يمين طلاق

يمين طلاق يمين طلاق منك يا عايده ///// ومن عمايلك ومن جنونك قربت اهج واقطع هدومى///// قال طالبه لحمـــــــــه وهى عارفه ان السيرادى///// تجبلى وعكه واسهر ليلاتى ماهيه شايفه عم حسنى ////// طالع يقولى تصريح يوماتى وعمال يهاتى فى كل شعبه///// الأزمه خانقه والخطه ماشيه ويقول كلام سيكا وبياتى///// مالى هدومه من فجر يومه وحاكم بأمره من طرف رجله لشعر راسه فيه حد عارضه مقدرش اخالفه لأنه فاهم وادرى بحلاتى// شايفه حـــــــاله عامل رجيم كباب وسلطه اكله يوماتى// شوفى حالـــــــنا الفول يدوب نتغدا بيه وباليل نهاتى وبعدين يا عـــــــــايده الراجل بيتعـــــــب على الكــرسى قـاعد آخــــر أيافــــــه وع الشرم رايح محروس بناسه واهى تبقى لمه حلوة يوماتى يشوف المعارضه تجيله قرفه//// ويقول هاتولى عنب بناتى يمين طلاق منك يا عايده //// مدام دا قاعد فى حكم مصر لخلع هدومى واجرى ملط /// وانده غيثونى بأعلى صوتى مجنون يا عالم وراجل فلاتى بيحب مصر ---------------------------------------- حسن عمران www.dastor.net omran55.blogspot.com dastor76.blogspot.com omran55.maktoobblog.com

مصر فى متحف الفنون

المشاهد لمصر ألآن من زاوية الخيال يراها كا ألآتى: عربية كارو قديمه كاوتشت العجلة اليمين مقطوعة وموصولة وعاملة صوت وحمار عجوز بيجرها مليان جروح وعربجى سنه كبير مش قادر يسوق شوية تروح يمين وشوية يروح شمال والناس عمالة تزمر ولكنه لا يسمع وفى آخر العربية عيل راكب فى قفه متعلقة من تحت عمال يحدف الناس بالطوب هذه اللوحه المرسومه لمصر فى معرض الفنون تعطيك من الوهلة ألأولى أنطباع بالحالة التى وصلنا أليها ولكن عندما تنظر الى اللوحه بأمعان وتعيد رسمها فى خيالك فتراك تلقائيا تستبدل اللوحه بعربة رمسيس الحربية وهو يقاتل ألأعداء أو صلاح الدين وفرسه وهو يحرر القدس وعندما ترى اللوحه الحقيقية فى الواقع تجد دموعك تنهمر حسرة وألم على مصر ولك منى وعد يا مصرى سنتواصل فلا تحزن ففرج الله قريب لنا الله ولمصر الصبر والسلوان ************* حسن عمران .................. www.dastor.net omran55.blogspot.com dastor76.blogspot.com omran55.maktoobblog.com

المعارضة عاملة عارضة

المعارضة كاتبة عارضة مقدماها قايلة فيها عايزة تخلع دستور سيادته من جزوره قايمة تزرع بذرة وردى فى قلب أرضه طرحه شوكه مرة علقم فى قلب حلقه أم جنابه ركب دماغه قال عليا وع المعارضه قام يحط جنب أيده سله كل يوم يلم ورقه ويقرا فيه آه يا ورقه قد أيده لما ترمى يروح رميه هو ده برده فيه حد شاغله ولا فكرة راح يفكر حتى فيه هو ديزل قطر فايت صوته عالى من بعيد والمعارضة فى السبنسه متشعلقه فى ديله البعيد وهو قاعد فكره وداه ومرة واحده راح يجيب شعب كله هم غم قال أطبق أمثال الجدود أضرب المربوط بشده السايب على طول يخيب أدى أمرة لكل تابع من توابعه من النهارده خدها منى أمر عالى فى البلاد على طول ينفذ التزوير فى الأنتخاب واللى عايزه بس يمشى سلطان بيحكم فى البلاد والوريث من بعدى يحكم والمعارضه تروح تذاكر من جديد الحساب وجدول أضرب فى الكتاب طول ما تركب السبنسه صوتك حا يفضل بعيد ****** . حسن عمران www.dastor.net omran55.blogspot.com dastor76.blogspot.com omran55.maktoobblog.com *****

سلملى على الجماعة

هذه الكلمه فى بر مصر مقصود بها سلملى على أهلك هذا فى السابق لكن اليوم أصبح عندنا مأئه جماعة على سبيل المثال لا الحصر أصبح عندنا جماعات بدأ من جماعة ألأخوان جماعة الناصريين جماعة الشيوعيين وجماعة العلمانيين وجماعة الوفديين وجماعة العلمانيين وجماعة كفاية وجماعة اليمين وجماعة اليسار وجماعة الصلاة على النبى عليه الصلاة والسلام وكل جماعة رافعة شعار إذا لم تكن منسوب لنا فا أنت من المنبوذين فلا تقترب منا أو نحن صح والباقى كله خطأ وبناء على هذا الشعار تفرقت المعارضة وأنعدم العمل الجماعى والتنسيق بينهم مما أضرهم وجعل الحاكم يتحكم أكثر من ألأول وهذا ما حدث فى مظاهرات القضاءوالتى كان يجب على كل صنوف المعارضة الوقوف بجوارهم بل شعب مصر كله وكانت الفرصة سانحة أمامنا للتغييرولكن عدم التنسيق أفسد علينا كل شىء وهذا ما يحدث أيضا فى مظاهرات كفاية لذلك إذا لم يكن فيه تنسيق بين المعارضة فلا جدوى من التظاهر إلا فى وجود عمل جماعى كامل يغير الوضع *********** حسن عمران www.dastor.net omran55.blogspot.com dastor76.blogspot.com omran55.maktoobblog.com

