... ( معلــــــــــــم فحمـــــــــــه ) ..

بحبك يا مصر …..
بحب أبتسامتك وشمسك وقمرك .. و عينك ورمشك وحتى الجفون .. و بدعى لربى يحفظلى سلامتك .. سلامتك يا مصر من كل العيون .. بحبك بقلبى ياقلبى بحبك .. تغيبى تروحى مهما بعتى .. أو حتى أما تيجى جنبى وقربى ..
بحبك يا مصر…….
بحب ورودك .. واعشق خدودك .. و اكره دموعك .. وألحن بعودك .. موالك يا مصر
بحبك يا مصر.....
-----------------------------
معلم فحمه ...

جاية تسألنى فى مرة مين تكون .. قمت أضحك م السؤال .. وهى عارفة مين أكون .. بس أعرف القصايد اللى خط بيها مرة قلمى .. لمين تكون .. أزاى بتسأل وهى عارفة كل لوحة رسمتها برمش عينى .. كانت لمين .. ما أنتى فرحى وأنتى جرحى وأنتى دمعى والعيون .. يا اللى كنتى لحن من ألحان الفنون .. يا اللى كنتى همسة ف نغمى الحزين .. جاية ليه تسألينى أنت مين .. انا الذى اتى على جسر المحبة .. شادد لجام.. عطشان محبه وانا الحارن .. يا اللى كنتى شهد الأمل على الشفايف .. الطعم عسل والمر خايف .. انت عارف .. عمرى يوم ما كنت عارف .. إن العسل طعمه مر ع الشفايف .. اصله جاى من مناحل الزهور حواليه تبهج .. والحقيقة هى م الورد الحزين .. هى ليه جاية تسأل النهاردة أنت مين .. انا مين .. انا الليالى اللى غاب فيها القمر والفجر لاح .. انا الندى اللى بيندى كل الصباح .. انا الدموع اللى سالت ع الخدود .. انا القلب اللى حبك حد الجنون ..
معلم فحمه .....

آه يا دموع كما الينبوع منسابه
على الخدود ما بين الحدود
وسط سكون البشر
قصدى اللى كانوا بشر
عايشين فى دنيا الله
ما بين هروب وحروب
تايهين ما بين الآه

آه يا دموع تحكى قصة
وطن وناس طيبين وديابه
دارو دفته وحولوه غابه
فيه ناس بتاكل بعضها
وناس تدارى فى ظلها
وناس عايشين ومش عارفين
وناس فى الدنيا مش سائلين
وناس يدوب كدا عايشه
وناس عامية ومش شايفه
وناس تقتات
وناس عايشه على الفتات
وناس كل يوم فى الهم تبات
وناس عايشه هموم تانية
وناس ماسكه فى الدنيا

آه يا وطن مات فيك الحق
ومعدش واحد فى البلد يقدر يقول لاء
والقلوب بقت ألوان
فيه قلوب طيبه وفيه قلوب غريبه
وقلوب متحابين وقلوب ولاد ستين
وفيه قلوب قاسية وقلوب كدا ماشية
وقلوب حجر وقلوب أزاز تنكسر
وفيه قلوب مش حاسه وقلوب كدا ناسية
و قلوب مهمومه وقلوب بشر مسكونه
وفيه قلوب كدا جاحده وقلوب بالشر مجنونه

آه يا بشر ناسى
الدنيا دوارة بينا دور تطحن وتنده
مين عليه الدور
ومن كتر خوفنا من بكره
بندعى لرب الكون
يختاره من بين البشر
ويكون عليه الدور
ونعيد كمان
آه يا دموع كما الينبوع منسابه
على الخدود ما بين الحدود
وسط سكون البشر
قصدى اللى كانوا بشر
**********
معلم فحمه ......

... ( معلــــــــــــم فحمـــــــــــه ) ..

WorldTimeServer Clock

Cairo

الأحد، 26 يونيو 2011

قليل الاصل لو عاب فيك ....

رسالة الى ... فلول النظام اللى لسه بيتكلموا

يا صاحبى لا تكن كا الأغبياء ....

بحبك يا مصر …..

جاية تسألنى ....

انا مصرى الهوى ....

آه يا دموع