مصرى سعيد جدا جدا

الحمد لله كل شىء تمام وعال ومفيش جديد الحكومة زورت ألأستفتاء كا العادة ومررت اللى هى عايزاه والريس ربنا يديله الصحة ماشى فى مشروع التوريث بدون مشاكل أنفلونزا الطيور سجلت سبعة وعشرين أصابة وأحتلينا المركز ألأول على العالم كمان كام أصابة ونفوز بالبطولة والفقر زاد وله أسبابه علشان رمضان اللى جاى كل الناس تاكل فى موائد الرحمن سواء كانت بتاعت رقاصة أو واحد خد قرض وهرب وغسل أمواله بالماء والصابون ورش عليه كلونيا يسد بيها أنوف اللى حينكوشوا وراه والحمد لله خلصنا من عشش قلعة الكبش علشان نبيع ألأرض ونستفيد عقبال ما نبيع سور مجرى العيون وفم الخليج وجزر النيل والملك الصالح أهه كلها بتبص على النيل وزادت نسبة ألأمية والتحرش الجنسى وتطورنا وأصبحنا شعب بيتباهى بقلة ألأدب وكله بفضل الحكومة ومجهوداتها فى منع الفضيلة عن الشعب وخطط الحكومة ماشية جنب الحيطه يمكن شوية بتكح وجالها أسهال وكبدها مريض شوية ومحتاجه لغسيل كلى ورجلها بترناها وجسمها مسكه الشلل الرعاش وأنشاء الله الخطة الجاية حينفذوا خطة شعارها لله يا محسنين ونحمد الله البلد ماشية عال مفيش عندنا مشاكل لدرجة أن الشرطة كل ما تشوف مواطن تاخده بالحضن وتبوسه والسجون مليانه لدرجة كل ما يمسكوا حد يودوه حتة بعيده ويسبوه والحريات عندنا ما لهاش مثيل فى أى بلد فى العالم أخرس تقدر تتكلم يا أبن .!!!!!!! وتجد مجموعة كفوف نازلة على قفاك ويا ويلك لو قلت آى حنعيد من تانى وفى نهاية كلامى ارسل سلامى وتحياتى ألى كل المعارضة فى مصر كافة وأحب أقول لكم معلومه ضعوها أما مكم ألشعب المصرى بيتمرجح فى مراجيح مولد النبى وفى نهاية كلامى وتعبيرا عن السعادة اللى أنا فيها أهديكم أغنية على باب بتنا أبلة فضيلة راح تحكيلكوا حكاية جميلة يا ولاد يا ولاد توت توت تعالوا تعالوا مع أطيب تحيات مصرى سعيد جدا جدا ******** حسن عمران www.dastor.net omran55.maktoobblog.com omran55.blogspot.com dastor76.blogspot.com

