سلامتك يا مصرى
سلامتك يا غالى
يا ساكن المقابر
وسايب العلالى
أرحم عليك
وأرحم عليهم
هما اللى سبقوا
ولاحق عليهم
قدرك يا مصرى
تعيش فى المقابر
ومهما تفر
حا تدفن معاهم
وتفرح وتمرح
وتكتب أغانى
وتضحك وتلعب
مهما تعانى
وتشقى وتتعب
وعندك أمانى
وحظك منيل
فى كل اللى جاى
يجيلك مطأطأ
ويجيلك مطاطى
ويخطب فى ودك
ويوقلك معاطى
ويلبس عمامه
ويقولك مواعظ
بصوته اللى الواطى
لحد أما يجلس
ويحكم فى أهلك
ويسب فى أصلك
ويقولك يا واطى
يا شوية حسالة
حكومة أبوكم
حا تصرف عليكم
شايفين المراسم
للريس مواسم
البدلة اللى هى
والجذمه القيافه
أشتى فى شرمرم
وأصيف مارينا
أورث عيالى
يا ولاد اللآ ذينا
حبيبى يا شعبى
م الريف للمدينه
تموت فى القناطر
تموت فى السفينه
موت مطرح ما عايز
وسيبنى فى حالاتى
دستور اللى جابك
عدلته فى ما رينا
أديتلك حقوقك
فى بند الطوارىء
وبنيت للى جابك
سجون فى المدينة
ولغيت الأداب و سيبنا
الهباب
حشش وبنج
وعليا الحساب
يا شعبى العزيز
أنا رايح باريس
علشان لما أورث
أسوى معاشى
وأرتاح من قرافكم
والبص فى خلائكم
شوية هفايا
عاملينلى معارضة
فالحين فى الخناق
كلامكم كتير
من غير أتفاق
بتحبوا تعارضوا
وتموتوا فى الخناق
آهى دقنى يا شاعبى
لو حصل أتفاق
كفاية عليكم
الأسم معارضة
ومفيش ألتقاء
لو تهزوا دراعى
قابلونى فى بولاق
بس خلاص
----------
معلم فحمه ....
__________________
بحبك
وبعشق المجاريح ... و دايب فى الغرام عشرة ... مجذوب ... و غاوى عشرة التباريح ....
و أجمل ما فيكى الجيرة والعشرة !!!
...معلم
فحمه..
..
...معلم
فحمه....
.فا الى متى تظل الضباع تأكل لحمك .. و عيش
الضباع بين الأسود.. محالى
ليست هناك تعليقات:
إرسال تعليق