آه يا وطن /
صوتك ينادينى /
بيصرخ فى ودانى /
بيهز كيانى /
بيرن ف قلبى /
من أوله آه /
ساكن فى منامى /
ألأئيه مسجون /
أأوم مفزوع /
من عز النوم/
أطل عليه/
أشوف السجن وحراسه/
أبص بعينى /
أشوف الناس /
مش هى الناس /
ماشيين تايهين /
ساكتين /
من غير أحلام /
أو حتى منام /
أملهم راح ويا الأصلاح /
وكأنه صباح فتاح /
يا عليم /
طالل بشعاع خافت /
من طرف الباب /
وحاكمهم واقف /
سادد ع النور /
والكل بأمره ماشى /
مأمور /
وكأن الكل خايف /
م الدور /
قول مرعوب /
قول مكروب /
وأنا باوهم نفسى وبسألها /
سلامة الشوف /
العسكر واقف بيبحلق /
فيا بعنيه /
وأنا برده باصص /
وعنية بتبص عليه /
وف عز الخوف /
اسمع فى آذان /
صوته مبحوح /
الصوت مغروز كا السونكى /
فى جسم الحوت /
معرفش أزاى أنا طيرت عليه /
أتوضى وأصلى وكأنى طير /
طاير فى سماه بيعدى غيام /
مشتاق للأهل والخلان /
يا أهل البستان /
من تانى بعيد /
أفهم يا حزين /
أفهم يا سعيد /
الصوت بيصرخ فى ودانى /
بيرن فى قلبى /
من قولة آه/
ودا فرق الأمه/
أما بتصحى /
من موت لحياة/
------------
كتاباتى .....
المعلم فحمه