سينما أونطه هاتوا فلوسنا

سقوط فيلم الدستور فى لجان الأستفتاء وعدم تحقيق ألأيراد الكافى وضع منتجه وبطلة فى حيرة بعد أن وفر كل وسائل التزوير وقام بشراء البطاقات ليكمل ألأيراد حتى لا يرفع الفيلم من دور العرض هذا وقد علق مدير ألأنتاج على ضعف ألأ قبال على شراء التذاكر لقلة عدد دور العرض وعندما أخذنا كاميرا البرنامج ونزلنا الى الشارع لنلتقى بالناس وجدنا أن الناس لم تذهب أصلا لمشاهدة الفيلم لعلمهم مسبقا بضعف السيناريو والحوار بجانب أن البطل يقوم بدور فتى الشاشة ألأول بعد أن بلغ من العمر أرزله ومن ذهب الى دور العرض لم يدخل الفيلم ومن قام بقطع تذكرة قال لا والقاها فى سلة المهملات تعبير عن أستياءه وقد ألتقينا مع أحد النقاد الكبار الذى علق على الفيلم بقولة للأسف الفيلم لا يرتقى الى المستوى الجماهيرى والساده المعنيين بالأمر وأى نتيجه غير الفشل تكون مخالفة للحقيقة وطالها التزوير هذا وقد حاول أصدقاء البطل بكل جهدهم أن ينقذوا الفيلم ولكن ىلا فائده وبناء عليه أقترح على البطل أن يعتزل بعد أن أفل نجمه وهوى هذا أكرم له قبل أن يأتى اليوم الذى يفيض بالمتفرجين ويخرجوا مرددين سينما أونطه هاتوا فلوسنا . وألأفضل أن نرى أبطال جددعلى الساحة وكتاب سيناريو عقلاء وحوار هادىء بين البطل والناس . يا شعب طيب وصابر على المقدر والمقسوم مفيش فى الدنيا قوة تهزك لما يفيض بك وتقوم صاحب حضارة وتاريخ أنكتب فى ألف يوم ما تنحنيش إلا للخالق وقاوم لما القيامة تقوم ************* حسن عمران www.dastor.net omran55.maktoobblog.com omran55.blogspot.com dastor76.blogspot.com

رباعيات جر شكل

يا عم حسنى مبارك أحسن من كدا عايز الشعب قال كلمتة بحق وليك مش عايز أرضى بأمر الله وحكمه ولا أنت مش عايز عمرك ما تزرع حب فىناس قلبها مش عايز ************ يا عم ياللى سهرت تعدل لنا الدستور دستورك فضح نيتك وبين المستور كأنك رايح حفلة لابس ببجامه كستور بدل ما تقيد شمعة طفيت علينا النور ************ عليا الطلاق ياريس وطلاقى ده نافذ مهما تجيبلينا حجج وشبابيك ونوافذ دستورك خلاص سقط وأمره مش نافذ الشعب قال كلمته بحق وسيفه عليك نافذ ************* أخدت بطاقة أقـتراعى و رحت للتصويت أول ما دخلت اللجنه سمعت فيها صويت كأن فى جنازة ميت ومراتة نازلة صويت جوزها كتب لا ومن خوفها نازلة صويت ************* الواد أبن علوكه جارر شكل الناس فى الشارع قاطع سبح الخلق اللى رايح وجاى فى الشارع راجل وقور محترم نصحه بألأدب يتلم م الشارع قاله بدل ما تلمنى شوف دستورك لمه م الشارع *********** يا مغير حال العباد فى دنيتك من حال الى حال ماشى فى دنيا الله ساعى بريد رحال فى رحال وحياة حبيبنا المصطفى الرسول تيسر لنا الحال ليا طلب يا تخلى أبنى لاعب كوره يا تخليه بقال ********* مخبى أيه يا زمن أنت وألأيام صابر على بلوتى وعلى اللى كان أخش برجلى يمين تطلع شمال قدام ناديت على راجل ماشى طلع البعيد مدام *********** يازارع بزرة الحب جوه قلوب الناس الكره صناعة البشر وهو فعل الناس أمشى مع البشر وعيش وسط الناس خلى مشيك عدل وسيبك من كلام الناس *********** حسن عمران www.dastor.net omran55.maktoobblog.com omran55.blogspot.com dastor76.blogspot.com

إن لله وإنا أليه راجعون

________________________________________ البقاء لله وحده توفى الى رحمة الله تعالى أثر حادث أليم نتيجة تهور رجل مسن لا يحسن القيادة ومجموعة من المتخلفين عقليا لا يعلمون قيمة الوطن ولا يعتد بشهادتهم فى الحادث الذين تسببوا بجهلهم فى وفاة رجل وقور عاش بين الناس بأحترامه ونكن له كل الحب والتقدير ألسيد/ دستور المصرى .الذى عاش بيننا حياة كريمة حظى من خلالها بالحب وكان بمثابة ألأب وألأخ للجميع نسأل الله له الرحمه ولأهله الصبر والسلوان نطلب من الله ألا يريكم مكروه فى عزيزلديكم تقبل التعازى على هذا الموقع بأسم أمه مصر والمواطن الملكوم : حسن عمران أو على : www.dastor.net omran55.maktoobblog .com Omran55.blogspot.com Dastor76.blogspot.com

