WorldTimeServer Clock

Cairo

الجمعة، 9 يناير 2009

تخبط مهما تخبط مين حا يسمعك .....

..تخبط ع البيبان ..تخبط مهما تخبط ..وتنده مهما تنده .. مين حا يسمعك ..
ضعنا فى الزحام ..وراح ومعدش كان ..يا مين يرجعك ..
البشر صارت غيلان ..والوحوش هى اللى بقت..ساكنه ف مضجعك ..
ونعيش أزاى كده ضاع الأمان من قلبنا.. ..راح اللى كان مننا ..
والحياة مبقتش هى نفس الحياه ..والزمان المر دار حولنا ..
والناس بقت الشر وارث طبعها.. ..والقلوب أتبدلت ..من القسوة بقت حجر ..
والحياة ما بقتش هى طعم الحياه مفيش أمان ..الشر بقى عنوان البشر..
والبشر ما بقتش بشرطبع الوحوش هو اللى صار طبعها..
زمان لما تتوه خطوتك ..كان فى ناس من غير ما أخاف أرجع أدارى فى ظلها..
خلاص بقت هى دى نفس البشر.. ..اللى تشوفها فى الطريق ..كل يوم بتاكل بعضها ..
تخبط ع البيبان ..وتخبط مهما تخبط..وتنده مهما تنده ..مين حا يسمعك ..
ما هو ده حال الزمان ده ..وهو حال البشر ..
ولما نوصل آخر الطريق ..ونتلاقى ..الأم تصرخ صرخه ..على البشر ..
طلق الولاده جاى ..أسمع بكا ..يعود لى من تانى الأمل ..
أرجع أقول ..لسه الحياه فيها بشر ..وترجع..
تخبط ع البيبان ..وتخبط مهما تخبط..وننده مهما ننده ..هو مين حا يسمعك
-----------------
كتاباتى