WorldTimeServer Clock

Cairo

الثلاثاء، 14 يونيو 2011

ساعات ساعات


ساعات ساعات
وف بعض حلات
بحس بأنى
فارس ناسى
شادد لجام
راكب راسى
ما أصل أنا أوقات
بتصبنى حالات
من ضمن حالات
أصلها حسنات
ليها أمنيات
وحاجات فى حاجات
وسعات أوقات
وأنا مع نفسى
تصبنى حالات
أحط العدس جنب
التين
ما هى أصلها زيى
مخها طاقق
دايما زعلانه
عمرها راقت
مهما أتفائل
تعايرنى بأصلى
اصلك مصرى
زى الميلامين
ونلوم على مين
طول عمر الفاس
نازل ف راس
تفلقة نصين
تذرع بذرة
تطرح بذرة
والأصل يمد
جذورة ف الأرض
يرويه النيل
الغدا بصله
مع حتة خبز
حامدين شاكرين
وتلاقى البسمه مفرودة
مساحه ع الوش
من غير غش
آه يا مرارى
وحرقة نارى
يا ولاد ستين
وأنا ولا همى
راكب راسى
طول عمرى سنين
اصلها حسنات
ليها أمنيات
وحاجات وحاجات
وساعات أوقات
تلاقينى محتاس
مع كل الناس
وشوية قاعد ع القهوة
بشرب ف الشاى
ما أعرفش ازاى
ما هو برده كلام
بيجيب ف كلام
وشوية سلام
وشوية ميدان
وشوية الثورة
تروح عابدين
ما أنا برده حا اصلى
مهما حا صلى
علشان دا طبع
المصريين
حامدين شاكرين
يا ولاد ستين
أنا سامع صوت
وصراخ وأنين
فيه مولود
أندهو جمالات
ومعاها عادلات
والست حكيمة
الولادة
وجيبوا شربات
وجنبه مغات
دى مصر بتولد
ف حكاية
أصل أنا بحلم
وبقالى سنين
ودماغى راكبها
شمال ويمين
فيه أمنيات ومعاها
حاجات
ماهى مصر
أصل ال لحكاية
فيه امنيات
وفيها حاجات
طب يالله يا بكرة
يالله تعالى
----------------
معلم فحمه ....
__________________
بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!
معلم فحمه.-.-.-.-.-.-.-.-.-.-.-.-.

التعديل الأخير تم بواسطة : hassan omran بتاريخ اليوم الساعة 10:52:28:America/Los_Angeles