بما أن أبريل شهر الكذب فمن حقى أن أفك عن نفسى

بما أن شهر أبريل هو شهر الكذب فمن حقى أكتب اللى أنا عايزة بدون جمرك وأليكم بعض عناوين الصحف القومية والمعارضة الصادرة فى أبريل 2007 ألأهرام : أسقالة حسنى مبارك وأصرارة عليها يضعنا فى مأزق وحيرة فى هذا الوقت بالذات الوفد : مبارك بعد ألأستقالة يقرر ألأقامة فى سويسرا بعيدا عن الضوضاء مع عائلته وأبنائه ألأسبوع : ليه يا ريس دا أنت كويس وأحنا بنحبك ألأختلاف فى الرأى لا للود قضية المصرى اليوم : آخر قرار أتخذه مبارك قبل ألأستقالة هو أقرار التعديلات الدستورية بناء على رغبةالشعب والمعارضة ألأخبار : يجب أن نتحدث عن أنجازات مبارك حتى لو كان فيه أنهيار فى التعليم والصحه والمعيشه وأنتشار الفساد والفقر روز اليوسف : ألأمنية ألأخيرة لمبارك قبل رحيلة عمل تمثال من العجوة بالحجم الطبيعى ليأكله الشعب وبذلك تنخفض حدة التوتر بينه وبين الناس وآخر ما يتذكروه هو طعم العجوة الجمهورية : حتى لا ننسى مبارك يجب عمل قانون ألأبقاء على مسميات ألأماكن كما هى ليتذكره الناس بالطريقة اللى عايزينها الشعب : أرتفاع أسعار القلل القناوى بعد علم الناس برحيل مبارك ولتسهيل الموضوع على الناس وحتى لا تحدث أزمه فى القلل ممكن أزيار وقصارى زرع أو أى شىء مصنوع من الفخار الحمد لله أرتحت لما قلت اللى فى نفسى ************** حسن عمران www.dastor.net omran55.maktoobblog.com omran55.blogspot.com dastor76.blogspot.com

الفلاح الفصيح

-------------------------------------------------------------------------------- آه يا جسمى يانى ياللى أتمليت أورام كل ما يروح ورم يطلع مكانة أورام الفقر كان شوية دلوقتى بقى سرطان خلا جسمى نحل والهيكل بقايا أنسان وعلومنا كانت معانى راحت فى خبر كان ولادنا معدتش تفهم ألأنس من الحيوان الصحة خلاص معتلة الله عليك يا زمان خلتنى بقيت محتاج للى يسوى و كان رحت أشوف الدوا علشان استأصلة قالولى أطبا القلب دستور ك يا مصرى هو حيعدله لفيت طول البلاد أدق على ألأبواب لا حد قادر يسمع ولا منى يشترى أحتار دليلى معايا يا اللى سامع ندايا ما يالله غنى معايا لمصر وألأنسان وندور زى الزمن نحكى محن الوطن وندق على الدفوف من غير رعب وخوف ونحكى تانى الحكايا ونروى للناس الروايا عن مصر أم الصبايا اللى جار بيها الزمن جوزوها من غير رضاها فرح صوان عزا عريس وارد جهنم ما تيالله قوموا قومه يا ناس اسمعونا من أسوان لسينا مصر دى بلادكم وأنتوا اللى لينا ياللى فهمت كلامى أهدي اليك سلامى أمانة أحكى الحكاية للناس والزمن ********** حسن عمران www.dastor.net omran55.blogspot.com dastor76.blogspot.com omran55.maktoobblog.com

