WorldTimeServer Clock

Cairo

الأربعاء، 9 فبراير 2011

وف نفس الصورة البهتانة...




وف نفس الصورة البهتانة
لنفس الأحلام
العاشق واقف بيعافر
خلف القضبان
والحبل النازل متعلّق
معناه إعدام
ويقوم مفزوع يطلب ميّة
تشاورله البنت بأبريقها
واما يقرّب
بتشرّب كل الناس إلاه
يرجع والريق صخرة يا ولداه
وف عز الصهد اللى ف جسمه
بتشاور ليه
يفرك ف عينيه
يتأكد إنها بصّاله ويمد إيديه
ف يشوفها وبالأحضان واخداه
فى سرير واحد يلمحها معاه
تحمّر العين
يرفع بإيديه نصل السكين
وبغل الداء
يغرسها ما بين الميم والراء
يتلم الخلق على المجنون
يهرب لبعيد
ويهيم على وشه بدون عنوان
يقعد على أى رصيف يلقاه
ينفجر الدمع كما الفيضان
ويقابله الشيخ
مالك؟
مرعوب !
إسمك؟
مرعوب !
بيتك؟
مرعوب !
سبحانه العالم بالمكتوب
والحافظ سر الناس فى قلوب
ويشوف العين
لساه مرعوب !!
الظاهر يابنى غريب ووحيد
يسند فى الجسم بذند الإيد
رايح على فين؟!
على باب الله
ينتفض الجسم عشان يهرب
من موت لحياة
ما تخافش يا واد
قلبك فى ألف طريق يرعاه
يفرشله بساط وينام وياه
وتعدى ايام
والعاشق جوه ف عقله زحام
فى نهاره يتوه
وف ليله يشوف نفس الأحلام
والجسم بيدبل كل نهار
لحد ما شاف الجمع
متجمع وياه ف مدان
والكل يغل حرقة ومرار
ما قدرش يقاوم
فجأة إنهار
إتمشى بعينه على الجدران
والناس بترتل ف الصلوات
نظر بعنية على القبلة
واستسلم للغيبوبة
وما
ت
....................


تم تعديلها لتواكب الحدث








اخر مواضيع hassan omran في المنتدى

__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!

...معلم فحمه....
.فا الى متى تظل الضباع تأكل لحمك .. و عيش الضباع بين الأسود.. محالى  

يا مصر قومى وهللى .. فكى الحروف وأتكلمى


...........
يا مصر قومى وهللى .. فكى الحروف وأتكلمى ..ميت شهيد بيزوقوكى.. ميت شهيد بيلبسوكى ..وميت شهيد بيكلموكى ..مليون ولد من ولادك بيلضموا سبحة أيدين حوالين الميدان .. بيفكرونى بثوار زمان .. صلاح وعرابى والظاهر كمان .. لما ركبوا فوق الحصان .. ووقفو لباشا وباش اغا وطلعوه بره الديوان .. يا مصر قومى أتزلزلى .. يا مصر يالله أتزمزمى وأسمعى صوت الآدان ..... الوحى جاى .. بيزفلك مليون خبر لآبنك همام .. جوه الميدان داير فيه معركة .. بين الشباب والتركمان .. كل ده وفيه فرح و فيه عروسة .. بيزوقوها ويشوروها لعريس جدع .. منتظر هنا ف نفس المكان .. وفيه شباب دايرين يغنو غنوة أمل .. ..يا مصر قومى وشوفى الجنينة طرح فرح .. و الورد شابك فى الميدان .. العبير ريحتة فايحة فى المكان .. المسك عنبر والورود زهر الريحان.. والفل بيلضموه عقد لولى للقمر علشان يبان ..مهما أحكى الحكاوى مش حا تخلص ولا الكلام .. يا مصر قومى أستقبلى بشرة حياة لكل البشر .. فيه مولولد جديد بيتولد هنا ف الميدان .. دعوة حرة يسمع صداها كل البشر .. يتعلموا أزاى شبابك بيمد ايده بالسلام..
معلم فحمه ............

.-.-.-.-.-.-.-.-.-.-.-.

.-.-.-.-.-.-.-.-.-.-.-.
اخر مواضيع hassan omran في المنتدى

__________________
بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!
...معلم فحمه....
.فا الى متى تظل الضباع تأكل لحمك .. و عيش الضباع بين الأسود.. محالى  

الحكومة المصرية والرهان الخاسر ....


الحكومة المصرية والرهان الخاسر ....

1- عدم أستعداد ألحكومة في إحداث جديد في النقاط الرئيسية لمطالب ثورة الغضب ..والتى تم تحديدها برحيل مبارك ونقل سلطاتة الى نائبة ..والمضى قدما فى التعديلات الدستورية ..

2- قيام عمر سليمان بنسف كل الطرق المؤدية الى حل وتلويحة فى أستخدام العنف ضد المتظاهرين وكأنه لا يعلم بأنها ستكون نهايتة وأحداث فوضى نتيجة ...قرار خاطىء ..

3- فشل الحكومة في التواصل مع الشعب وأضاعة الأوراق والفرص المتاحة وهي كثيرة، لكن المشكلة ليست في الفرص بل في إداراتها خاصة أن الحكومة لا تستطيع مخالفة التعليمات الصادرة ..لأن هذه الحكومة تستمد شرعيتها كونها من الحرس القديم وتحاول التنصل من مواقفها وعثراتها، أو التغافل عن استبدادها وفسادها. وفساد رأس الحكم ..

4- الرهان على مبارك أصبح رهان خاسر بعد أن تخلى عنه الجميع والآولى على الحكومة أن تخسر واحد وتكسب ملايين .. وحتى الآن هى فى غفلة ..

5- على الحكومة أن تعلم بأن الطريق ليس سهل ولن تحله التصريحات ولا التهديدات بعد أن أصبح الآمر بيد الشعب .. والمعروف أن جميع الثورات التحررية فى العالم قادتها الشعوب وليس الحكومات .. ودائما ما تنتصر أرادة الشعب ضد تصلف الحكومة .. ولكن تبقى النهاية مفجعة عندما يسحل الشعب أعضاء الحكومة ..وتنتصر ثورة الشعب ..

النصيحة .. أرجو من الحكومة أن لا تركب الصعب ولا تظل تراهن على الحصان الخاسر ويجب أن يعلم السيد / عمر سليمان بأن الحاكم زائل وسوف يتركك لغضب الشعب .. وإذا ظننت بأنك ستحل الآمر بالتهديد فا أنت مخطىء وعليك التريث .. حتى لا تخسر القليل من الحب والثقة التى بينك وبين الشعب .. ولتعلم أنت وكل الحكومة بأنى قدمت النصح لمبارك عشرات المرات وهو لم يستمع و لو أستمع لكان مرفوع على الآعناق الآن .. بدلا من طرده شر طرده حتى لو بقى الى نهاية المدة .. دون آسف عليه ..
الله أما بلغت اللهم فا أشهد ...
.معلم فحمه .....

...............

...............



اخر مواضيع hassan omran في المنتدى


__________________


بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!

...معلم فحمه....
.فا الى متى تظل الضباع تأكل لحمك .. و عيش الضباع بين الأسود.. محالى