المحبه سلام حبه حبه سلام ونظره سلام وأبتسام سلام نادى على بلادى سلام العطر م الوادى يا أحلى زهرات الكون سلام لميت مليون هما تعدادك سلام المسك والعنبر سلام محلى بالسكر سلام الفل والريحان سلام مليون سلام ونعيد كمان سلام من قلب ولهان سلام من قلب متعطر بعطر النيل سلام يا مصر السلام عارفه كل يوم يا مصر أشوف صورتك ملاك فى أحلامى عارفه كل يوم يا مصر أشوفك عروسه بتوب أبيض متزينه با لترتر وطرحه حرير مقصب وماشية طايره م الفرح وسط الناس أبتسم ويا نفسى وأقول يا حلاوة حلم المنام قبل ما ييجى فى ودنى صوت الأدان ويطلع عليا الصبح أشوف كابوس جاسم على صدرك كاتم على نفسك وكأنه الدهر شارخ جدار قوتك ناوى على موتك والمصرى يا ولداه غرقان فى قلب نهر هموم فاض من الجريان وينده وينده وينده والشعب حواليه ملموم ناس عادية وناس بدقون وناس لابسه وناس من غير هدوم ولا فيش أيدين تدمدله قبل ما يضيع فى دوامة النسيان وتموت يا مصرى ويفضل نهر همومك سارى الجريان خلاص مليت من نفسى وأنا داير أصحى كأنى مسحراتى فى رمضان ونعيد كمان مليون مره نعيد كمان سلام عليكى يا مصر سلام كتير السلام --------------------- خلص الكلام وحان وقت العمل حسن عمران Omran55.maktoobblog.com Omran55.blogspot.com badralnhar.maktoobblog.com dastor76.blogspot.com

قرار أتهام

قرار أتهام فى ساعة تمام وبأمر عالى م الحكومه وم الأمام قررنا نحن وكيل نيابة الأمن العام أصدار قرار أتهام بحق المدعوا أبراهيم عيسى أنه فى يوم من الأيام وفى ساعة تجلى قام المذكور بالقذف والتعدى على الذات الملكية لرئيس الجمهورية وأطلق أشاعه مفادها الريس مريض وعايز أشاعه وبما إن الريس ما بيمرضش و عنده مناعه فقرننا نحن وكيل النيابة المفترية بأحالة أوراق الصحفى أبراهيم بن عيسى الى المحكمة العسكرية علشان يكون عبره لكل صحفى يمس الذات الملكية للرئيس أو وريث الجمهورية عارفين مين أبراهيم صحفى من الحريين واللى شاربين من مية النيل ومتربى فى قلب الطين قلبه مليان وطنية شاطر فى قول الحق ولا يهموش شفيقه العامشه أو حتى سلامه أشقوش ميعرفش ينافق مبتسم ووشه بشوش وعلشان الكل يخاف لازم نحبسه فى محبسه ونديله كمان حقوق الأنسان كل يوم عدس وخس وعيش حاف ومسموح ليه بالزيارة من أهله وأهل الحارة وبلاش أنت وهية تقولى كلام و ديمقراطية الحكم جاى من فوق أمر للقاضى جلسات ومرافعات كله كلام فاضى الحكم نافذ يا أبراهيم وأحنا قاصدين تكون أنت كبش فدا لباقى الصحفيين اللى زيك تخاف ونخلص من أى صحفى شواف وأجلس أنا مرتاح وأغنى كل صباح سألوا نمرود أيه نمردك على الخلايق قال ملقيتش واحد فى البلد يردنى للحق --------------------- خلص الكلام وحان وقت العمل حسن عمران Omran55.maktoobblog.com Omran55.blogspot.com badralnhar.maktoobblog.com dastor76.blogspot.com

أنسداد شرايين الحرية

أنسداد شرايين الحرية نعم مصر أصبحت مريضه وتشخيص المرض أنسداد فى شرايين الحرية وبناء عليه قبل أن يصاب القلب بعله وتحتاج فى هذه الحاله لعملية قلب مفتوح وهى مكلفه لنا جميعا لما ستتركه من أثر كبير على صحه مصر فلذلك حتى ننقذ ما يمكن أنقاذه تبرعوا بوقفه بمظاهرة بأعتصام بأضراب بكلمه فى جريده علوا أصواتكم فى الشارع أتكلموا حتى نقوم بعمل عملية توسيع سريعه لشرايين الحرية حتى يبقى الدم يتدفق مثل النهر ويفيض وتبقى مصر على قيد الحياة قبل ما يفوت الآوان ونعود وتصبح مصر مريضه بالقلب ومعرضه للخطر يا عينى عليكى يا مصر وأنتى بتتألمى من غير صوت قومى مره أصرخى قبل الحياة ما تموت وتيجى النهاية ونندم مهما نندم ونصرخ وأيه يفيد الصراخ مع شدة الآلم ----------------------- ذهب الكلام وحان وقت العمل حسن عمران Omran55.maktoobblog.com Omran55.blogspot.com badralnhar.maktoobblog.com dastor76.blogspot.com

أنا مش زيك ..

أنا مش زيك .. أنا مش زيك وعمرى ما أكون زيك كل أتفاقنا كان هدنه منصوص فيه بس أقولك أزيك يمكن يكون ما بينا ناس أتمادت وقالت أكثر من أزيك عارف ليه لأنهم زيك وعلشان تعرف أنى عمرى ما أكون زيك ولادى سالت دماهم على سينا فوارس نوارس أسود تشهد عليهم بويات الحدود وأسأل عساف و شالوم و نجمة داود لما أنداسوا تحت أقدام ولادى الجنود علشان كده عمرى ما أكون زيك ولا حتى أقولك أزيك كل اللى بينى وبينك أقصى وقبه وصخره وأرض وشجرة زيتون خضرا وكل اللى ليك حائط مبكى مهما تنكفى عليه تبكى حتفضل برده سلسال اليهود علشان كده عمرى ما أكون زيك ولا حتى أقولك أزيك يمكن يكونلك دلوقتى فى بلادنا يومين علم وسفارة ونظرة عين هنيالك طول ما الخونه فى بلادنا حاكمين وطول ما يقابلوك بسلام وأحضان وأكثر من كلمة أزيك مش حيدوم بكره يجيى لنا يوم نطير من عنيك وعنيهم النوم وأرفض عليك أسلم وأرفض أقولك أزيك لأنى ببساطه شديده عمرى ما أكون زيك مهما عليت وقويت وبقيت حمام وسلام حفضل أعلم ولادى فى الوادى وعلى ضفة ألنيل عمرك ما كنت حمام وسلام أنت صقور و بوم غربان وعمرى يوم ما أكون زيك ولاحتى أقولك أزيك -------------- خلص الكلام وحان وقت العمل حسن عمران Omran55.maktoobblog.com Omran55.blogspot.com badralnhar.maktoobblog.com dastor76.blogspot.com

خيبة الأمل راكبه جمل

خيبة الأمل راكبه جمل نعم بدون زواق أو لخبطة ألوان هذا هو حالنا ولا مفر فنحن كلنا وضعنا فى ركن المعارضه ومبارك وحكومتة حصلت على ثلاثة أركان الجيش والشرطه ورأس المال ووضعوك يا مصرى بين المطرقه والسندان فعلينا فى ظل تلك الحكومة ألا نضع أى أمل فى شىء وليس معنى ذلك أن نيأس من الأمل ولكن لنتخذ خطوه عملية فى مع قرب أندلاع بركان الخضب الشعبى وهذا الأحساس يراودنى كل لحظه لذلك علينا الأستعداد من الآن بخطوات إيجابية أولا : أنشاء حكومة ظل مستعده لتولى الحكم فى أى لحظه ثانيا : الأستعداد لأنتخابات رئاسية حقيقية فى ظل أجواء دمقراطية حقيقية مبنى على أساس سليم ثالثا : تأهيل الشعب لكشف الحقائق حتى لا يصدم ويتأثر نفسيا مع محاكمة كل من تآمر على مصر وشعب مصر رابعا : بدأ حملة تطهير بمساعدة الجيش لكل من تصهين أو تأمرك وظن أننا ممكن نكون توابع خامسا : التخلص من كل بؤر الفساد وأعادة الأنضباط الى الشارع المصرى من جديد سادسا : زرع ثقافة الأدب والأخلاق بعد أن ذهب السلام والتحية و حل مكانهم السب والشتم وقلة الأدب بعد ذلك ستروا مصر فى ثوب جديد ---------------------- خلص الكلام وحان وقت العمل حسن عمران Omran55.maktoobblog.com Omran55.blogspot.com badralnhar.maktoobblog.com dastor76.blogspot.com

قروض وحرامية

قروض وحرامية آه م الوجع اللى بيضرب فى جنابى يانى من حزنى عليكى يا مصر جنابى مألمانى كل ما بيسرقوكى الحرامية دماغى وجعانى رحت لطبيب مداوى يداوى عليتى يانى قال الطبيب شوف دوا ليك وليا وعود تانى يا خوفى يا أبو الهول لا يعملوك قرض ويضربولك ورق ويحجزوك فى البنك ويهربوك للخارج ويقولوا رهن القرض عايشين فيك يا زمن زمن غريب غدار حرامية نازله سرقة بالليل وبالنهار بنوك سوسرا أعترفت لمصر فيه ملايين ألو يا أهل الأمم ما طبقوا القوانين ملايينا متهربه ملايين ورا ملايين مين يا ناس الفاعل الفاعل مش عارفين أنا أعمل زى غيرى وألحق أخدلى قرض أشترى كرتونه بيض والضامن ليا الأرض مظلومه يا مصر خالص من ولاد القرض بدل ما يتحملوكى سرقوكى طول وعرض عايزين حكومه جديده تصون لمصر العرض وتمسك لنا الحرامية يتحاكموا فى الليمان ويناموا فيه ع الأرض ------------------- خلص الكلام وحان وقت العمل حسن عمران Omran55.maktoobblog.com Omran55.blogspot.com badralnhar.maktoobblog.com dastor76.blogspot.com