هستريا الضحك المصحوبة بالبكاء

نضحك أولا ثم تنتابنا نوبة بكاء عندما نرى ما يحدث فى تلك البلد التى تقطعت أوصالها مجلس العمى المصرى يوافق على التعديلات الدستورية بدون عمل أى نوع من ألأستبيان بأختيار نوعية من عشوائية من الجماهير ليرى هل يوافقوا على التعديلات الدستورية الجديدة أم لا وبما أن المؤامرة تسير بخطى ثابتة فى ظل غياب صوت الحق فلا بد أن تنتابنا هستريا الضحك على ما يحدث فى مصر ألآن ثم ينقلب الضحك الى نوبة بكاء عندما تفكر فيما يحدث لمصر غدا ومن هذه النقطة أرى ظلام دامس سيغطى مصر بالكامل فلذلك أوجه ندائى الى كل مصرى متخصص فى كتابة التاريخ أو مؤرخ عليهم أن يدونوا تلك الفترة بمنتهى الدقة والأمانة وتسليمها الى يد أمينة لتكون وصية للأحتفاظ بها لأنى متوقع ألأسوء وربما يصل ألمر لطمس تلك الفترة أو تزوير حقيقتها لما لها من زنوب لن يغفرها الله لمن أرتكبوها فى حق مصر والمصريين فا أنتبهوا وأستعدوا للأسوء مادمتم ساكتين ************* حسن عمران www.dastor.net omran55.blogspot.com dastor76.blogspot.com omran55.maktoobblog.com

تحذير وأنذار أخير

هذا تحزير وأنذار اخير لأهل مصر من أسكندرية لأسوان حتى لا تندموا أمامكم حلين عند ألأستفتاء على تعديلات الدستور أكون أو لا أكون أما تقولوا لا وتثبتوا أنفسكم لصالح بلادكم وصالحكم أو تمتنعوا عن التصويت كا خطوة جماعية والمطلوب ألآن من كل فاهم واعى أن يشرح الموضوع لأبناءه أو لأخواتة أو لأعمامه أو لخلانه أو لجيرانه ونبدأ حملة من ألآن وبسرعة أنقذوا مصر أنقذوا مصر قبل ألطوفان هذا لوجه الله والوطن وليس أبغاء شهرة أو منصب أو مال نطلب من الله أن يجعلة فى ميزان حسناتى والله أعلم بالنيات أما دستور معدول رئيس بالأنتخاب ومدتين فقط وأقارب الدرجة ألأولى بعد أنقضاء مدة حكم وأشراف قضائى لنا الله ولمصر الصبر والسلوان كلنا إيد واحدة ضد الظلم وتأكدوا أن الله لا يضيع أجر من أحسن عملا ----------- يا وطنى ودى آخر زيارة شفت بعيون قلبى وشوش الناس متعفره بالحزن ناس سكاره م الأسى من غير كاس تنظرلهم ينظرولك تبص فى عيونهم يندهولك وكأن غرقان فى بحر الخطر عايز أيدين تدمدله تنشله قبل ما يضيع فى متاهات الزمن شفت مدينتى متغبره بالتراب كأنها مدينه سراب مصبوغه بلون الضباب شفت بعيونى صورة صنم متشعلقه على الحيطان فى وسط الميدان مرسومه على كل البيبان مطبوعه كل يوم فى الجرنان وسمعت خفقان صوت المؤذن فى الآذان كأن شبح غطى المكان وبقت مدينتى خراب عايش فيها الغراب أنسرق منها الأيمان سألت أيه سرها سمعت من أهلى وأهلها حكاوى تقشعر الأبدان عن راجل صلى وصام وعرف طريق ألأيمان فى الليل جالوا الظنايا جروه على المعتقل والتهمه أخوان وناس زيه كتير من غير أتهام سألت على صحابى أيام زمان على وحسين وأمام قالوا على الله يرحمه مات مكبوت وحسين مريض بالكبد والفيروس وأمام أعترض بقاله سنه محبوس من كتر ما أتغميت طلبت منهم يصمتوا قلبى من الحسرة جاله هبوط وعرفت أن مدينتى تقطعت بيها السبل من كتر السكوت قررت آخذ قرار من غير فرار من الموت أحمل راية الوطن وأبطل سكوت أنده بصوت عالى الوطن قرب يموت قبل ما تطول الحكاية شيل علم وأمشى معايا أخرج من صمت السكوت على صوتك بالحق قبل الوطن ما يموت أيدك فى أيدى نمسك النبوت نكسر حواجز الخوف ونرفع راية الوطن قبل الوطن ما يموت الوطن لازم يحيى وأحنا فداه ونموت """""""""""" """"""""" "" www.dastor.net omran55.maktoobblog .com Omran55.blogspot.com Dastor76.blogspot.com