دولة السلطه وسلطة العنب

دولة السلطه وسلطة ورق العنب أولا : يجب أن نعلم أننا جميعا مصريون وأن النقد ليس معناه المساس برموزنا ولكن معناه أن نطرق أبواب الحقيقة لأجل مستقبل أبناءنا وليس لنا فى الدنيا ناقه ولا جمل إلا العمل الصالح الذى سينجينا يوم العرض الكبير فلنتعرف على دولة السلطه قبل الدخول فى الموضوع : هى دولة سلطات ومؤسسات سواء كانت سلطه تشريعية أو قضائية أو تنفيذية وهى دوله لا تنشأ حكمها على الفرد ولكن على الجماعه وتسلسل سلطاتها من أعلى ألى أسفل ويكون فيها حرية تداول السلطه وأحزاب قوية تساعد فى كشف الحقائق وتتداول السلطه وهذا النظام تقل فيه المفاسد والتسيب وهو نظام ديمقراطى حر أما سلطة الدوله : هى عبارة عن حكم فردى وتغيب دور ألأحزاب والجماهير وألأنفراد بالرأى وهى تتألف من حاكم ديكتاتور وحاشية وهى دولة تساق بالعصا تقل فيها الحريات وتكثر فيها المظالم وهذا النظام الذى أضر بمصر وقد أعتمد على مصادرة الرأى وتبديل الحقائق والتطبيل والتهليل للحاكم وأيهامك أنه آلاه لا تقترب منه وكأنهم يعبدوه فا بالرغم من عظمة ثورة يوليو إلا أن ما أعقبها من حكم ديكتاتورى أفسد فرحتنا جميعا مع أحترامى الشديد للناصريين فهو بشر وليس ألآه وكل أبن آدم خطاء فا بالله عليكم لماذا ذهبنا الى اليمن هل كانت محتله من أحد ومن سيعوض مصر خسارتها من ألأموال والشباب فى تلك الحرب ألم نكن نحن أولى بها وكم يساوى أصبع أبن من أبناءك إذا بتر وما الذى حل بنا فى 67 ألم نهزم وأحتلت أراضينا كم عدد المعتقلين ولم نعلم عنهم إلا بعد وفاة عبد الناصر بالرغم من أنه كان زعيم وطنى لن يتكرر ولكن سلطة الدولة لم تعلمنا الحقيقة إلا بعد وفاتة ثم أتى حكم السادات وأيضا شابه الكثير من العيوب بالرغم من النصر فى أكتوبر المجيده إلا أننا أكتشفنا فيما بعد بوجود ثغرة كادت أن تقضى علينا ودخلنا فى ألأنفتاح ودمرنا أكثر من مليون فدان صالحة للزراعة بحجة التعمير وذهبنا نستصلح الصحراء وهذه سلطة الدولة ُم أنتقلنا ألى هذا العصر عصر الهم والغم وألأمراض عصر مبارك والذى لم ترى مصر قبله أو بعده مثله فى الفساد والتسيب والنهب وفساد السلطات وسمعنا مرات ومرات أن من أنجازات مبارك تجنيب مصر ويلات الحرب أو جرها الى الحرب أمال من ذهب لحرب الخليج اليست هذه حرب وما ذا كان يحدث لو كان صدام يملك أى شىء خطير وألقاه على جنودنا ومات عدد كبير هل كنا سنقول قضاء وقدر وهل حرب الخليج حلال وحرب أسرائيل حرام هذا القدر لا بد أن نتخلص منه ليأتى فجر جديد فى ظل دولة السلطه المحترمه وليس فى ظل دولة ألأستعباد لنا الله ولمصر الصبر على البلاء أسف على ألأطالة..لكم تحياتى .................................................... حسن عمران www.dastor.net omran55.blogspot.com dastor76.blogspot.com omran55.maktoobblog.com

يا عينى عليكى يا طيبه لما بضيعى من إيدينا

تحياتى وأحترامى الى كاتب هذه الكلمات التى وصلت الى مسامعى وهزت وجدانى واحسست بعدها بالخوف على مصر . فى عز أحتياجنا لحضنها الدافى لنحس بالأمان لا نجده وأصبحت قلوبنا حجر على بعضنا وأتعلمنا الخيانه وبقينا وحوش فى غابة وسنصل الى وقت نغرق ولن نجد مركب تنقذنا وهذه الكلمات البسيطه كانت بمثابة قنابل تهز مشاعر أى شخص يحس بها ويخاف على مصر تحياتى وأحترامى لكاتب الكلمات ومبدعها والصوت المعبر الذى شدى بيها ************* يا عينى عليكى يا طيبه لما بضيعى من إيدينا لما بنصحى نلاقينا حد غيرنا وفى عز ألأحتياج لحضن يضمنا وفى عز ألأشتياق لحضن يضمنا أتارى بندوس على قلب حبنا وبقينا أزاى كده أجمل ما فينا قلب أصبح حته حجر أتعلم الخيانه واللعب بالبشر ومين أطرينا وأحنا أزاى كده نعيش وحوش فى غابه ونقول مكتوب علينا وبقينا أزاى كده يا عينى عليكى يا طيبه لمابضيعى من إيدينا وآه من يوم حييجى مليان جراح وألم حدورالدايرة بينا وحندفع الثمن وتصرخ مهما تصرخ ولا حد حيسمعك مفيش مركب حتقدر بالعمر ترجعك وبقينا أزاى كده يا عينى عليكى يا طيبه لما بضيعى من أيدينا ملحوظه : من يعرف كاتب هذه الكلمات فليضع أسمه أحقاقا ليه وشكرا .......... حسن عمران .................. www.dastor.net omran55.blogspot.com dastor76.blogspot.com omran55.maktoobblog.com

