محدش فينا سأل نفسه هو ليه بيعمل فينا كده

محدش فينا سأل نفسه هو ليه بيعمل فينا كده لما بيترشح أى واحد لمنصب دايما بيملك أدوات ترشيحه وهذا هو المتبع فى كل أنحاء العالم لاكن ما يحدث عندنا يختلف كتير والنهاردة بداية المصيبه لما يتم ترشيح جمال مبارك لمجرد أنه أبن الريس وكأنها مؤسسه تجارية بيورثها بأعلان وراثة أو بوصية ما هى مؤهلات جمال مبارك ؟ هل خدم فى جهه حكومية أظهرت مواهبه كا نابغة حتى يتم ترشيحة لآن له مشروع أو دراسة تثبت لنا كفائته هل أرتقى فى السلك الوظيفى حتى مدير عام أو حتى غرق طيب من له المصلحة فى ترشيح ابن مبارك للحكم لا يوجد غير أصحاب المصالح والنخبة اللى نهبت البلد بأسم رجال أعمال أو مستثمرين وحماة الكرسى وأصحاب النفوذ الضعيف اللى بيسترزقوا من وظايفهم يعنى مسألة المؤيدين لا ترتقى للترشيح طيب من ضد المعارضة بكافة أنواعها ضد الشعب المطحون لما أشتد عليه الجوع موقفه ضد والأخوان المسلمين ضد ورأيهم أنه غير كفء لهذا المنصب أما المؤسسة العسكرية فهى حتى الآن على حد علمى على حياد وربما رافضه الموضوع بفكرته من الأصل هذا الموضوع كتب الكثير فيه من قبل وكان غير واضح الملامح أما اليوم بعد أن وضحت ملامحه فعلينا أن نتريث فى الرد وننظر الى الموضوع من زاوية أخرى تماما حتى نشاهد الطريق الصحيح الذى يوصل لحل فرجاء من أى حد يحب يشارك يدينا فكره للحل من وجهة نظره لآن مصلحة مصر هى شغلنا الشاغل الآن بعد ما وصلت أليه الحاله فى عهد مبارك وحزبه فكيف ننتقل بنفس المشاكل الى عهد جمال وهو نفس الصورة تحياتى وأحترامى للجميع معلم فحمه .....