فى عيد ميلادك
الكام والتمانين
/ بكل الحب يهديك
شعب مصر
لله يا محسنين /
ونرسلك مركب هدية
شايله زفت وطين /
ونقلك النهارده
ملعون أبو اللى حاكمك
علينا
وجابك تحكمنا سنين
/ وبأسم شعب مصر نناشد
عزرائيل
يظبط نشانه كويس
ويقبض على روحك
يا رب يا معين /
وبهذه المناسبه الوطنية
نسجل فى حسابك
جتت بشر
غرقانين محروقيين
المهم ميتين /
وشباب عاطل ومش لاقيين
وبلطجية سيادتك
فى الشوارع مرطرطين
والناس فى بلدنا صابحه
على فيض الكريم
ومظاليم
ف السجن قاعدين /
ونهديك حرامية قروض
وحكومة وعود
تصاريحها كدابه /
وناس كفرت
من ضيق العيشه
و وعود المسئولين
/ وناس مسرطانين
وناس مسلطانين
وناس متعريين
وناس ولاد ستين فى سبعين
مرتشين
وناس رقاصين
وناس مكبرين مهللين
دول ع السجون رايحين
/ وفساد للركب /
وعيشه زفت وطين /
يا برودك يا اخى
ما تحس يا حزين /
علشان كده
أنا وأخوانى المصريين
شهادة لله /
أنت راجل كويس وأحنا
مش كويسين /
أنت راجل شريف وأحنا
الحراميين/
أنت راجل متين وأحنا
المهكعين /
وعلشان تعرف قد آييه
أحنا بنحبك
كلنا بندعى
ربنا / ينتقم منك
وينصر المظاليم
------------
معلم فحمه .....
..... |
عن أبي سعيد الخدري رضي الله عنه عن النبي قال
أفضل الجهاد كلمة عدل عند سلطان جائر .رواه أبو داود والترمذي وقال حديث حسن
http://badralnhar.maktoobblog.com http://dastor76.blogspot.com/ / http://cinma1.maktoobblog.com/ http://omran55.maktoobblog.com/ http://fahmacafe.maktoobblog.com/ http://omran55.blogspot.com/
