تعبت أكتب كلام

تعبت أكتب كلام
وآسطر معانى لمين
الودن دى تسمع
والودن دى من طين
من كتر حيرتى ف زمانى
الهم يومى يزيد
وأحنا ف نهار رمضان
لبست لبس العيد
ومشيت أأول للناس
عيد عليكو سعيد
أصل رئيس الوزارة
الهمام أبو زيد
لما شاف فقرنا كتر
قام عمله عيد
وصعب عليا حديثه
لما أتسأل عن أكلو
قال بكل تواضع
بحب لحم البتلو
وخلو الضانى بعيد
بيزيد كلسترولى
والخطر عليا يزيد
ويحب لحم النعام والرومى
وفضل يمدح فى البيكاتا
والروستو
وآه لو معاهم ماشرم
دا يبقى يوم العيد
ولما قالولو الفول
أتراجع شوية لورا
وأتلبشت جتته
ووشه خس النص
وأنهى حديثه وراح
يا أخونا الفقر عشش
ف البلد وفرد جناحه
براح
والموت داير على بيت الفقير
مداح
تعمل آييه يا أبن آدم
وأنت مش قادر
تصرخ ولا تناجى ربك
القادر
ولا تروح
تكنس مقام السيده
على الفاجر
--------------
معلم فحمه ..........

__________________

أنظر بعينى لآخر مدى / أرى مهما ارى / الله بالأسرار عليم / فا الأنا ضلالة نفسنا / وا علم الغيب جهل كبير / أعانق الصمت حتى همى ينجلى / وأستعيذ بالله من الشيطان الرجيم / فا الرزق لا يأتى بقوتا / ولاكن الله بالأرزاق عليم ..................... معلم فحمه ......