منورين يا أهلنا
من كل شط و بر لكل غيط إخضر من جنوب أسوان حتى شمال الشرم من حد إسكندرية لحكاوى راس البر من بورسعيد و الجميل للسويس .. أنجر عالسمسمية .. تندهونى م الندا أتسر فى كل بلد يامصر لى فيها ندر … الندر دا مندور على مقام .. و شيخ شمع ف مكان مصدور و كل دير لى قصة ف العظة بتدور حنا يقولها .. ف سره ينشره مندور منصورة .. يا مصر الندا من عصور .. و عصور راجع لك بالسما .. طاير و شايل .. ف قلبى كلام طاير بجناح … صقر و رقة قلب … حمام هاجى و احكى لك حكايات عن الغربة وعن الأيام ف ألف ليلة و ليلة … سهر ما تشوف عنينا منام احكى .. شوق الهوى و تباريح .. أشواقه و الصبر .. اللى اتحمله و المر.. اللى كان داقه و كلامه اللى انكتب عالشجر و أوراقه و لا اللى شفته فى غربتى و اللى جرى وحصل كلام يجر كلام وتكتر الحواديت يا محلى ليلك يا مصر تحت شجر التوت والقمر منور السما راسم لوح ع الغيط أطل أنا ع السما ..وأدعى يـا رب أكتبلى زيارة البيت وا أول كمان يا مصـــــــر إسمك كتير اتنده و حفره .. دموع عالخد حب .. و شوق و حنين و فرح .. فاق الحد ما حد يوم كرهك و لا بينك و بينه سد عشيق بيناغش حبيبه و لو حبيه .. ما رد يا للى تقولوا كرهنا .. دا كلام… مكروه شباب .. بنات .. ستات ورجال بالحنين… وصفوه يا أغلى إسم اتندا يا أحلى نغم .. مندوه باهديكى قلب 80 مليون ندا بأسمك .. يا مصـــر إسم الجميع .. حبوه مغنواتى باغنى و اكتب .. بحنية كلام قماين طوب معجون بعسلية و كيزان درة شامى و كفوف محنية حنة ست الصبايا ف المغنى قالوا بهية بهية كان أسمها و بيها البهاء موصوف رموش عيون .. دباحة و القوام ملفوف ان قالوا فيها كلام ما هو الكلام معروف خلص كلام المديح و ما لقينا بعده حروف يا مصــــر يا أم الحسان .. ف الخلق فاقوا كدا المليــــون نفرتيتى .. حتشبسوت كليوباترا .. الدر فيكى مكنون حلوين .. بنات البلد طبيعى مش سليكون و انت ضحكتك ياصبية .. مالية زمام الكون تخبل العاقل مننا و تصحصح المجنون لما سألونى الأحبه بتحب مين اليوم قلت من بعد الحبيب المصطفى ودعاء ذى النون تيجى هى ف قلبى واللى بعده يهون وا أول كمان يا مصـــــــــر __________ معلم فحمه ...... | |
هذا البلوج لكشف الحقائق حتى لا يقول شعب مصر بأنه كان لا يعلم ولم يأتى أحد لأعلامه حقيقه فترة الحكم الحالية والله من وراء القصد.. أقرأ اشعار المعلم فحمه .. على مدونة ( بدر النهار ) http://badralnhar.maktoobblog.com/
WorldTimeServer Clock
Cairo |
الأربعاء، 20 يوليو 2011
منورين يا أهلنا
الاشتراك في:
الرسائل (Atom)