ماذا يحدث لو

ماذا يحدث لو نعم ماذا يحدث لو قمت بعمل أعلان عن تمويل شراء بندقية شرط أن توجه فوهتها الى صدر الريس وعندما يستجيب الناس وتتعدد فوهات البنادق فما الذى سيفعله أمن الرئيس هل سيصد كل تلك الفوهات التى ستوجه الى صدر الرئيس طبعا لا يقوى على صد كل تلك الفوهات هذا الكلام مقصود بيه أنت يا مصرى هل ستنتظر حتى تجد نفسك عبد يستجدى الديمقراطية من السيد وهى حقك هل تتركهم يبيعوك ويشتروك هل تتركهم يورثوك وكأنك يا مصرى وقف فى زمة الله لذلك إذا أردنا التغيير فعلينا جميعا أن نكون كلنا فوهات بنادق توجه الى صدر الرئيس لوقف كل هذا الفساد والعبث فى مقدرتنا قبل أن نغطى بسحابة ظلام دامس يعقبها جفاف للنهر وقبل أن نصل الى تلك المرحله فعلينا جميعا أن نكون فوهات بنادق موجهه الى صدر الرئيس نغير ونحلم بالتغيير --------------- خلص الكلام وحان وقت العمل حسن عمران Omran55.maktoobblog.com Omran55.blogspot.com badralnhar.maktoobblog.com dastor76.blogspot.com

نقطة نظام

نقطة نظام مليون سلام وتحية لكل المحلاوية ناس وعمال وفلاحين أول وتانى وتالت وعقبال حلوان وكل أسكندرية من هنا كانت البداية يا صاحبى خليك معايا مش عايزك يا صاحبى تضامن وتقولى بيان وكلام أنا عايزك تكون جنبى وتعمل أعتصام أيوه عايز منك بس نقطه نظام نقطه واحده تلمنا كلنا مع بعضنا نغنى أغانى لأمنا عن الثورة والأعتصام علشان ما يضعش حقنا ونعود تانى نقول كلام من هنا نقطة نظام تعالوا بينا كلنا نحط النقط فوق الحروف المحلة من بين ألوف المحلة هى البداية تعالوا بينا كلنا نطرد الحرامى من وسطنا ونركب سفينة الأمل بشراع جديد مفرود من أسوان لبورسعيد أيدينا فى أيدين بعضنا كلنا ناخد قرار من غير فرار نمسك معاول الأمل نهدم جدار الزمن ونبنى بلادنا لوحدنا وبلاش نقول نصيب أو قدر يلا نحطم زنازين الخوف ونكسر قيود الخطر كل شىء أحنا بنصنعه بأيدينا نغيره نكسره نحطمه وننتصر مره واحده ننتصر ونعود تانى لآحضان أمنا حضن واحد يضمنا كلنا من غير فراق وبلاش تقول القدر وتعيش أسير من يوم ميلادك يا مصرى وأنت حر أصيل عمرك ما كنت يوم فى تاريخنا ذليل وبلاش تقول دا القدر --------------- خلص الكلام وحان وقت العمل حسن عمران Omran55.maktoobblog.com Omran55.blogspot.com badralnhar.maktoobblog.com dastor76.blogspot.com

يا بلدنا أيه أخبارك

يا بلدنا أيه أخبارك كل ما أشوف حالك وأطل على جرانك وأشوف اليابان قدام أقول يا هل ترى قد أيه تفضلى يا بلدنا متأخره متعثرة متحسره على ده حال وتعيشى يا بلدنا صامته ساكته متعلقه بحبال دايبه وكأن أمل بكره خلاص محال ساعتها أهمس ويا نفسى من يأسى طالت بنا الأيام وأنا مستنى أتمنى تاخدنى غبره فى الزحام ولا تيجى موجه وبا تصيبنى بالعمى علشان مشفش همساتك نظراتك والدمع ف عنيكى نازل مطر حاسس أنابالخطر غرقان هربان من كل حاجه أسمها قدر وأصمت ساعات وأحس أنى أنسان جبان وساعات تتملكنى الشجاعه ويجينى أحساس غريب أنى بطل أجرى فى وسط الناس أنده أنده باأعلى صوت وكأنى واحد خايف من الموت بيفرفر من حلاوه الروح فى وسط ملايين البشر أنده بأعلى صوت وعمرى ما سمعت من ندهى غير صدى الصوت وكأن بلدنا بقت مقابر مفيش فيها غير الموت رجعت تانى أشوف حالك وأطل على جرانك وأشوف اليابان قدام قمت ألعن فى أخبارك والكدابين اللى بيكتبوا أخبار كذب فى جرنال ------------------ حسن عمران ألآن نطور الموقف الى عمل مش بس كلام Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

ونحن فى أنتظار الملك

ونحن فى أنتظار الملك يأتى موكبه من بعيد يشع نور يصطف مستقبليه على الأجناب فى أنتظار ملك الرحمه والمغفره والعتق من النار وهم عباد راكعيين خاشعيين مهلليين مكبريين فى أنتظار موكب الملك أنه ملك الشهور إذا أتى هلاله هلت أسارير الفرج والخير وفتحت أبواب الجنه وأغلقت أبواب النار وحبست الشياطين فى مساكنها بأمر الله وفتحت المساجد وبسطت الموائد لتطعم الجائع والمحروم وهفهفت رياح الحب والتسامح وباتت رائحه العباد مسك وعنبر وأستقبلته الأسر بالكنافه والقطايف والخشاف فلننتهز تلك الفرصه ونكثر من الدعاء ... الله ما أهدى رئيسنا كما هديت فرعون موسى يارب أغنى رئيسنا وولده بالحلال ويكتفوا باللى أخذوه يا رب خد بأيديهم وأعينهم على الرحيل نفى أو أقامه فى جزيرة شندويل الله أما أ كسر ارجل كرسى الرياسه علشان محدش يقعد عليه الله أما أهدى حكومتنا وترحل وتسيبنا فى حالنا الله أما أفضح الحكومه زى ما فضحت شفيقه ومتولى يا رب حله قد ملعب كرة تنس ندخل بيها كتاب جينس مليانه لحمه بتلو بدون عظم نطعم بيها المحتاجيين يا كريم يارب أهدى شوية من الضباط الأحرار فى الجيش ويعرفوا أن مصر محتجاهم علشان تخلص م الكابوس يا رب كام متر كستور نكسى بيه فيفى عبده وأخوتها دينا ونجلا من البرد يا رب توه عقل الحكومة عن بيع البنوك واللعب فى البورصة والبكنوت يا رب تقبل صيامنا وقيامنا وحسنى وأبنه وأعوانه المنافقين ونواب القروض والشيكات والنايمين فى المجلس ونواب سميحه ورجال الأعمال اللى بيحتكروا السلع والوزراء الكذابين وكل اللى عارفين وساكتين عن حق الشعب لا كل سنه وأنتم طيبين وبعوده ألأيام عليكوا بخير رمضان كريم -------------____________---------- حسن عمران ألآن نطور الموقف الى عمل مش بس كلام Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

هل الريس معصوم من المرض

هل الريس معصوم من المرض الأسبوع الماضى قامت الدنيا وقعدت على سيرة واحده مبارك مريض وبعد ذلك خرج علينا جهابذة الصحف وفتوات التصريحات لينفوى مرض مبارك ويثبتوا أنها شائعه وكأن مبارك معصوم من المرض لذلك دعونا نرى الأمور من زاوية أخرى فلنفرض أن مبارك مش مريض وصحته عال والراجل مش مريض لكن مالا نراه هو أن مبارك بلغ الثمانيين الآن ومعروف طبيا بأن هذا العمر يصاب بأمراض تسمى أمراض الشيخوخه وهى أمراض عديده ليس لأحد سلطان عليها ومنها هشاشه العظام والخرف وكلنا شاهدنا هذا الخرف بمشروع تحويل الجمهورية الى ملكية بالتوريث أو حتى تمسكه بالرئاسه نوع من الخرف تعديله الدستور لمصلحه خاصه نوع من الخرف عدم ترك مكانه لغيره لأصلاح البلد نوع من الخرف وضع مصر الحالى وما آلت اليه من سلبيات نوع من الخرف . عدم حفظ الكرامه نوع من الخرف الآن نسأل مبارك وكدابين الجرايد والأعلام هل أحد يتغلب على أرادة الله فى نهاية العمر أسألوا الأطباء هم أهل المشوره فى هذا الأمر وهل مصر أنجبت مبارك الفذ وحده فليعلم الجميع أن مصر ولاده وفيها ملاين أحسن وأفضل مائه مره من مبارك فا ليعلم الجميع مرض مبارك شر لا بد منه وموته حق وما خفى اليوم سيظهر غدا ونصيحه للمطبلتية وكدابين الزفه إذا مات مبارك فلتذهبوا معه قبل أن يفتك بكم هذا الشعب الذى عانى من كدبكم على المدى الطويل فى ظل حكم أعاد مصر الى الخلف عشرات السنين فكر يا مصرى بصوت عالى وقيم الأمر لنا الله ولمصر الصبر على البلاء ------------------ حسن عمران ألآن نطور الموقف الى عمل مش بس كلام Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

