وآهى قاعدة ........

وآهى قاعدة

شوفى أختى الفاضله شوف أخى الفاضل

نحن على أبواب شهر من أحب الشهور للعبد والخالق

وهذا الشهر مش للمكسرات والأكل والتبزير دا شهر مليان خير كتير نتكلم فيه بالبلدى مش من أول يوم تقوم من النوم زهقان وتتخانق مع دبان وشك

مش معقول تفضل طول الليل سهران وتيجى الصبح تقولى الصيام .

أختى الفاضلة أوعى تجيبى سيرة الناس ولا لت وعجن وأحمدى الله كل يوم فيه ما فيش الحمد لله

سيبكوا من الفوانيس وحوادث الأتو بيس

وأتواضعوا وبلاش أمارة وما تنسوش تدعوا على اللى غرقوا العبارة

وأنتوا على الفطار أفتكروا اللى أتحرقوا فى القطار

واتذكروا كل لآبن آدم إلا الصيام لله

الصيام سكينه وتسامح وصبر وإلت كلام الصيام نعمه وفرصة للتصالح مع الزعلان

الصيام صدقات وتجارة مع الله لن تبور

الصيام وصل رحم ولمه

الصيام صلاة محسوبه بحسنات مضاعفه

الصيام فرصة فا أغتنموا الفرصة وأختموا القرآن

ولو لمرة واحده

جزاكم الله خير

وفى آخر الكلام لو علم الناس رمضان لتمنوا السنه رمضان رمضان كريم -----------------

عبد فقير الى الله __________________

عن أبي سعيد الخدري رضي الله عنه عن النبي صلى الله عليه وسلم قالأفضل الجهاد كلمة عدل عند سلطان جائررواه أبو داود والترمذي وقال حديث حسن

ماذا لو نمت وصحيت لقيت .....

ماذا لو نمت وصحيت لقيت ضمير الناس فى بلدنا صحى

الريس قدم أستقالته وطلب م الناس انها تسامحه وعليهم أنتخاب رئيس

والوزارة أعلنت عدم كفائتها فى قيادة البلد ورفع المعناة عن الناس

والموظف المرتشى تاب وخلص أوراقك بسرعه

وأمين الشرطه حررلك مخالفه ولما جيت تأبجه زعق وقالك أنت بترشينى أنت ما عندكش ضمير لولا حرام كنت عملتلك محضر رشوة

وواحد سبيته فى الشارع لما أتخبط فيك رد وقالك الله يسامحك

وبلطجى رأيته بيتوضأ وبيستعد للصلاة

وحشاش بيوزع صدقات على باب الحارة

وبنت ليل تابت وأعتكفت وحرمت على نفسها الخروج

وناظر مدرسه منع نهائى الدروس الخصوصية وأعلن معاقبة أى مدرس لا يشرح بضمير وعميد أحدى الكليات رفض وأبى أن أن يستخدم سلطته وأعطاء درجه معيد لآبنه وحرمان طالب آخر أحق

ونمت وصحيت ما لقيتش ناس بتسب الدين والمله وبتقول لبعضها صباح الخير

ولقيت الشوارع مكنوسه ومفيهاش مطبات ومحدش بيرمى الزباله

نمت وصحيت ما لقيتش فيه تعصب ولا شد وجذب بين الناس يا ترى حا يكون شعورك آييه

أرجوا أن تصف أو تصفى شعورك بأمانه تقبلوا تحياتى وأحترامى