وليم بيرى والنظرية الخاطئه

وليم بيرى والنظرية الخاطئه متغيرات الداخل والخارج لوليم بيرى والذى يبحث فى التحولات التى شهدتها مصر على مدى ثلاثين عام ويتوقع أندلاع ثورة شعبية مماثله لما حدث فى يناير 77 ضد ألأوضاع ألأقتصادية وأندلاعها سوف يتم بشكل غير منضبط وستنفجر شرارة الثورة عند رحيل مبارك وتوريث الحكم ولكن هذا الكتاب مبنى على رؤية نظرية ولم يبنى على الواقع لأن ما لا يعلمه وليم بيرى عن المعارضه المصرية أنها مهلهله ومتقطعة ألأوصال وتسير فى ألف أتجاه وهى عبارة عن عدة تشكيلات متفرقه وليست مثل المعارضة فى الدول المتحضرة التى تبحث عن مصلحة الوطن وتوحيد الرأى والكلمه فعندكم تلتزموا بأشارة المرور الحمرا والخضرا أما عندنا المعارضة مصابة بعمى أللألوان ألأشارة عندها لون واحد يا تكون على شاكلتهم يا بلاش لذلك تجد المعارضه مهتمه بالمعارضه على المعارضه لذلك يا مستر بيرى بنيت وجهة نظرك نظريا فقط ولم تبنيها على الواقع فعليك أن تراجع نفسك مرة أخرى لدراسة ما كتبتة لأن العملى يختلف كثيرا عن النظرى هذه وجهه نظرى وعلى المعترض يثبت عمليا عكس ذلك ملحوظة : الكتاب الذى تم منعه من معرض الكتاب ربنا يسهل نحاول تلخيصة ونشرة على النت -------------- حسن عمران .................. www.dastor.net omran55.blogspot.com dastor76.blogspot.com omran55.maktoobblog.com

الجبه والقفطان والعدس ألأصفر

الجبه وألقفطان والعدس ألأصفر عندما ترى ألأحداث والجدل المثار كل يوم فى مسائل دينية بحته وتحريم وتحليل وفتاوى من كل من هب ودب ووقع فى مطب وتحليل ألأنحلال والتسيب من أناس يتبنون منهج العلمانية وتغييب الوجود اللألهى من حياتنا وما نتج عن هذا التغيب من مشكلات عديده فى مجتمعنا منها أبناء الشوارع والزواج العرفى وأهانه كرامه المرأه مقابل رغيف العيش وأحتقار الرجل الفقير وعدم أحترامه وأنتشار ظاهرة الجهل التى تجعل الجاهل فى هذا العصر مجرد أنسان على الهامش وظاهرة الموالد التى أنقرضت من دول العالم والتى أصبحت عنوان للتخلف فى مجتمعنا وظواهر عديده تشبه العدس ألأصفر فى ظل تقلص زمن الجبه والقفطان وضاعت هيبتهم فى هذا العصر الذى يسير بنا الى الهاوية فلنتسائل لماذا توقفت الجبه والقفطان فى توصيل الرساله للناس وتعالت عليهم أصوات أللا دين أو مله تلك ألأصوات التى سترحل الى جهنم بما فعلت وجنت ولكن لن نلومهم وحدهم ولكننا نلوم أصحاب الجبه والقفطان بعد أن غاصوا فى حلة العدس ألأصفر لنا الله ولمصر خالص العزاء """"""""""""""""""""" حسن عمران www.dastor.net omran55.blogspot.com dastor76.blogspot.com omran55.maktoobblog.com

زى ما أنتى يا دنيا دورى ودورينا

زى ما أنتى يا دنيا دورى ودورينا زى ما أنتى يا دنيا......... دورى ودورينا يوم واحد فرح............. وأيام تدوخينا مش عارف ليه يا دنيا مش... عايزه تفرحينا الحزن ساكن قلوبنا .......والدمع جار عنينا وكأنك يا دنيا معانده..و دايرة تعندى فينا يا دنيا نشكى لمين همنا...... وبينا فيه حاجب ما تيجى نقعد يا دنيا...... مع بعض نتعاتب لو كان علينا الحق أهو ......رده ليكى واجب هى العين يا دنيابتعلى ......... على الحاجب يا ما قسينا يا دنيا...... وقسيتى كتير علينا وشبعنا من فراق حبيابنا....... اللى فاتونا يا دنيا الحال أتغير والموت......... بقى راحه من كتر حزن القلب .............أتفتحت جراحه كفانى منك يا دنيا حروب......... على الساحه لايوم شفناهنا ولا يوم............ فيكى راحه خليكى زى ما أنتى دورى ودورينا يوم واحد فرح وأيام تدوخينا ------------ حسن عمران www.dastor.net omran55.blogspot.com dastor76.blogspot.com omran55.maktoobblog.com