الدنيا ضلمه والشارع زحام

الدنيا ضلمه والشارع زحام الدنيا ضلمه والشارع زحام والبل دى مش بلدنا سامع كلام سامع فرح وكأن نيزك م السما جه ع السطوح حامل زمرد أو يا قوت والناس تقول دا قدر قالوا القدر مفيش كلام قالوا أشاعه كذب الخبر وفجأه طالل علينا بطلته وكأنه واحد م الملوك وحاشيته يلمعوك ينكلوك يبيضوك يطلعوك بلوك جديد الصحه عال ويقولوا دى كانت أشاعه خلاص يا صاحبى العضمه كبرت ومفيش علاج للشيخ كلام مهما يكتب الكدابين البكاشين النقاشين وينقشوا كحك بعسل ويعلقوا كل الصور على البيبان ويطلعوا مليون بيان فرعون أهه بصحته راجل عظيم شوف طلته الشعر صبغه صبغه طين والشوارب محلوقين ويلع لنا فى الصحف واحد أفندى م الخرفانين يشبهوا بالرسل فوق بقى يا عم تين خلاص بلدنا خرفت علشان كده عايزين حاجه تلمنا تضمنا كلنا زى أمنا بدل ما بكره نكون كلنا م الغرقانين --------------------- حسن عمران ألآن نطور الموقف الى عمل مش بس كلام Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

تحيا الملوخية المطبوخه باللحمه

تحيا الملوخية المطبوخه باللحمه عاش البذنجان الأسود عاش عاش عاش عاشت الكوسه والقرع واللوبيا عاش عاش يسقط الفول المدمس وأخته طعمية يسقط يسقط اليوم سنحيى ذكرى الجبنه والزيتون الأسود بما أن البلد بقت بزرميط وطبيخ قرنبيط فلنقرر جميعا التخلص من البذنجان الأسود وتوابعه القرع والكوسه والبامية ونوقف بيع مجمعات الليمون بأسم الخصخصه ونبتعد عن الويكه وحلل المحشى حفاظا على صحة مصر ومدام الحكاية بقت خضار فى خضار فلنبتعد عن البذنجان الأبيض ونقرب من الفلفل الأحمر علشان نعمل توازن بين التفاح والكاكا حتى لو أعترضت الكمثرى ونحاول تصفية عقول أصحاب زيت النخيل ونسعى لتحسين علاقتنا مع منتجى البطاطس وعصير العنب حتى تنتظم عملية الأكل فى مصر ولا داعى للمنجهه حتى تسير الأمور للأحسن نأسف لأستخدام الرموز بدلا من أسم الريس والحكومه والدول وتم الرمز لهم كل حسب منتج الخضار بتاعه وهو كله قرع ------------------------- حسن عمران ألآن نطور الموقف الى عمل مش بس كلام Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

لو سمحتى نبطل كلام ونعود تانى للثرثره

لو سمحتى نبطل كلام ونعود تانى للثرثره لو سمحتى أسمعينى مهما نقول أننا بنجرح أبدا أنتى بس اللى أنجرحتى أيوه أنجرحتى كل حته فيكى فيها جرح جرح غائر جرح واعر حرح جاير عليكى زى الزمن جرح أيسر ولا أيمن ف البطين ما ينفعش فيه الدوا حتى لو قولنا حسد وجبنا الشيخ حسن يمكن يكون عمل وعفاريت وطلاسم وندق زار ويكون دا ندره ديك شمورتى ورجل نمله وراكية نار وكاأننا من عصر حجرى خلاص بحس أنى بهزى ويا نفسى بالكلام م اللى شايفه مش مصدق عقلى طار إن دول هما دول اللى بحكموكى بجرحوكى هو فيه حد بيجرح أمه يقلعوكى هو فيه حد بيعرى أمه متحزنيش بكره يجى اللى يسترك بس لو نبطل سكات شوية بس نبطل سكات لحظه واحده نعود للثرثرة يبقى لازم نجرحه أيوه لازم نجرحه جرح غائر فى البطين عشان ينام فى مطرحه بس لو نبطل سكات ونعود تانى للثرثره ----------- حسن عمران ألآن نطور الموقف الى عمل مش بس كلام Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

ماذا تفيد الأشارة وسط فوضى مرورية

ماذا تفيد الأشارة وسط فوضى مرورية هذا ما يحدث فى مصر الآن أقسم بالله حاجه تحير وتلخبط لما تنظر لبلدنا . دى مش بلدنا اللى أحنا عارفينها توجه سؤالك للكبير والصغير يجوبك أجابه واحده أحنا عايشيين عصر الفساد. يا راجل. أيوه هو ده اللى التاريخ يكتبه بدون زواق أيام الحرب والأستنزاف أحسن كتير من السلام أيام البطاقه وزيت التموين والشاى والسكر والصابون أفضل كتير م النهارده النهارده الفساد منتشر زى النار فى الهشيم. طب مفيش حل .أزاى حيجى الحل وانت عايش سجن مليان عساكر وكره الناس للريس هو اللى خلى الناس تتمنى موته وهذا هو السبب الرئيسى لأنتشار أشاعه موته بسرعه بسبب كمية الظلم والفساد المنتشرة فى عصره الأسود بعيد عنك لذلك علينا بأخذ المبادرة من جانبنا لعل وعسى نصلح جزء مما أطلح نفكر طب ما تيجوا نمتنع عن دفع المعلوم .لا أنت بتهزر دى كانت كل المصالح أتوقفت أيه يا عم هى دى بلدنا ليه أنت متعرفش أن بقى عندنا حرامية خمس نجوم . يا راجل أيوه عندنا حرامية أعضاء فى المجلس وعندنا حرامية رجال أعمال بياخدوا القروض من البنوك ويفكوا بيها وعندنا حرامية من نوع آخر بيحتكروا السلع ليه دول حرامية بردوا لأنهم بيتحكموا فى قوت الشعب وبيمنعوا المنافسه بس يا عم دا أنت خليتنى أكره نفسى . ليه لسه فيه عندنا أطفال الشوارع وأطفال السفاح وأطفال المواد المسرطنه وعندنا بلطجه ومخدرات وبانجوا وشاى بالحليب ونس كافييه وكبر دماغك وعليها وأمشى فى حالك . حاسب أستوب لحد هنا وكفاية. وعندنا كمان حركه كفاية .مش ده قصدى بلدنا مليانه رجاله وشباب جامعه ومدارس ثانوى وعمال ووفلاحيين هو أنت ما سمعتش القصيده اللى بتقول وتحكى عن الأمل وبكره. من قلب المزارع من ورش المصانع صوت مصررايح للحرية طالع جايلك يا بلادنا يا أم ألف مدنه نخرج كدابينك وكلاب جارنينك تجار المواجع قام الشعب ناده طفح الكيل زياده والكداب تماده ع الحق اللىضايع يا اللى فيكى ولدى راضى بنت بلدى يبقى دراعه سندى نطقوا المدافع يا مصر أحنا جينه من أسوان لسينا حلوه أغانينا رد يا اللى سامع يا عم هو الشعر حيحرك الناس ويصحيهم الناس مبرشمه م الخوف . أنسى بلدك وناس بلدك بتاعت زمان خلاص راحوا ..فوق يا فاروق سمعت الكلام اللى يوجع قلبى واجنابى ومشيت أجر أزيال الخيبه سارح البال أتأمل أراجع ذاكرتى وأهمس ويا نفسى الله يا مصر أمال لو ولادك مش هما اللى حيشيلوا عنك الهموم أمال مين اللى حيشيل همك البلد بقت عامله زى أشارة مرور فى وسط فوضى مرورية تطفى تولع ملهاش لازمه لازم ننفض التراب عننا ونعيد بريق معدن المصرى أبن الأصول زى زمان ساعتها مش حنشيل هموم ويكون بكره فيه أمل أحسن م النهارده ---------------------- حسن عمران ألآن نطور الموقف الى عمل مش بس كلام Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

كل الأمور أتلخبطط

كل الأمور أتلخبطط ومعدش نور مفيش مرور مفيش دخول طب روح شمال طب روح يمين عسكر شمال عسكر يمين كل الأمور أتلخبطط ممنوع عليكوا يا جائلين تبيع عنب ولا حتى تين عارف مين سااكن هنا دا يبقى مين هو ده أدم الهنا والفقر جالكوا يا فلاحين هو ده شبل الأسد اللى يكلكو يا شحاتين حط قدمه فى البلد قول سلام رحمن رحيم كل الأمور أتلخبطط ما بين أشاعه ما بين بتاعه خلاص دا مات راح الوجوم وأتبسمت كل الوجوه وفى عز فرحك يا مصرى طلعت أشاعه وعميت بصيرتك ومشيت تخبط فى البيبان مين حيفتح كلهم سكه واحده كلهم سكه لومان كل الأمور أتلخبطط والناس تعود تكلم نفسها تندب حظها وتقول دا مات أو يمكن حتى بيحتضر طلعت أشاعه منحوس يا مصرى أنت وبلدنا عايشه بحلات كل الأمور أتلخبطط أتشخبطط أتنططت أتبططت وكأن مكتوب علينا الهموم مش عارف أعوم كل يوم غرقان ف عرقى جوه الهدوم والحزن كاسى سحنتى طلعتى طلتى وغنايا موال ألم يا وكستى يا نيبتى وبقيت أعدد زى الولايا خلاص بقى يا حظ قوم كل الأمور أتلخبطط ما بين هموم ما فيش فرح خلاص يأست حموت أنا م العفن مليان عرق من غير حموم جوه الهدوم من غير كفن يمكن يقولوا مات شهيد مات بطل عليل مسكين فقران غرقان مات بطل من غير هدوم كل الأمور أتلخبطط خلاص غرقت مش عارف أعوم حد يرمى حبل طب يشدنى قشايه أتعلق بيها خلاص بقبقبقبقبقبقبقبقبقبقبقبقبق ________***********______ حسن عمران ألآن نطور الموقف الى عمل مش بس كلام Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