لاكرامة لنبى فى وطنه

هذا بالضبط ما ينطبق على ألأمام الشهيد الحى ( حسن البنا ) أهل الشرق لا يستطيعون أن يحتفظوا طويلا بالكنز الذى يقع تحت أيديهم أنه رجل لا لا نظير له فى هذا العصر . لقد مر فى تاريخ مصر مرور الطيف العابر الذى لا يتكرر .كان لابد أن يموت هذا الرجل الذى صنع التاريخ وحول مجرى الطريق شهيدا كما مات (عمر وعلى وعثمان ) كان لابد أن يموت باكرا فقد كان غريبا على طبيعة المجتمع .يبدو كأنه الكلمة التى سبقت وقتها . هكذا تحدث السيد/ روبير جاكسون فى كتابه ( حسن البنا ... الرجل القرآنى )* لقد كانت الشهادة أمنيته كما كان الجهاد حياته*من أقوال ألشهيد ( ‘ن الأمة التى تحسن صناعة الموت وتعرف كيف تموت الموتة الشريفة يهب الله لها الحياة العزيزةفى الدنيا والنعيم الخالد فى ألآخرة وما الوهن الذى أذلنا إلا حب الدنيا وكراهية الموت فا أعدوا أنفسكم لعمل عظيم وأحرصواعلى الموت توهب لكم الحياة وأعلموا أن الموت لابد منه وأنهلا يكون إلا مرة واحدة فإن جعلتموها فى سبيل الله كان ذلك ربح الدنيا وثواب ألآخرة وما يصيبكم إلا ما كتب الله لكم ، وتدبروا جيدا قول الله تعالى : ( ثم أنزل عليكم من بعد الغم أمنة نعاسا يغشى طائفة منكم وطائفة قد أهمتهم أنفسهم يظنون بالله غير الحق ظن الجاهلية ) وقال ( قل لو كنتم فى بيوتكم لبرز الذين كتب عليهم القتل الى مضاجعهم وليبتلى الله ما فى صدوركم وليمحص ما فى قلوبكم والله عليهم بذات الصدور ) آل عمران 154 فا أعملوا للموتة الكريمة تظفروا بالسعادة الكاملة ، رزقنا الله وإياكم كرامة ألأستشهاد فى سبيلة ومن أقوالة الخالدة الى اليوم كلامه الرائع فى مقالة (هبى ريح الجنة ) الذى نشر سنة 1945 وكأنه يكتبة ألآن : ( إذا كان اليهود فى فلسطين قد أعدوا عدتهم من ذخيرةوسلاح، وتجهزوا للعدوان الصارخ .. فإن هناك الملايين من المصريين والعرب ومن المسلمين يتضرعون الى الله فى سجودهم أن يرزقهم الشهادة فى سبيلة وألا يكون موتهم هكذا حتف أنفوهم كما يموت البعير ) رحم الله الشهيد حسن البنا الذى كان أستشهدة فتح للأسلام .............. حسن عمران www.dastor.net omran55.blogspot.com dastor76.blogspot.com omran55.maktoobblog.com