أحوال جناب العمده أيه النهارده

أحوال جناب العمده النهارده أيه والله العمدية تعب ومشقه وأرهاق وحرمان من أشياء كتيرة يعنى أنا معرفش أروح السوق ليه يا عمده . ما أنت عارف الباقى ولكنى متحمل من أجل مصر طيب يا عم العمده كمل جميلك لو أنت بتحب مصر فعلا وخلينا مرة واحده نقول أن أبونا العمده راجل كويس عدل الدستور لمصلحه مصر مش على مصلحة ثم بالله عليك يا أبا العمده أنت عايز أيه أكتر من اللى أنت أخذته وبعدين هو فيه حد مصلتك علينا علشان تزيد همومنا أكتر من الهم اللى أحنا عايشينه . شوف يا عم العمده المركب بتغرق وعنادك حيسرع غرقها وأفتكر التعديلات اللى أحنا بنقولك عليها حتخليك عمده من عمد التاريخ زى عرابى والحاج مصطفى كامل وسعد زغلول وحنرضى بيها كلنا لآنها لا حتخلى الحرامى حرامى ولا المستبد مستبد ولا الظالم ظالم وأذكرك بيها تانى فا الذكرى تنفع المؤمنيين قبل مل تتعرض على الخالق عايزين عمده من بين عشر عمد والعمده ننتخبه مرتين ويمشى وأبنه ولا أخوه يمسكوا إلا بعد ما ييجى واحد جديد وبكده يبقى يا دار ما دخلك شر ........................ عن عموم كفر مصر كله حسن عمران .................. www.dastor.net omran55.blogspot.com dastor76.blogspot.com omran55.maktoobblog.com

فستان زفاف أسود

فستان زفاف أسود --------------- لما جم يفرحوكى لبسوكى توب زفاف لونه أسود وطرحه غطت كل وشك غمو عينك متشوفيش العريس اللى جاى أصله وريث والفرح بدل الفرح كان صوان للعزا وبانت ملامح الفرح معازيم من غير عشا أزاى يفرحوا لما عرفوا أن العريس من غير رضاهم أصله ده مفروض عليهم بالوراثه زاد همومهم فوق همومهم مكتوب عليكى متفرحيش هما فاقوا من هموم اللى قبله لما ييجى اللى خانوا واللى باعوكى بالرخيص يخطبوكى للوريث العيون بالدمع سالت والقلوب بالحسره مالت لما عرفوا العريس اللى جالك ده وريث قالوا آه طبلت فوق رؤسنا هو أحنا كان ناقصنا هب وكتر الكلام الفرح قلب بغم والموسيقى بقت حزينى والكهارب ضلمت الجوازه بقت جنازه والكلام مبقاش كلام والتهانى بقت تعازى وأنت صامته صامده مابتتكلميش أتكلمى فاكرة هوجه عرابى فاكرة ناصر لما خرج الأنجليز فاكرة تأميم القناه ولا حرب بورسعيد فاكره كامل ويا سعد فاكره مكرم فاكره حرب فاكره دول كل واحد من ولادك شال ريشه من جناحك علشان تطيرى ويطيرك أيوه كانوا بيطيروكى فوق فى السما العالى أرفعى راسك لفوق القدر ع الرقبه طوق مفهوش مفر بكره برده ييجى واحد من ولادك زى القدر يشيل مشاعل نور تنور طريقك وتنورى الدنيا لكل البشر وتقلعى توب الحزن وتلبسى توب القدر وتعود أبتسامتك الجميله يا كحيله ويجرى نيلك من الجنوب للشمال للقنال يروى البشر وتعودى تانى يا مصر تلبسى توب الزفاف أبيض لون الفرح """"""""""""""""""""""""""""" حسن عمران www.dastor.net omran55.blogspot.com dastor76.blogspot.com omran55.maktoobblog.com

صباح الخير يا جناب العمده

صباح الخير يا جناب العمده أيه ألأخبار يا شيخ الخفر ألأمن مستتب وكله تمام وأخبار الطبخه أيه أستوت ولا لسه الطباخين شغالين بأيديهم وسنانهم بس فيه خبر وحش قول يا شيخ الخفر مسكنا واحد بيقرأ الفاتحه بصوت عالى على أبوه اللى مات وعملتوا أيه شدينا طوارىء وحطناه فى الحجز عفارم عليك يا شيخ الخفر يا ريت تاخدو اللى جبوه كمان حاضر يا عمده بس الوريث بيسأل أمتى حا تم فرحته أصله مستعجل قله أول ما الطبخه تستوى حا نحط فيها سم علشان نخلص م العدوين اللى كل يوم ينطلنا تمام يا جناب العمده بالأذن أذنك معاك """""""""" حسن عمران حسن عمران www.dastor.net omran55.blogspot. com dastor76.blogspot. com omran55.maktoobblog .com