أستحلفك بالله تشكيلى همك أستحلفك بالله يا أمى تشكيلى همك ولا يهمك ولا أنا اللى أشكيلك عايش همومى وقادر أشيل عنك أنا ولدك أحكى ولا يهمك ليكى حق تزعلى منى طول عمرى أشيلك همى وطول عمرك شايله الهموم عنى أنا ولدك أنا همك أنا مواطن عايش من الباطن على الهامش يمكن أكون عايش ومش عايش بصى جوه الكتاب حتلاقى على اليمين هامش حتلاقى فيه نقط وكوم عضم جوه الهدوم بالتكال عايش يدوب أحصل لقمتى وبالشمال عايش بطلب من المولى يجبلى حاجه تهزنى ترجنى أفوق من نومى عايز يا أمى أنتفض وأغير أنا يومى خلاص مليت أنا م السكات يمكن أكون أتأخرت والقطر فات لكل يا أمى لكل وقت و له ساعات فيه قطر جاىحا حصله أول ما عينى تلمحه وليه تشوف مش هيهمنى حا أرمى كل شىء أسمه خوف وأجمع ولادك ملايين ألوف نكسر حاجز الزمن نهدمه بدون ما نهرب ولا حتى خوف زى الجنود أيام ما كانوا ع الحدود بيستشهدوا علشان أرضنا أحنا برده حنرجك وراح نموت مش حيهمنا علشانك أنتى يا أمنا مادام حنحيا كلنا من غير خضوع من غير خنوع من غير ركوع من غير خوف إن الكلاب تعضنا ومدام يا أمى تتحررى تتنورى وتعودى تانى يا مصرنا لينا كلنا سا عتها مايهمنيش عايش ولا مش عايش على الهامش ها أكون سعيد ومش هايهمنى ----------_________--------- حسن عمران ألآن نطور الموقف الى عمل مش بس كلام Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

زهور وأشواك

زهور وأشواك ظهور نوع جديد من أنفلونزا الطيور فى مصر وكأننا مكتوب علينا الهم آيه ده الضرب فى الميت حرام وداعا حسين الشاعرفى هدوء وبدون شوشره عضو أتحاد الكتاب دورتين أقيم له العزاء فى عمر مكرم فى غياب الأصدقاء والمودعيين لك الله بس لو كنت رقاصة أمرأه عمرها مائه وثلاثة عشر سنه تقلع عن التدخين بعد مائه عام من التدخيين أراده من حديد يالله حسن الختام ماردونا يؤيد شافيز وكاستروا ويلعن بوش ويكره الأمبريالية ..ملعوبه دى البودره بتعمل مزاج عالى قوى كتر الكلام اليومين دول مبارك مريض مبارك خلاص خلونا نسيب الكلام ونقول المفيد . بعد الممات فيه رأيين الأول : الله يرحمه ويبشبش الطوبه اللى تحت راسه ويدخله الجنه الثانى : الله يكحمه مطرح ما راح جهنم وبئس المصير الأنسان بعد رحيله سيره بلاغ سعد الدين الشاذلى للنائب العام ضد السادات وأعاده ظهوره على السطح مره أخرى ينتابك أحساس بأن حد بيسرق من المصريين الفرحه مع أن كل الحروب فى العالم بيحدث فيها أخطاء وكأننا مستشهدناش ومبنش من نصر أكتوبر غير سعد أمال محدش بيحكى كام أبن من أبنائنا مات شهيد وكام مصاب وكام بطل أفرزتهم تلك الحرب الله يرحم الجمسى وغيره من الشرفاء الكحكه فى يد اليتيم عجمه ************* حسن عمران ألآن نطور الموقف الى عمل مش بس كلام Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

وتكسرت الأشرعه

وتكسرت الأشرعه تكسرت أشرعه سفينة الوطن فى وسط المحيط الهادر الغادر تتمايل تتحايل على الغرق فى قلب الظلام من بعيد أسمع زئير الموج يتلاطم بأعلى صوت فى جنبات السفينه وكأن أسد بينقض على فريسه وأنا مزعور مقبوض من الخوف أنظر الى الربان راجل عجوز بيتحايل على الموت مسنود على أبنه من قلة الشوف والخوف وكأنه مسنود على عكاز خشب معطوب وكلاه السوس وأنا واقف مع البشر وسط السفينه نستنى الغرق والموت بدون طوق عايز أهرب وأوصل لحد بر يحمينى لكن الخوف من موج عالى يغطينى وأغرق أنا ف طينى وحواليك بشر لاء مش بشر دول حاجه غير البشر زى الكلاب تكسر عظامك توقع سنانك يسجنوك جوه الطوق وسط الموج وتصرخ بأعلى صوت هو مين اللى راح يسمعك وكل ما يعلى الصوت تلاقى أيدين جبانه بدوس عليك تغطسك تفطسك وكأن حوت عايز يبلعك جوه الجوف علشان يزيد عليك الخوف وتموت ومحدش يسمعك وقبل ما ييجى عليك الطوفان وتموت غرقان ما تيجى نلمم بعضنا من غير خوف لوحدنا كلنا وننصب للسفينه أشرعه ونمسك بأيدينا الدفه ونحدفها على برنا بر السلام بر الأمان بر مصرنا ************* حسن عمران ألآن نطور الموقف الى عمل مش بس كلام Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

يا نيل أشكو لك همى قبل الجفاف

يا نيل أشكو لك همى قبل الجفاف عطشان يا نيل وأنت بالخير........... مليان تجرى بأمر الله وأنا بموت ............عطشان بص لى يا نيل وراجع.................... الصوره أنا أبن مصر يا نيل..................... المنصوره أنا ياما عزقت وزرعت...................... ورويت أنا أللى حميت الأرض................ بسلاحى وأنا اللى بنيت مصر..................... بكفاحى وياما الناس كلت من...................... أقماحى أنا أبنك يا نيل بس أتغيرت............. ملامحى أتجمعوا الخونه وكسرولى................ رمحى خيرك يا نيل اليوم.......................... شربوه حطوا عليه لون......................... وشاليموه وقعدوا يشربو الجعه على................. أطلالك بعد ما كنا كلنا نتحامى فى............... ظلالك يا نيل اشكوا لمين همى................. وأحوالى أنا اللى فاتونى يا نيل أهلى............. وخلانى وسابولى أبن الرضية يتحكم فى..........أحوالى لو هجرت أرضى يا نيل لا تعتب ولا...... .تلومنى يا ما شاكيتلك يا نيل حالى مع............. همى وأنت يا نيل هملتنى وسبتلى.............. دمعى فين يا نيل نسمتك تهفهف وتشيل الهموم عنى اليوم بتجرى بأمر الله وبالخير.................. مليان تفيض ضفتك كل سنه وأنا بموت ..........عطشان يا نيل أنت نبض القلب وأنت .....................الروح أزاى أداوى الجراح وأنام أنا.................... المجروح أفتح كتاب الزمن وشوفلى دوا.................. للنوح طول عمرك كتوم على السر................. وما تبوح عطشان يا نيل الله وأنت بالخير................. مليان تجرى بأمر الله وأنا بموت....................... عطشان ********** حسن عمران Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

العتب على النظر

العتب على النظر نعم العتب على النظر لآنه ضعيف ومبيشوفش ************* الفرق بين وزير مرتشى وموظف مرتشى . الوزير حياخد فلوس الرشوه ويدخل بيها مستثمر فى مشروع أما الموظف.......... حيروح السجن ***************** والفرق بين المعارضه والحكومة. بالظبط مثل راجل شعر رأسه أسود كثيف و راجل أقرع لا يوجد فى رأسه غير شعرتين شوية يروحوا شمال وشوية يمين **************** أما الفرق بين نساء الفن ونساء الليل ألأثنين واحد بس دول ليهم ظهر جامد حميهم ودول ليهم ..................الستر ****************** والفرق بين مريض فقير ومريض غنى فى مستشفى حكومى. ألأول مطلوب منه يجيب قطن وشاش ودوا وحقن والثانى حالة طوارىء طول اليوم ******************* أما الفرق بين رجل الشرطه والرجل العادى الثقه الأول ينظر للثانى نظرة غدر والثانى يشوفوا يجرى أمسك حرامى ******************** والفرق بين لاعب الكره فى هذا الزمن ولاعب الكره فى الزمن الماضى .الأول الأول مثل حلاوه حلوه وغرقانه شطه أما الثانى فحلاوه حلوه وعليها سكر ******************** والفرق بين مدرس زمان ومدرس اليوم الأول قف للمعلم وأوفيه التبجيلا كاد المعلم أن يكون رسولا أما الثانى أللى أختشوا ماتوا ******************** أما الفرق بين تصريحات مسئول كذاب وتصريحات مسئول صادق زى الفرق فى الشعر ممكن تعوجه يمين لو منفعش أعوجه شمال ********************* أما الفرق الكبير بين اللى بيحس وعنده دم وبين اللى ما بيحسش وما ينفعش معاه الكلام فا العتب على النظر اللى ما بيشوفش كويس والسمع الأطرش اللى ما بسمعش والسكرتارية اللى ما بتوصلش نبض الشارع وأحوال الناس والوكسه اللى حلت بالبلد ***************** لنا الله ولمصر الصبر على البلاء ---------------- حسن عمران Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