الله يعينك يا مصر

الله يعينك يا مصر على ده زمن و دا عصر قلوب ولادك حجر قلبك من الحسرة أنكسر لما رأيتى اليهودى بيقتل أبنك اللى فى سينا أتأ ســـر أشربى من كاس ألألم وأتجرعى ظلم البشر الولاد اللى بقوا يحكموا ويتحكموا وأنتى تتألمى من الحسرة ظهرك أنكسر الدموع فى عنيكى عاصية أصرخى أتكلمى أندهى بعلو صوتك على ولادك ملايين م البشر أندهى يمكن قلوبهم تحن عليكى ويلبوا نداء القدر ولا أقولك آه أتأ لمى أتوجعى يمكن يجيلك ألم المخاض والطلق تولدى فارس جديد ييجى من بعيد راكب حصانه شادد لجامه يشق طريق الظلام بقنديل يشع فينا نورينور العقول يصحى فيها النخوة قبل ما النخوة تزول ويضيع علينا الشرف شرف الشهادة والوصول ليوم نجاور فيه حبيبنا المصطفى طـه الرسول وأنسى يا مصر اللى بيحكمك راجل حسيس ولا مش حسيس ما يهمكيش ملايين ولادك عارفة معنى ألأصول ما تفكريش فى يوم حد منا يقدر يبيعك بالرخيص ولافى سوق النخاسة حد يلبسك ثوب رخيص طول ما فيكى ألم المخاض حتولدى فارس جديد بطل جاى من بعيد راكب حصانه شادد لجامه قلب نابض بين ضلوعك يمسح دموعك قدرك حيقلعك ثوب الحزن ويلبسك ثوب الفرح برجوعك تعيشى يا مصر ونموت كلنا أنتى يا مصر نبض القلوب أنتى يا مصر أمنا ************ حسن عمران هدية مصر فى عيد ألأم www.dastor.net omran55.blogspot.com dastor76.blogspot.com omran55.maktoobblog.com

ذنبها فى رقبتك يا مبارك

الله يرحمها ماتت قبل ما تحقق اللى فى نفسها نعم الله يرحم مدام حرية فى مصر بعد أن قتلها مبارك ويحاول قتل باقى افراد أهلها وكل ذنب مدام حرية أنها أصرت على تعديل الماده 77،93،88،171 حتى تحقق زاتها إلا إن نظام حكم مبارك كان أقوى منها فخانها وطعنها فى مقتل بلاشفقة أو رحمة وقام بأعتقال مناصريها من رجال وشباب بدا من أصحاب العدالة أنتهاءا برجال الدين فهو لا يرحم وليس له ولاء ولا يؤتمن فهو يمتاز بالغدر وألأنانية وهذا ما جعله يتغلب عليها فا أنت لا تعلم هل هو له مله أم من الدنيا الواسعه معرفتى بمدام حرية معرفة قديمة بدأت من الطفولة وعدم التقيد وألأنطلاق وفى شبابى تعلمت أن مدام حرية تحقق زاتها فى بلاد كثيرة وهى خلاص المحرومين ولسان حال الضعفاء ونصير المظلومين فى كل وقت وحين إلا أنها أصتدمت بجدار صلب فى مصر فاأنهارت وأستسلمت لواقعنا المكبل بالسلاسل والمحاط بالأسوار والمحصن ضد المنظمات الدولية المناصرة لمدام حرية وعلينا ألأعتراف بالواقع لقد أنهزمت مدام حرية فى مصر وعلينا ألأعتراف أننا أنهزمنا نعم كلمة حق لوضع السكون الذى نعيشة والذى وضعنا فى غرفة ألأنعاش إما نحيى أو نموت لنا الله ولمصر الصبر والسلوان ******* حسن عمران www.dastor.net omran55.blogspot.com dastor76.blogspot.com omran55.maktoobblog.com