رباعيات ممنوعه

يا حزب غير أتجاهه وخلى قبلته لباريس عمرك ما تنجح يوم لا بالغش ولابالتدليس لو مصر يوم تتوارث مكنش جالها رئيس وفضل يحكمها الفرعون أحمس ولا رمسيس """"""""""""""""""""""""""" يا قلبى يا موجوع من حسرتك على الوطن تقول آه تنزف م الجروح وتزرف دم من شده الألم وقوله آه أحتار فيـك كل أطـباء الزمـان ملقوش دوا لقوله آه إلا حكيم زمانه قال غيروا حال الوطن تتوقف الآه """"""""""""""""""""""""""" ياريس الحكم ليه أصول وقوانين من ربك العادل والجنه تقفل باب الريان ميفتحش إلا لأمام عادل والنار سعير وشررمفتوحه لحاكم ظالم ومش عادل ياظالم اليوم تذكر بكره راح تقف أمام ربك العادل """""""""""""""""""""""""" يا كاتب كلمة الحق قلمك صواريخ وسهام يا قايل الحكمه بين الناس عمرك ما تنلام ويا حارس حدود الوطن أسد عيونه ما تنام أنتم نور عيون الوطن وقلبه وهوى الأحلام """""""""""""""""""""""" ياريح تتمسحى بالأرض حا تاخدى أيه من البلاط ياما ملوك وسلاطين عاشوا و ماتوا وسابوا البلاط وتاجر مشى أعوج وغش الناس ورجع على البلاط وظالم أتعافى على الناس أنزلق ووقع على البلاط """"""""""""""""""""""""" صياد أعمى العين نشن سهامه على غزاله فاكر أن المال والجاه نشانهم حيصيدوا غزاله ما بيعرفش إن حسن الجمال موجود فى غزاله بكره يروح المال والجاه يا قرد وتفضل لنا غزاله """""""""""""""""""""""""""" ألأوله. عين تبكى بدل الدموع دم من خشية الله الثانية . عين باتت سهرانه تحرس فى سبيل الله الثالثه. عين حسوده زرقا ما تنام تنظر لخلق الله والرابعه. عين حمرا مليها الشرر تعمى بأمر الله """""""""""""""""""""""""""" يا ريس البحر يا ماسك الدفه المركب بتميل بينا من كتر ظلمك ياريس وعندك تاهت عن المينا يا ما مراكب غرقت بعناد ريسها واللى عمله فينا ياريت يا ريس تسيب المركب لريس بالأمل يعدينا """"""""""""""""""""""""" يا عم الريس أيه تملك فى مصر علشان تورثها عود للخالق دى مصر أرض الله وهو حارسها أياك والغرور ياما غيرك حكم وراح وتاركها خذها نصيحه مالكش غير مقبرة فى مصر تورثها """"""""""""""""""""""""""" حسن عمران www.dastor.net omran55.blogspot.com dastor76.blogspot.com omran55.maktoobblog.com

هكذا نصنع الزعيم

هكذا نصنع الزعيم ما دام نسكت ويتكلم المنافقون زعيم هش من قش مرسوم على الورق ظلوا ينفخوه مثل البالون حتى انفجر فينا جميعا وتتعالى اصوات النافقيين حتى بحت ونظمت القصائد وافردت الجرائد صفحاتها لأنجازات وهمية وخطط تنموية تسير بالعكس لأنها غير مبنية على اساس سليم ويكمم افواه رجال الدين ويتهموا بالأرهابيين ويزج بالناس فى السجون ويخرسوا اصوات الحق وكله من اجل الزعيـــــــــم وترى ارقام فلكية ويقولوا الميزانية وديون مستخبية وسرقات قروض وهمية وتسيب فى البنوك الحكومية وتجاوزات ومصالح وناس تنحنى وتسقف ونفاق ونفخ فى الأبواق وفقر وهم وامراض ودعارة مقننه بأسم الفن والمسخرة وتعرى كليب وبطالة وعوالة وكله من اجل الزعيم والزعيم لما شاف ان البلد فى النازل فكر فى نفسه بعد موته الناس حتجيب فى سيرتة ويلوسوا عيلته فخطرت فى باله فكرة من ابليس ليه الحكم ميكنش بالتوريس مثل عهد الملكية واهى مصر بقت ليا وسية ومتخرجش منى العمدية وزى ما الناس عملوا منى زعيم يخلوا من ابنى زعيم نشترى كام كاتب على كام منصب ووعود كدابه ونعملهم البحر طحينة وخلى الشعب غرقان فى الطينه وكله من اجل الزعيم وهكذا يا حضرات ما دمنا لانتغير فلن نغير ومدام هؤلاء يجدوا مرتع لنمو البكتريا ولا يوجد مصل فسوف ينشروا فيكم مرض الزعيم حكمة ! سألوا فرعون مين حكمك فينا / قال ماشوفتش فيكم فارس يورينى .....................................حسن عمران www.dastor.net omran55.blogspot.com dastor76.blogspot.com omran55.maktoobblog.com

مشاهد من الجانب ألآخر

المعروف الآن فى مصر والشغل الشاغل للمثقفيين ليست مسأله الديمقراطيه فحسب ولكن الأهم تعديل الماده 76&77 فى الدستور وما يثير دهشتى فى الموضوع إن تعديل هاتان المادتان من الدستور معناه أنك تحكم بالأعدام أو بالسجن مدى الحياه على الرئيس الحالى وأعوانه وحاشيته لأن سر وجودهم فى بقاء هاتان المادتان دون تعديل ومن يضع أمل فى التعديل فا ألأمل ضعيف لأسباب عده منها على سبيل المثال لا على سبيل الحصر قله عدد المثقفين الذين يتفهموا أضرار هذه المواد فى الدستور عدم وعى الشارع المصرى الوعى الكافى للألتفاف حول المعارضه اليأس واللا مبالاه التى أصابت العقول حتى المثقفه منها ولذلك من يهتم بهذه التعديلات فئه قليله جدا من الناس فلذلك لا ننتظر أى تغيير أو مبادره من رئيس الدوله أو الحزب لأن ذلك معناه الضرر ولا يمكن أن يضر أنسان نفسه بالذات فى وضع رئيس دوله مصر نظرا لكميه التجاوزات والأمور التى حدثت فى عهده وكميه الناس المتربصه له حتى المواطن العادى الذى لا يتحدث فى السياسه ينتظر الفرصه ليفتك به وعلى سبيل المثال لا الحصر أهالى شهداء العبارة أهالى سيناء الأخوان المسلميين أهالى ظلمتهم السلطه بتلفيق التهم والخروج على القانون مثقفى ومساجين الرأى والكثير والكثير الكل ينتظر اللحظه للأنقضاض عليه وهذا نتيجه تراكمات عديده ولكن فى مثل هذه الأمور يوجد حليين فقط الأول : ثوره الغضب ربما تؤدى الى خسائر فى الأرواح والممتلكات وهذا وارد فى مثل هذه الأمور يعقبها تشكيل حكومه مؤقته لآدارة دفه البلاد حتى يتم التعديلات الدستورية والأنتخابات الحره الثانى : وهو الأفضل نظرا لقله الخسائروهذا الحل يكمن فى المؤسسه العسكرية لأن هذه المؤسسه هى الوحيده المحايده ويحق لها التدخل ما دامت البلاد على وشك الأنهيار وهذا واجبها تجاه الوطن والشعب هذه مشاهده من جانب آخر وربما يوجد مشاهدات من زوايا أخرى تساعد مصر على تخطى تلك المحنه التى تمر بها والله ولى التوفيق حسن عمران ************* www.dastor.net omran55.blogspot.com dastor76.blogspot.com omran55.maktoobblog.com