سياسة الكلام وكلام فى السياسة2

سياسة الكلام وكلام فى السياسة2 سياسة الكلام سياسة مهمه فلها فوائد عديده هى لغه لها قواعد وأسس وهى تعتمد على السلم كقاعده ترتكز عليها أولا ثم تنقلب الى أشياء أخرى . تبدأ السياسة من المهد الطفل يسايس أمه حتى يحصل على الرضعه . الولد يسايس أبوه للحصول على المصروف. والطلبه تسايس ألأستاذ للحصول على الدرجات والراجل يسايس زوجته حتى تسير أمور الحياه والموظف يسايس مديرة حتى يرضى عليه والكل بيسايس الكل وعندما يحدث أختلاف تجد ألآتى . الطفل يتم فطامه وحرمانه من الرضعه والولد يطرد من المنزل والزوجه تطلق والتلميذ يرسب والموظف تنتهى خدماته بعدها تجد الكل يلعن فى السياسة واللى أخترع السياسة لكن فى مصر تختلف السياسة فلا يوجد عندنا طرد أو طلاق أو فصل فالوزير يبقى فى منصبه بطل للنهاية حتى لو الدنيا تولع ولغة السياسة عندنا أتمسكن حتى أتمكن فاإذا أعتلى أحد منصب وجلس على الكرسى لو راجل زحزحه فنحن نطبق نظرية غير موجوده فى العالم ناهيك عن رئيس الجمهورية منذ اعتلى الكرسى حتى اليوم خطأ صح أعترض وأللاهى ما أنا ماشى أما الجديد فى هذا العصر هو تحويل مصر من جمهورية بألأنتخاب الى ملكية بالتوريث طب ليه سؤال وجية يوجد أكثر من أجابه علية اولا . أكبرنسبه نفور من الشعب لرئيس مسك مصر على مر التاريخ ثانيا . أحساس الرئيس بهذا الشىء وخوفه أن يتم تمزيقه بعد وفاته ثالثا . ضياع ألأنجازات فى متاهات القلوب الكارهه لسدة الحكم عامتا رابعا . أنتقال الحال من سوء الى أسوء كان له تأثير كبير على الشعب خامثا . عدم الصدق فى أى خطه تم وضعها لحل مشاكل مصر الكثيرة سادسا . المصادمات مع المعارضه ومصادرة الحريات والتمسك بالراى سابعا . ألأنفراد بالرأى وعدم أللأنتباه أوأللأستماع للرأى الآخر ومصادرتة ثامنا . ألأصرار على عدم تعديل الدستور وكأن الدستور ملك للرئيس فقط وأخيرااخطر خطوه ستمر بها مصر وربما تحدث مشاكل جمه من جراء تلك الخطوه التى ستؤثر بالسلب على مصر كا كل وربما ترى قلاقل ومشاكل الله أعلم بمداها وهذا هو رد فعل لخطوة خاطئه بكل المقاييس لن تحسب للرئيس بل ستمحى تاريخه بالكامل ألا وهى تمكين جمال من الحكم عن طريق طباخين الرئيس الذين لا يفكروا فى مصلحة مصر وما يحدث بعد ذلك فهذا قدرنا واللعنه التى ألتعنا بها فى هذا الزمن """"""""""""""" حسن عمران Badralnhar.maktoobblog.com omran55.blogspot.com dastor76.blogspot.com omran55.maktoobblog.com

الجبه وألقفطان والعدس ألأصفر2

الجبه وألقفطان والعدس ألأصفر2 عندما ترى ألأحداث والجدل المثار كل يوم فى مسائل دينية بحته وتحريم وتحليل وفتاوى نجوم التليفزيون وكل من هب ودب ووقع فى مطب وتحليل ألأنحلال والتسيب من أناس يتبنون منهج العلمانية وتغييب الوجود اللألهى من حياتنا وما نتج عن هذا التغيب من مشكلات عديده فى مجتمعنا منها أبناء الشوارع والزواج العرفى وأهانه كرامه المرأه مقابل رغيف العيش وأحتقار الرجل الفقير وعدم أحترامه وأنتشار ظاهرة الجهل التى تجعل الجاهل فى هذا العصر مجرد أنسان على الهامش وظاهرة الموالد التى أنقرضت من دول العالم والتى أصبحت عنوان للتخلف فى مجتمعنا وظواهر عديده تشبه العدس ألأصفر فى ظل تقلص زمن الجبه والقفطان وضاعت هيبتهم فى هذا العصر الذى يسير بنا الى الهاوية فلنتسائل لماذا توقفت الجبه والقفطان فى توصيل الرساله للناس وتعالت عليهم أصوات أللا دين أو مله تلك ألأصوات التى سترحل بما فعلت وجنت على نفسها ولكن لن نلومهم وحدهم ولكننا نلوم أصحاب الجبه والقفطان بعد أن غاصوا فى حلة العدس ألأصفر لنا الله ولمصر خالص العزاء """"""""""""""""""""" حسن عمران Badralnhar.maktoobblog.com omran55.blogspot.com dastor76.blogspot.com omran55.maktoobblog.com

الحكاية متتحكيش

الحكاية متتحكيش أحكى ايه يا صاحبى قلى الحكاية متتحكيش البلد مش عايزه ناس البلد عايزالها جيش هو فيه غموس نغمس ولا فيه فى الأصل عيش دى الحكاية متتحكيش شوف يا صاحبى ويالله بص بص شوف بألف عين بص حتى فى المرايا والرواية والحكاية دى بلادنا ولا دى بلد الظنايا اللى ركبوا فوق كتافنا رسموا لينا خطه هشه كنت فاكر بكره نعلى شوف يا صاحبى بقينا هيش شوف يا صاحبى بص شوف دى بلادنا ولا نظرى بطل يشوف قصر عالى فى العلالى وبيتنا مبنى من مفيش شوف بعينك ف الشوارع ناس كتير مش لاقيه عيش هو ده زمن المواطن ولا ده زمن الحشيش بانجو آيه هى ناقصه دى العيال عايزه تاكل جوه جييبى فيه جنيه لا يا صاحبى متلقيش البلد مش عايزه ناس البلد عايزالها جيش حكم ظالم خد حلاوه كل حاجه وسابنى أغرق فى القريش جاب عساكره ف كل حته هى دوله مين يا جيش الحكاية مهما أعيدها الحكاية متتحكيش البلد مش عايزه ناس البلد عايزالها جيش *************** حسن عمران Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

كلام وحواديت ونميمه

كلام وحواديت ونميمه هل السرطان تمكن من مبارك ولن تفيده ألأدوية ولا مبارك هو اللى أتمكن من السرطان ..طب أعمل فينا حاجه لله قبل ما......................... دنيا غروره وكدابه مصر تعيش فوق بركان ستندفع منه الحمم فى أى لحظه على هيئه رجال شجعان لن يوقفهم أحد ..نفسى أشوف اليوم ده قبل ما أموت............. يا رب يا أخويا يا رب ناس كتير سعداء بأنخفاض سعر الدولار أمام الجنيه وأرتفاع نسبه الفائده على الجنيه الموضوع ما يفرحش لأنه سيزيد التضخم......................... ربنا يستر علينا شيخنا الجليل المحترم / على جمعه صاحب العلم الكبير والرجل الشجاع لى عتاب عليك فى فتوى الرده أرجوا أن تقرأ ألآيه كامله قبل أن تفتى قالى تعالى : وقل الحق من ربكم فمن شاء فليؤمن ومن شاء فليكفر إنا أعتدنا للظالمين نارا أحاط بهم سرادقها وإن يستغيثوا يغاثوا بماء كا المهل يشوى الوجوه بئس الشراب وسائت مرتفقا ( الكهف ألآيه 29 ) راجع الفتوى يا شيخ مصر ألأولى على العالم فى أستيراد القمح وألأولى على منطقة الشرق ألأوسط فى ألأقتراض والثالث على العالم فى الدخول الى المواقع ألأباحية حاجه غريبه كله لورا لورا مفيش حاجه لقدام يا الله العاقبه عندكم فى المسرات توزيع كتاب هارى بوتر بأجزائه السبعه يعادل ما ألفه نجيب محفوظ وطبعه وترجمه ووزعه طيله حياته .عالم فاضى شبعان أكل جاتنا نيله فى حظنا الهباب الفنانيين فى الخارج والمشاهير عموما تجدهم لهم بصمات واضحه فى مجتمعاتهم أو فى بلاد أخرى من خلال رعاية جمعيات خيرية أو تقديم خدمات شخصية...... الفنانيين عندنا حدث ولا حرج ياخده اللى فى جيبك ويتهربوا من الضرايب ما تيجوا نقاطع السينما *************** حسن عمران Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

يا سلام سلم سلم سلم

يا سلام سلم سلم سلم البقرة عرفت تتكلم وبتطلع فى التليفزيون وبقالها دوار بحديقه وقاعده تحكم فى زريبه بالزمه مش حاجه غريبه يا سلام سلم سلم سلم البقرة عرفت تتكلم البقرة فى الساقية تدور بقريتنا حواليها زهور وعليها واقف حراس لا بتحلب ولا تعمل جبنه متقلش البقرة بقت سيدنا يا سلام سلم سلم سلم البقرة عرفت تتكلم بقرتنا فى حلاوتها مشفتش تقولك أنا عايزه حرنكش وبتشرب كوكتيل بالقشطه لو تحكى معاها بصراحه يا ويلك بقرة نطاحه لو راجل أنزل فى الساحه الضرب فى قفاك يا لفندى يا سلام سلم سلم سلم البقرة عرفت تتكلم لو عايز تدينى أماره أو فاكر تعملها شطاره تتكلم تعملك غاره كلابها يودوك فى مغاره وأهلك يخدوك فى شكاره يا عينى عليكى يا طيارة مصنوعه من ورق البفره يا سلام سلم سلم سلم البقرة عرفت تتكلم بقرتنا حالها أتغير افعالها معانا تحير تشترى حمام وتطير وخلت فستانها قصير لو عدت على شارع ضلمه تلاقيه يضوى وينور يا سلام سلم سلم سلم البقرة عرفت تتكلم تتشاور هى وتعلبها خربوها من كل جنابها والعصمه راحت لجنابها ألأمر والنهى فى إيدها ولا حد عارف يربطها سابت م الحبل يا خال يا سلام سلم سلم سلم البقرة عرفت تتكلم بقرتنا بتهز فى ديلها ويلك لو تطرف عينها أو حتى تمر فى منازلها تنام جوه فى زنازنها وآدى أخرت لعبوكوا يا عيال يا سلام سلم سلم سلم ماجى عرفت تتكلم ************ حسن عمران Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

عابر سبيل

عابر سبيل مارر على ديارك مارر من سكات جاىيلك بعد الرحيل يا تجمعنى عنيكى بعد الشتات يا تتركينى عابر سبيل أقفلى جفونك وريحينى م النظرات لحظة فراقك مستحيل تنظرى وكأنك بتحملينى كل الطعنات أزاى وأنا نفسى القتيل تاهت النظرات وكل اللى بينا مات وحان وقت الرحيل لكن قبل ما أروح من سكات وأمشى فى حال سبيل عايز أقول أنتى أجمل ما رأيت جوه عينى ما فيش مثيل حالك كل ما أشوفه يزيد نى أهات دوايا عندى البعد الطويل ودعينى يا أحلى فازه مجمعه الوردات حان وقت الرحيل قدرى أعيش غريب الوطن متعدد السفرات وفراقك يا مصر مستحيل باقية جوه قلبى وباقى جوه عينى دمعات أحسن تقولى ناكر جميل أو بيراضينى أو حبه ليا ساعات ******************* حسن عمران Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

خلص الكلام وحان وقت العمل

خلص الكلام وحان وقت العمل خلص الكلام وحان وقت العمل نبدأ ألأعتراض ألآن بالتعبير بدون مصادمات أو تلفيات كيف يحدث هذا فقط شوه صوره حسنى مبارك نعم أرسمله شنب أو أعمله دقن رش عليها دهان أى صوره فى الحرنال على الحيطان تعالوا نشيل من حياتنا الصنم هذا اكبر تعبير للأعتراض وأرفع شعار( مش عايزينك مش عايزينك ) أشترك بفكره معنا خلص الكلام وحان وقت العمل ************* حسن عمران Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

مصر تنادى فمن يلبى الندا

مصر تنادى فمن يلبى الندا واصل لمسامعنا الندا من قلب النار جايلك ثوار حنهز ألأرض نزلزلها ونلبى نداكى كلنا وياكى حنزرع كل أراضى البور ونعلى مقامك كلنا قدامك ونشعل فيكى جبال النور ونشيل الخوف من جواكى أحنا ولادك أحنا فداكى أحنا ألأحرار أحنا الثوار ولا عمر يوم ابدا ننساكى دانتى ملاكى يا حبنا يا أمنا يا مصر مهما يكون صقر فى سماكى أحنا نسور واقفين لحماكى بكره حنطلع طلبه وجامعه زى زمان بكره تشوفى مسيره الشعله مع ألأيام شعله نور تزيح الضلمه ويرجع تانى النور لعنيكى بكره ندوس ع الظلم دوس أكسر يالله جناح الخوف عمر الحق ما ييجى بالشوف فك سلاسل قلبك يالله وأزرع جوه قلوبهم خوف أحنا ألأحرار أحنا الثوار أحنا ولادك أهل الدار يا أمنا يا أرضنا يا حبنا يا مصر ************** حسن عمران ألآن نطور الموقف الى عمل مش بس كلام Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

رؤيا مصر اليوم وبداية حل المسأله

رؤيا مصر اليوم وبداية حل المسأله نختلف فى ألأتجاه والرأى والمنطق واللون ولكننا جميعا نتفق على مبدأ واحد وهذا المبدأ ينقسم الى شقين . ألأول : رحيل حسنى مبارك وهذه رؤيا صريحه للعامه وأمل فى حل كل مشاكلها لو رحل ومن تلك الرؤيا نرى أن الناس وضعت العقده فى المنشار وربطت بين حل مشاكلها ورحيل مبارك . ولكن الجديد فى الموضوع هو الشعور الجديد الذى بدأ يتسرب الى عقول الناس والتى تأمل فى أنقلاب يطيح بمبارك ويحاكم لست أدرى لماذا نمى هذا الشعور لدى العامه من الناس هل هذا أنعكاس للطريق المسدود الذى وجد بين مبارك والشعب أم تريد الناس فش غليلها فيه بعد أن رأت أن كل مصائبها من جراء فترة حكمه وهذا انذار شديد اللهجه ( لا توريث للحكم ) الثانى : هو أجماعنا بالكامل على تعديل تعديل الدستور وأعادة تأهيله وتحديثه ليتماشى مع الأحداث الجديده التى طرأت على مجتمعنا من أنتهاك للحقوق وتعدى على الشرف وأعادة تأهيل الدستور يعيد لمصر شخصيتها ويحمى الدستور من تلاعب أهل القانون فى بنوده ونعيد فجر الحرية ونكسر ألأصنام التى فرضت علينا مده طويله هذه رؤيا مصر اليوم وبداية حل المسأله بثورة شعبية وهى ألآن على صفيح ساخن وفى أنتظار بداية الشرر لنا الله ولمصر الصبر على البلاء ********** حسن عمران Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

أتفرج يا سلام

أتفرج يا سلام سلام المحبه سلام مش تمام سلام حبه حبه سلام الوئام سلاموا عليكوا عليكوا السلام يا شعب يا غالى يا آخر تمام يا ماشى مبرشم وعندك زكام تموت فى ألأماره وآخر شطاره قليل المحاسن وسريع الأبتسام تهرج تمرج فى عز المصايب وتهرب وتجرى تموت فى الزحام وترسل سهامك عيون للحسان وترغى تلوث أشراف المكان وتجرى وترمح فى سيرة فلان تعبت أنادى عليك من زمان أقولك شوف مصايب الحكومة يقولى الكوره فى بلادنا تمام ودينا ولواحظ وحمام فى البرام وشيخ الطريقه راجل جبان تقوله مصالحك راحت فى الكازوزه يقولك مكلف دماغى نبطل كلام متشدش عليا وسيبلى اللجام أبرطع بكيفى حشيش المحبه حشيش السلام يا خوفى يا بكره يموت المبارك ويبنوا فوقه قبه ومقام ويزوروا القطيع ويندر كمان مقام المبارك وسره كمان ********** حسن عمران Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

طفله عمرها 11 سنه تنجب طفله (أغتصاب)

-------------------------------------------------------------------------------- الأربعاء 11, 2007 طفله عمرها 11 سنه تنجب طفله (أغتصاب) من ضمن مهازل الحياه فى مصر وحلاوة الحكومة عرض برنامج 90 دقيقه على قناة المحور ما يلى طفله مصرية من منطقة الخصوص التابعه لمحافظة القليوبية فى الصف الخامس ألأبتدائى تم أغتصابها على يد سائق توكتوك وأنجبت منذ 10 أيام طفله ومن المهازل أن المغتصب حر طليق بعد الأفراج عنه بكفاله هذا حال مصر ألآن يا ساده هذه مصر كما تظهرلنا فى الصور ه من خلال كاميرا حسنى مبارك وحكمه العوض على الله فيكى يا مصر لا تعليق حسن عمران

الله مالا حسد ( خمسه وخميسه )

الله مالا حسد ( خمسه وخميسه ) نيكولا سارقوزى ونيكولا مبارك والفرق بينهم أنا رئيس لكل الفرنسيين ومسئول عن حل كل مشاكل الفرنسيين وأول شىء سأفعله سأجتمع مع رجال القانون والمعنين بأمر الدستور الفرنسى لأعادة تصحيح بعض بنوده حتى تصبح الجمهورية الفرنسية خالية من الشوائب نيقولا مبارك أنا رئيس المصريين وراكم والزمن طويل وسوف أجتمع مع المعنيين بالدستور لتعديله على كيفى مش على كيفكم لتصبح مصر جمهورية النوايب هناك فرق .......فى الشعر ------------------------------------- تثبيت عقوبة السجن بحق عومرى شارون 7 أشهر وغرامه 65 ألف دولار وذلك بتهمة مخالفة قوانين تمويل الحملات ألأنتخابات .دا فين فى أسرائيل أما فى مصر فنقول ..............محكمة مين يا عم دا أبن الرئيس عيب علينا نقول .................اليهود ----------------------------------------- يا عينى عليكى يا مصر راجل راتبه 480 جنيه وكيلو اللحمه 30 جنيه دا غير الخضار والعيش أذكر كام مرة يطبخ هذا الموظف فى الشهر اللى يحل المسأله ليه جايزه كبيرة الحل عندك يا رب --------------------------------------- حمار فى ألأسكندرية يقتل صاحبه بعد أن ربط رجله بسلك مما ادى الى هياج الحمار وعندما أقترب صاحبه لتهدئته أنقض الحمار على رقبة الرجل ولم يتركه إلا جسه ولفظ أنفاسه ألأخيرة فى المستشفى أيه رأى جمعية الحمير فى الموضوع ------------------------------------------- تعودنا على البطيخ بأشكاله المتداوله بيننا ولكن الجديد فى الموضوع اليابان تنتج بطيخ مربع بكميات تجارية بعد أن نجحت التجارب وتم طرحه فى ألأسواق وقريبا سيتم تصديره الى خارج اليابان الأنتاج القادم شبه منحرف وأحمر وجواه بزر أسود ---------------------------------------- حسن عمران Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