عاشق ومغرم وولهان

أناعاشقك والعشق حرام وعشقك أتحلل ليا من شيخ جامع وعلوم قرآن عاشقك يا غصن البان يازهرة تنور بستان يأجمل لوحه فنان مش عارف اوصف وأتكلم ولا تنطق أبدا يا لسان عاشقك والقلب منور يا جمله قناديل بتنور وشموع بتشع تنور فى وسط صوانى دوران نورتى طريق ألأنسان يا خضرا والحسن مليكى وألأرض أتزانه بيكى جمالك مخلوق ربانى والكحله على رمش عنيكى مسحور العالم بجمالك أدعيلك من خوفى عليكى خليها فى حفظ الرحمن يا جمالك والصبح مندى مليون فى قنالك بيعدى بصيين عليكى بعيونهم من حسن جمالك الفتان رسم جمالك ربانى والمنظر متكرر تانى مرسومه بدقه آه يانى ما تقلش ريشه فنان أسرانى وأسرى وجدانى من بحرى لصعيد جوانى فى الشرق جمالك مش لاقى والغرب أوصف أيه تانى وبحورك مرجان وياقوت وجبال حراس الموت لو فكر الغازى يفوت يتكفن ويكون فى تابوت وعمره ما يغزيكى تانى أنا أصلى مواطن صعلوك بتسكع وبلف الدنيا أصابتنى حاله توهان وصفولى دواى طلع أنتى أنا عاشق حسنك وجمالك أنا عاشق مغرم ولهان حسن عمران www.dastor.net omran55.blogspot.com dastor76.blogspot.com omran55.maktoobblog.com

كان لى جد كل ما يشوف ترعه ينط فيها وهوما بيعرفش يعوم

كان ليا جد ما بيعرفش يعوم كل ما يلاقى ترعه ينط فيها كان ليا جد ما بيعرفش يعوم كل ما يلاقى ترعة ينط فيها وأحنا ننده على الناس ألحقونا ألحقونا لحد ما ييجى واحد يطلعه لحد ما جه يوم نط جدى فى الترعه وقعد يبقلل يبقلل وأحنا ننده لحد ما غطس ما طلعش ومات جدى كان عايز يعلمنا العوم وهو ما بيعرفش العوم وعايز يفهمنا أنه بيعرف كل حاجه وهو ما بيعرفش حاجه هو جدى كنا بنسكت لكن دى كانت نهايتة لآنه حاول يتمسك ولم يعلم بأننا ممكن أن نتعلم العوم ونصبح أبطال فى السباحة حكاية جدى تشبه الى حد كبير تمسك الريس بالحكم بالرغم المركب انخرمت وبتسرب ميه من كل الجوانب ومع ذلك متمسك بالدفه وأيده بترتعش كل اللى جنبه أول ما يلاقوا الموج على وجه على المركب طوفان الشعب سيقفزوا جميعا ويتركوه يغرق مع المركب ويا ساده يا كرام قصة جدى عبرة لمن يريد أن يعتبر ونصيحه للريس أستقيل أحسن الفه بدأت تهتز والمركب بوشك على الغرق ......................................حسن عمران www.dastor.net omran55.blogspot.com dastor76.blogspot.com omran55.maktoobblog.com

أنا الشعب

أنا الشعب يا مصر قومى صحى النوم شوفى مين بيحكمك حاكم من آل فرعون كل يوم بيهزمك لباسة عظمه وجنون ويقول أنه معلمك شوفى قليل ألأصل الدون نسى أنه بيكلمك أصبر عليا نقوم م النوم وأحنا راح نشكمك أنا الشعب بعرف أعوم وتغرق أنت بركبك النهارده تسجنى يوم بكرة أنا حسلسلك أوعى تظن الحال بيدوم ولا علوم علم الفلك كل ظالم مهما على ليه يوم هذا كلام رب الملك لا عنده غفله ولا نوم داخل القبر بمكفنك عملك عريان من غير هدوم لا سلطه ولا جاه ينفعك وزنوبك كتاب مليان بالكوم فين اللى حيشفعك تبات الليل قلبك حزنان مهموم من خوف الموت يصرعك فى يوم لا ينفع مال ولا بنون اسأل عقلك يرجعك تفوق وترجع حقوق الظلومين يمكن التوبة تنفعك ************ www.dastor.net omran55.blogspot.com dastor76.blogspot.com omran55.maktoobblog.com