همس الكلام

همس الكلام همس الكلام همس الكلام جوه ودنك أسمعيه كل يوم جاي معايا كل يوم راجع معايا بس أسمعيه يا تخدى بيه يا تهمليه همس الكلام لو أنفرط عمر يوم ما تلملميه بس اسمعيه لو ما لدش عليكى همشيه وأنسى أنى همستلك يوم بالكلام همس الكلام حمله زى شوال بصل طابق على صدرى حيطبقه بس أسمعيه قبل ما أفرفر كيف الفرخ لما يندبح بسكين قديم همس الكلام هو همى هو فرحى هو جرحى هو كل شىء فى عمرى بس أسمعيه دا ذكريات عمرى مش ناسيه كان فيه وطن قصدى الوطن اللى أتربينه فيه وطن الجناين والغيطان وطن النيل وضفة الوادى وطن الناس السهرانيين فى المصانع فى المعامل وع الحدود وطن سينا والجدود وطن المراكبى وطن اللى راجع لبلاده وطن حلوان والمحله وطن القنال وبورسعيد وطن أسوان والجامعه وطن زمان لما كنا نقوم كلنا من غير ما نخاف ولا حد يهزنا ما تقوليش ساعة تمام فى معركة ولا زى طلبه خارجه تجرى لما واحد قال دى فسحه تلقى طوفان ملا الشوارع م المفارق للميدان تلقى ندا بأعلى صوت يا بشر زلزال يكسر كل شىء واللى نايم يزلزله النهارده الناس فى بلدنا مخاصمه بعضها مش بشر حاجه تانيه غير البشر حتى العواطف بدل الورود بدلوها بحزمه جزر أهه كله أصفر والصلا ت بقت حاجات مول وديسكو وحاجات كده ومفيش وقت نطلع قرافه أو نزور السيده والوطن ما بقاش وطن وطن مليان هموم بتعيشها أمه كل يوم وطن راكبه ستين عفريت عارفه الطماطم أتجننت والقصب عارفه القصب السوس خرمه والعنب عصروه نبيذ والبرتقال بنصدره وما نطلوش والوطن بيفرفر زى الطير م المبيد وبقى عندنا سرطان وزياده شوية عن البلدان فيه ورم مش عارفين نستأصله بس أسمعينى شوفى القدر هو ده همس الكلام كل يوم جاى معايا بس أسمعيه --------------- حسن عمران Omran55.maktoobblog.com Badralnhar.maktoobblog.com Omran55.plogspot.com Dastor76.plogspot.com

نداء الى الريس وأبنه والحكومه

نداء الى الريس وأبنه والحكومه -------------------------------------------------------------------------------- نداء الى الرئيس وأبنه والحكومه أنهبوا البلد ورثوها بيعوا ارضها وخنوها أتبعوا ألأمريكان وألأروام عطلونا مرضونا أهملونا همشونا وأبنوا قصور وعمروها وبالورود عطروها شردونا فى الشوارع والمزارع والمصانع ودوسوا على أيتام أبونا وأسجنونا ورمسيس كسروه فشفشوه نيموه فى ميت رهينه بس نرجوك يا ريس أنت وأبنك والحكومة تسيب لنا محطة مصر بين قوسين باب الحديد . سيبهالنا يا ريس بنفس ألأسم علشان نفضل نقول مصر سكه حديد مترو أتوبيس يا ريت يا ريس أنت وأبنك تسيبوا لنا محطه مصر بين قوسين باب الحديد هو ده اللى فاضل نردده بعد ما ماتت بلادنا بين البلاد ومفضلش شىء نذكره عن أمنا مصر غير محطه سكه حديد بين قوسين باب الحديد نرجوك يا ريس أنت وأبنك والحكومة تسيب لنا أسمها مكتوب على باب الحديد وع الميدان وفى كــل ركن فى المكان وأسمع ياريس منى نصيحة أنت وأبنك والحكومة بكرة كل شىء يزول أنت وأبنك والحكومة ويفضل لنا أسم مصر بين قوسين باب الحديد ********** حسن عمران Omran55.maktoobblog.com Badralnhar.maktoobblog.com Omran55.plogspot.com Dastor76.plogspot.com

حاوى أولعبان

حاوى أولعبان يطلع التعابين يدخل التعابين يخلى البيضه تفقس والمستخبى يبان ماهو برده حاوى حاوى أولعبان حاوى لكن حلنجى طول عمره واد برنجى ينط جوه النار ويخلى الميه تغلى وتطير وتبقى بخار ما هو حاوى أولعبان مره امر طارىء وينفذ الطوارىء الناس تنام م المغرب ومش عايز حد يبان ماهو حاوى اولعبان ومره الخطه الجاية اصلى عامل جمعية رايح أقبضها ألأول وأصرفها ع النسوان ماهو حاوى أولعبان ومره مخه يروح ومره مخه ييجى يا تخلوا أبنى يورث يا أجيب عاليها وطيها ماهو حاوى أولعبان بنالنا قصور فى الهوا على قايمة ألأنتظار خلى العيشه سخنه وعلى حافة ألأنفجار عايزين أسلامبولى يضرب عليه بالنار ما هو حاوى أولعبان شقلب حياتنا شمال أنا أب لست عيال خلاص داقت عليا مديون لحد شوشتى ما هو حاوى أولعبان بكره أمتى ييجى بكره وياكم مستنى بكره يشهد علينا النهارده بكره يروح الحاوى والمستخبى يبان حتقول يا ريتنى سمعت والمعنى فى الكلام وتجيب عاليها واطيها وفيها ولا أخفيها وتقول تعالى يا بكره أمبارح مش النهارده تعالى يالله بسرعه خلى الحقيقه تبان ماهو حاوى أولعبان ------------------ حسن عمران Omran55.maktoobblog.com Badralnhar.maktoobblog.com Omran55.plogspot.com Dastor76.plogspot.com[/color][/font][/center][/size][/b]

على قلبكم لطالون...

على قلبكم لطالون... على قلبكم لطالون... الهجوم على منازل المدونين والقبض عليهم ...هذا يعنى أن صوتهم عالى وبيسمع مش عارف الحكومه حتلاقيها منين ولا منين أستمروا وألى ألأمام ........رجاله ---------------- أرتفاع نسبة الدين الى 120 % من الناتج المحلى لمصر ....كله على الله المرحوم كان طيب العزا فى .................الميزانية ----------------- الناس اللى أنتقدت أنتخابات مجلس الشورى وأتهموها بالتزوير ما ده أمر طبيعى واللى مش طبيعى أنها تكون نزيهه عجبى على بنت بيضه وأسمها ................... ---------------- مصدر أمنى رفيع المستوى يقول أن مصر مشغوله حاليا بكيفية التعامل مع دولة أسلامية على حدودها ليه يا راجل مش احسن من دولتين يهود ---------------- الحكومة الصومالية تعلن العفو العام عن المعارضيين السياسيين وأحنا بنلمهم ومش ملاحقين عليهم من قلة السجون دى حكومه .........ودى زباله يا جاهل --------------- أسرة مصرية عشرة من أبنائها يحفظون ألقرآن الكريم . لسه مصر منوره بأهلها الدنيا بخير يا را جل أفهم ..............بقى ----------------- محاكمة 25 فرد من السى آى آيه فى إيطاليا لخطفهم أمام مصرى من أيطاليا .......وأحنا بنسلم المسلم علشان تحاكمه أمريكا هناك فرق إيطاليين يا عم ...........أفهم --------------------- حصيلة بيع ألأراضى 17 مليار جنيه يا ترى حتروح فين يا ترى حتروح فين يا ترى حتروح فين حد يقولى أيوه كدا بالضبط كنت حقولها ..................... --------------------- مصر تتجه الى الهاوية . حوار مع الكاتب ( جون آر برادلى ) يا عم هو أحنا بنعرف نقرأ أصلا كله على ..............الله ---------------------- بلطجه أمريكية فى كل حته ( أفغانستان – إيران – العراق – فلسطين كوريا و موريا وغيره ) وأنا أقول الراجل بتاعنا عمال يقطع فينا اللى وراه ضهر ما ينضربش ..................... -------------------- عريس من الصين المواصفات( شعر ناعم لون الجلد أصفر من أتباع أللآه بوذا أبو كرش أتممنا 49 جنازه قصدى جوازه ولا زال العرض مستمر يا عينى عليكى يا مصر ************ حسن عمران Omran55.maktoobblog.com Badralnhar.maktoobblog.com Omran55.plogspot.com Dastor76.plogspot.com

دعاء شعب مصر على الحكومة

-------------------------------------------------------------------------------- دعاء شعب مصر على الحكومة هذا الدعاء على اللى غلوا البنزين ورخصوا الحريم وخلونا محتاجين وخربوا التعليم والصحة والصناعة والتجارة وخلوا بلادنا ملاهى ودعارة وهدموا الدين وأحنا محرابه وضيعوا الكرامه ورخصونا ولما نقول الحق يسجنونا الله أما تقبل دعاءنا دعاء المظلومين اللهم اكسر ارجل كراسيهم/واقلبهم على جنبيهم/ويقعوا واحنا نشيل فيهم/ ويسييبوا مناصبهم/ وكل الامراض تصيبهم/ ويناموا فى مستشفى ويا كبيرهم/ يا امبابه يا الدمرداش يا باب الشعرية/ ويدوهم دوا فاسد زى لبن الاطفال/ ياخدوه يجيلهم اسهال/ ويروحوا للبتاع يلقوه مقفول/ ولما يفتحوه ما يلقوش فيه ميه/ ولا يطهروش ويطلعوا بره/الهم اجعلهم يزروتوا الممشى/ وكل الدكاترة والممرضات تقرف وتمشى/ ومحدش يخدمهم ويناموا بريحيتهم/ ويتعروا بالليل والبرد يزكمهم/ اللهم احرمهم من اللحمه /علشان يحسوا الفقر/ ولما ياكلوها يجلهم جنون البقر/ وميعرفوش السبت من التلات/ ويسخنوا وندخلهم الحميات/ اللهم احرمهم من لحم البط والنعام/واذا كلوه تجيلهم انفلوانزا الطيور/ ونعزلهم فى جبل الطور/اللهم اكسينا وعريهم/ وركبنا ومشيهم/ واشفينا وعييهم/ وعلينا ووطيهم/ اللهم ورينا يوم فيهم/ اللهم بطهم ووزهم ولا تنعم عليهم/ اللهم ما فرج عليهم الناس فرجة الحاوى/ولم عليهم الناس لمة الحرامى/ اللهم اوجد لأولادنا عمل واجعلهم عاطليين/ واوجد لنا سكن واجعلهم مشرديين/ اللهم ما امنع عنهم اللحم الضانى واطعمهم بصارة/ولحم الغزال واذقهم مرارة العدس/ وامنع عنهم البط والنعام واطعمهم فول ومش/واخلع عنهم الحرير والبسهم الكستور المدعم/واحرمهم من الشبح والبودرة والحوت وركبهم اتوبيس شبرا او ميكروباس الدويقه/ هذا دعاء شعب خير بلده نهبوه نواب القروض واصدقاء اليهود .............وابناء عبد المعبود """""""""""""""" omran55.maktoobblog.com badralnhar.maktoobblog.com omran55.plogspot.com dastor76.plogspot.com