لى عينان

لى عينان نعم كل منا له عينان ولكن تختلف الرؤيا والنظر الى الأشياء فعينى اليمنى مثلا ترى ألأبيض وعينى اليسرى ترى ألأسود العين اليمنى لا ترى غير طفل يلهو غير عابىء بالأحداث الدائرة حوله وترى ألأهرام شامخه شاهده على التاريخ وترى نيل يجرى بأمر الله ترى شيخ جليل يجلس فى زاوية يقرأ فى كتاب الله ترى تلاميذ بمرايلهم وكتبهم فى طريقهم الى المدرسة ترى زهور تتفتح رغم ألاشواك ترى بنى يبنى ويعلى بسواعده البناء أما عينى اليسرى حدث ولا حرج ضعفت ولم تعد ترى شىء وبعد جهد وعناء وتركيب عدسات وعمل نظارة فى محاولة منى لترى بصيص من ألأمل ألأبيض إلا أنها أبت ولم ترى غير صورة رجل بلغ من العمر أرزله ولم يعمل شىء لآخرته وحكومة صاحبة خطط مكسرة يصعب أصلاحها لا تقدم ولا تأخر وأموال تنهب وأعراض تنتهك ونفاق داير وتعليم يترنح وصحه فى حالة أغماء وتجارة كلها غش وصناعة معطله وناس سايقه الهبل على الشيطنه وتركين مصالحهم وباءت كل محاولاتى بالفشل لمحاولة علاج عينى لترى ولو بصيص أمل ولكن بلا فائده وأثناء مشاهدتى للأحداث لمحت عينى اليمين شوية ناس فيهم حرارة أجساد وغيرة فوجدت نفسى أندفع نحوهم أحتضنهم وأنا أردد ما تيجوا نعمل حاجه ..............................................حسن عمران ************* www.dastor.net omran55.blogspot.com dastor76.blogspot.com omran55.maktoobblog.com

شيلاه يا أبو حصيرة

شيلاه يا أبو حصيرة مثلما يفكر اليهود ويمكروا فنحن نفكر ونمكر ايضا ولكن الفرق بيننا وبينهم إننا على حق وهم على باطل كما جاء فى كتاب الله وللتوضيح هذا المسمى أبو حصيرة ما هو إلا حجه يهودية لوضع لوضع قدم دائم وأتصال دائم بمصر وللعلم هؤلاء اليهود لا يأتوا على حسابهم ولكنهم يأتوا على حساب منظمات يهودية وبرعاية الموساد الذى يبارك مثل تلك الخطوات لأنها من صميم عمله ومدام ألحصيرة مفروده والحاج قاعد على الدكه وخايف عليها ليخدوها ويضيع الميراث منه فلا بد من شوية تنازلات ووضع قدم مصحوب بشراب وفردة جزمه لليهود فى مصر ثم بالله عليكم حد يعرفنى مين أبو حصيرة ده هل هو من قوم سيدنا موسى ولا من أهل الدعوة ولا مستحماش ومات محصور ياأهل الحكومه لموا الحصيرة قبل ما تبقى سجاده وأتقوا الله فينا ---------------------- شيلاه يا أبو حصيرة ....................................................حسن عمران ************** www.dastor.net omran55.blogspot.com dastor76.blogspot.com omran55.maktoobblog.com

كل ما أقوم م النوم أنام تانى

كل يوم أقوم م النوم أنام تانى أمسك جنابى ألقى جنابى مألمانى كل عظمى مكسر وركبى وجعانى وودنى خلاص أنسدت م السمع يانى كل هموم الزمن أتجمعت ومحصرانى فقر وبطاله وفساد ليه كده يا زمانى ودستور نحاول نعدله يعوجوه تانى رحت لطبيب مداوى يكتبلى دوا تانى قالى دواك مش هنا ولا هنا عنوانى عايز تخف م الوجع وميرجعش الألم تانى سد ودنك م اللى بتسمعه كليبات وأغانى سيبك م اللى يقول يا حمار وهيفا وآه يانى وعيش أسبوع ما تشفش صورة الريس وأنسى كلامه وطلته وأسمع حليم من تانى حتلاقى نفسك شفيت ورجعت شباب من تانى ***************** يامصر يا صابرة على الزمن واللى أتجوزوكى لو كان يعرفو قيمة عظمتك لأنحنوا وأحتراموكى ألأصول يسألوا على ألأصل وبعدين يخيروكى أشرفلك تطلقى ماللى ما قدرك وترجعى بيت أبوكى ***************** يا شايل هموم الناس والزمن مين يشيل همك عايش دنيتك فى حب الناس ولا شىء همك الظهر تتغدى ومن غير عشا تنام ولا يهمك تعيش تدافع عن حياة الناس وتموت مع همك ***************** عجبى على بنت ناس أصيلة باعوها لخسيس من اول بداية الطريق أنكشف و بان الخسيس من بعد عزة نفس وكرامه حب يوطيها الخسيس بكرة يتبدل الزمن تفضل هى أصيله ويموت هو خسيس ***************** يا عم يا اللى صارف فلوسك على الحشيش ليلا تى وتقول أصل كيف المزاج بينده علي اللى زى يا آتى يا عم كيف مراتك والعيال بيناموا فى الهموم ليلا تى لو كان كيف المزاج بيفيد كان خلى ألأعمى ساعاتى ***************** أيه يفيدك يا مغرور لما على الناس تتعالى وكل واحد يدعوك تجيله تقوله لا أنت تعالى النهار ده كله ليك وبكرة الناس عليك تتعالى لو كنت عارف إن الزمن غدار ما ف يوم تتعالى ************** يا مصرى يا شارب الهم والغم وبايت فيه نفسى فى يوم يفرح ويبتسم والخير يجيه كريم بشوش وأبن نكته وقلبه الحزن ماليه سنين عايش مآسى وصابر أتكلم ساكت ليه ************ www.dastor.net omran55.blogspot.com omran55.maktoobblog.com

ليس العيب فى مبارك..............يا سلام

ليس العيب فى مبارك.........يا سلام العيب كل العيب فى الراجل اللى بيوصل نبض الشارع للرئيس لأن مبارك راجل بيحس وبيشعر زى كل أنسان وراجل عنده زوق ودم لأن لو هذ الرجل قاله يا ريس الشعب مريض وتعبان وحاله ما يسرش كان الريس قدم أستقالته ولو أن هذا الراجل قاله يا ريس البلد أتملت بطاله وفساد ورشوة وتسيب كان الريس قدم أستقالته ولو أن الراجل قاله ياريس حالة التعليم ما تسرش والفقر ذاد عن حده كان الريس قدم أستقالته ولو أن الراجل قاله يا ريس أن الشعب فاض بيه وعايز يغير الدستور كان الريس قدم أستقالته لأنه راجل بيحس ويشعر بنبض الشارع وعنده دم لكن الراجل فى الحقيقه بينقل صورة مغايرة للأحداث وبقوله الشعب بيحبك يا ريس الناس كلها أتعشت ونامت والعيشه معدن وكل البلد صحتها كويسه فلذلك أنا بقترح على الريس أن يتخفى وينزل ألى الشارع ويسمع بودنه ويشوف بعينه الناس بتقول عليه أيه بس المهم ما حدش يعرف شخصيته ومن باب ألأحتياط ياخد حرس زياده ويقفوا قريبين منه لأن الناس لو عرفته أنا مش مسؤل على اللى بيحصل عل وعسى يجى الفرج ******************* www.dastor.net omran55.blogspot.com omran55.maktoobblog.com

حتى أنت يا أبو النجوم

حتى أنت يا أبو النجوم 25 سنه مرت من عمرنا ونحن فى الواقع نحسها وكأنها قرن من الزمان إلا إن غصه القلب وسوء فترة الحكم تجبر المرء على أن يحتفظ بأشياء مره فى حلقه ومثبته فى ذاكرتة وذاكرة تاريخ مصر 25 سنه ذهبت والجراح لازالت تتفتح وترفض أن تلتئم جراح ملايين من قلوب المصريين توجعت ومثلهم يندبوا حظهم العاثر وملايين العيون تبكى نصيبهاا وتشكوا لله أمرها وبعد تلك المآسى تأتى الرياح بما تشتهى ألأنفس فقد طالعنا الدكتور /عادل عبد الرحمن صاحب نظرية ألأكواد الرقمية والملقب ب أبو النجوم والتى أشارت له بأنه سيحدث تغيير وزارى لأربعة وزراء فى مصر ولم تمس تلك النظرية حسنى مبارك وولده قد ايه القسوه شديده علينا حتى فى البخت والطالع ألأمر لله ...كذب المنجمون ولو صدقوا ما بين طرفة عين وأنتباهتها يغير الله من حال الى حال *************** يا كاشفه الغيب والبخت فى الفنجان شوفيلى الطالع طريقى كله حفروسدود وحواجز وواقـــف مش طالع قالتلى العرافه قدامك سكه سفر تمشى وتعبر وتطالع أول كيلو متر سقط فى حفرة وقالوا مات ومش طالع *************** www.dastor.net omran55.blogspot.com omran55.maktoobblog.com

لو ظهر هلال رمضان وأحنا فى وقفه عرفه نصوم ولالاء

يا أهل مصر مشايخ قساوسه مثقفين معارضين عمال فلاحين طلبه أطباء مهندسين مصر تتفكك وسنفقد مقومات الدولة وسنصبح فرق وقبائل لو لم نأخذ مبادرة جاده لأيقاف مسلسل الفساد ومهزلة التوريث والنظر الى فجر جديد لمستقبل مصر كلها وهذه دعوة للتنسيق بين احزاب المعارضة والحركاته المصرية الساعية الى المستقبل للقيام بعمل أعتصام الجمعه وشل حركة مصر كلها لمدة ساعتين أو من بعد صلاة الجمعه الى صلاة العصر نعتصم على ارصفة الشوارع العمومية القريبة من منازلنا بدون عنف مع كتابة مطالبنا ليراها العالم كله والتى فيها خلاصنا كلنا وضمان مستقبل أبناءنا والتى تنحصر فى ثلاث بعدها نفكر فى الباقى ************ أنتخاب رئيس من بين عشرة مرشحين قصر مدة الرئيس على مدتين فقط عدم ترشيح أقارب الدرجة ألأولى قبل أنقضاء مدة قانونية على ترك الحكم ********** هذه المطالب لن تجعل فى مصر فساد ولا سرقة ولا عدم تنفيذ خطه ولا راجل يحكم ويصاب بجنون العظمه وسوف تتضح أمور الظالم أولا بأول قبل أن تتفاقم المشاكل وتزيد بعدها يتم أعادة صيغة الدستور المصرى ليتوافق مع هذا العصر ************ أرجوا تحديد الجمعه عن طريق التنسيق بين الحركات المعارضه وأحزاب المعارضة وحركه كفاية ********** مش كفاية أنك تقول للغلط..........بس كفاية مش كفاية أنك تقول للناس........خليك معايا مش كفاية أنك تقول للظالم..........ليك نهاية مش كفاية أنك تقول لكل حر........ردد غنايا مش كفاية أنك تقول للكل لا........ بس كفاية الكفاية أنى أوضع حد ..............لكل نهاية الكفاية أنى أنظم مسيرة........وملايين معايا الكفاية أنى أقوله أرحل.............دى البداية الكفاية أنى أقول للوطن .........عينى ومنايا الكفاية انى أقول كلنا..............حركه كفاية ************* لا تنسوا ثورة الرصيف ***************** www.dastor.net omran55.maktoobblog.com