قاموس البشر

-------------------------------------------------------------------------------- قاموس البشر قاموس البشر يا بشر مسرح كبير يا زمان لا يسيب رحمة تنزل ولا رحمة للأنسان قاموس البشر يا بشر تلاقوا فيه ثعابين تتلون وتتلوى وتلدغ أصل دول ملاعيين قاموس البشر يا بشر كل يوم فيه بنموت القتل فى كل حته والدور علينا يفوت قاموس البشر يا خلق مليان مقاسى كتير أسلحة دمار شامل وألأمر بينا خطير قاموس البشر يا بشر تشوفوا فيه العجب من أول عقارب بوش لحد هيفا ورجب قاموس البشر يا أخونا نقلب فى صفحاته حاكمنا عبد القوى نافخ لنا شنباته معين حكومه ورق بتنحنى لطاعاته عاملين لنا بلبله وزهقنا من شطحاته فاكر بلادنا عزبه يحكمها بشنباته وموقف عليها عمده وياه شيخ الخفر بيلعب لنا شنباته سيرته بقت فى البلد مره على اللسان طار الخبر يا بشر لشله م الشبان شبان أمنوا بربهم والله المستعان شهروا سيوف الحق للحاكم وما كانش فى الحسبان شفت فيهم شبابى أيام ما كنت همام أنا كنت واد ثورجى وكنت واد ربان قلت أفرحى يا مصر كل دول عرسان وفى عز وقت الفرح فجأه بقت ضلمه راجل عجوز خبير على راسه فيه عمه قال أسمعوا نصيحتى ما فيش منكوا فايده هيصه كبيرة وشوية كدا لمه الخيل وعسكر مبارك يفضوها فى ثانية أقول الحق أنا راسى كله دار وصابتنى دوخه وخلاص بقيت منهار راجعت نفسى وقلت قاموس البشر يا بشر أنا قلبت فيه لقيت تاريخنا مشرف والمصرى أصله فيه راجل بطل ثورجى أيه اللى جرى ليه يا بشر *********** حسن عمران omran55.maktoobblog.com omran55.blogspot.com dastor76.blogspot.com badralnhar.maktoobblog.com

الملعون

الملعون ملعون فى كل كتاب خليت مصر عزبه وعمارة من غير بواب خربت بتنا العامر وخليت عشيتنا هباب قليت من أحترامنا وعريتنا للأغراب وقفنا وسط السلم ورقصنا على ألأبواب الدين بقى ملطشه والمسلم بقى أرهاب لأمتى تقدر تهرب والموت على ألأبواب ملعون فى كل كتاب شقلبت كل حياتى خلاص خلتنى أنسى النهارده يبقى سبت ولا يوم تلات رجلى جوه الجزمه ولا لابسه شراب فرده لونها بنى والتانية لونها هباب حطيط الشاى ع السكر وغليتهم فى البراد طعمه بقى مر لكن شربه مزاج شقلبت بيا اليوم ونازل فيا مراقبة ع النت والتليفون لمين أشكى همى لعمدة الفيوم ملعون فى كل كتاب يا اللى بنيت زنازين ودوست على الحقيقة وخليت حياتنا هجين ماشيين بميت طريقة يا كل مصرى حر شايل سلاح الكلمه سلح جيوش م البشر وأتلى عليهم حكمة سلام لجندى شرف رافع فى أيده علم واقف زى أسد يحمى حدود الوطن سلامى عليكى يا شابة من غمه زايله عابرة ونرجع تانى ليكى نقعد تحت شجرة تضلل علينا ضله والضله جنب نيلها نقول موال وميت موال عشانها فى ضى القمر سلام يا مصر أجدع سلام من قبلى لحد بحرى من سينا لحد أسوان ********** حسن عمران omran55.maktoobblog.com omran55.blogspot.com dastor76.blogspot.com badralnhar.maktoobblog.com

طالع بلدنا وبختها

طالع بلا دنا وبختها وأوعى تخيب وتضيع جواب الحقيقه يا أبن نجيب وأتذكرنى دايما لما صابتنى رصاصة ومت فى حضنك شهيد أوعى تنسى الولد اللى عبر القنال ورفع معاك العلم والرملة نار فاكر ليالى السمر والأسود قاعدين حواليك لمه بيحرسوا الحدود وبألأمانى نتمنى يوم العبور والشهادة والجنه أيام ما كنا بنحلم ببكره فاكرلما يبان القمر فى السما بدر فاكر بدر كنا نحلم نكون جنود فى جيش ألأحبه ونول شرف الشهادة جنب الرسول يومها فاكر للنهارده لما قلنا الله وأكبر بالعزيمة قمنا عبرنا كان فى أدينا سلاح وجوه قلوبنا سلاح الله وأكبر ولما مات فى قلب حضنى على أرض سينا شهيد سلمنى جواب ورجعت شايله فى جيبى كتبلى فيه طالع بلا دنا وبختها فيه عصابة بتتزرع فى أرضها سرطان مخيف ليه جزور بتاكل فى بعضها مالوش دوا يا تستأصله يا تموت فضلت أسرح ويا فكرى وفى الجواب قلت أطالع حال بلادنا وبختها لقيت هباب العصابة راكبه فوق قلوبنا وع الصدور بانية بينها وبين الشعب سور أى حد عايز يعدى يا أما يلبس نفس توبهم يا يتحرق جوه قطر ولا مسرح فيه رواية قيس وليلى ولا هاملت ولا يغرق جوه بحر لونه أحمر لونه أبيض ولا حتى ف قلب شط جنب أرض أو فى سجن عم عنتر المشمر واللى ماشى بأمر عبله هى دى أصل الحكاية م البداية كان جواب طالع بلا دنا وبختها فى الدنيا عمرى ما شفت أختها فى المرار والحظ اللى واجع قلبها قول النصيب قول القدر مش مهم أصله مين بس أملنا فى الحرامية الهربانيين أشرف وطلعت وأسماعيل يبنوا جيش يحتل لندن ونبقى دولة مستعمريين يحتلوا مصر ويحرروها وبدل الولد اللى مات شهيد جوه سينا يبقى ألأمل جوه عصابة م الهربانيين وهو ده حال بلادنا وبختها يا حظها *********** حسن عمران Omran55.maktoobblog.com Badralnhar.maktoobblog.com Omran55.plogspot.com Dastor76.plogspot.com

فراق

فراق فيه ناس تقول رحمه وناس تقوله فراق وناس دايما كدا رايحه وناس واقفه تستنى وناس مزهوله م الخضه وناس كتير من أيه خايفه يمكن تكون خايفه من لحظتك يافراق والساقية دايره علينا دور وناس ييجى عليها الدور تتشاهد وناس بعد العزيز ع الورث تتعاتب وناس تدور على الوارثين وناس فى الدنيا مش سائلين وناس عاشوا فيها عاشقين وبالصبر تتعاجب ولما يجى ستار الليل ناس تجرى وناس تهرب خوف وناس تعمى من كتر الشوف وناس تقول عليها حلوه وناس تقول عليها مره وناس عايشه تتمنى وناس عايشه تتهنى وناس دنيتها فراق وناس ع القطر تستنى وناس تدعى وتتمنى وناس ترحل بعيد عنا وناس رايحه للجنه وناس أخرتها مرار وكل دا متسمى فراق وناس تفرح وتتهنى لما يروح الظلم بعيد عنها وبرده فراق وناس فى ألآخر تتغنى يا دنيا أنتى حلوه ومره فى الرياق منك ياما حبان شربت ومر الفراق ***************** حسن عمران omran55.maktoobblog.com omran55.blogspot.com dastor76.blogspot.com badralnhar.maktoobblog.com

من زمان يا مصر وحشانى

من زمان يا مصر كنت أسأل أمنا أحوالك أيه مش تمام مرة يبان عليها الزعل ومره تغيب ولما كنت أسأل كان يصيبها شىء غريب كنت أشوف فى عيونها ملام وكأنها عايزه تبوح بسر وتقول كلام وفجأه تصمت ويصبها صمت الغمام كنت أشك أنى أكون سبب الزعل وأحط على نفسى الملام وأهمس ويا روحى مهما فكرى فين يودينى أروح أرجع أقول مهما كان برده على قلبى سلام عارفه يا أمى يعنى أيه معنى السلام يعنى بشر ماتخاصمش بعضها يعنى هروب م الحروب يعنى سكينه فى المنام يعنى كر يعنى فر يعنى نصر وأنهزام وأنتى صامته صمت الصحارى فى الظلام صمت الشجر لما تسكت عنه ريح الغيطان صمت النهر لما يبنوا فوقه سد عالى ليه حيطان أنا منتظر هنا لما يبان فى السما قمر ينورفي ا لظلام يدب فيا شعور العاشق اللى واقع فى الغرام بطلى صمت يا أمنا وأتكلمى أصل السكوت من غير سبب مفتى الشريعه بيقول حرام أسمعينى أسمعى صوتى جوه قلبى أحساس بيناديكى بكرة يتبخر سحاب الغمام وتعود تانى فى سماكى ترفرف أسراب الحمام يمكن أكون عارف ليه الزعل عمر اللى حاكمك ما يرضى بالرأى الصريح ولا العتب وحتى اللى زيى مهما يصرخ صوته يروح ويضيع فى الزحام والباب اللى يجيب الريح نسده بجدار ألأحتشام وخلى التلج اللى بينى وبينك يسيح وردى عليا السلام ونرجع تانى نزرع على شفايفك ورود وأبتسام ********** حسن عمران omran55.maktoobblog.com omran55.blogspot.com dastor76.blogspot.com badralnhar.maktoobblog.com