فى يوم رأيت

فى يوم رأيت عصفور ملك طاير مع أبنه / بيحدفه فى الهوى وياخده تانى فى حضنه / قول مره مرتين ولا يهمه / بيعلمه الطيران / شافوا غراب البين من مخبأه ف خنه / خطفوا من والديه / وحطو اوام سجنه / أنتشر الخبر ع الشجر أتجمعت العصافير / فضلت تنتش فى الغراب ونازله فيه تكسير / برك الغراب على الأرض وماعدتش تانى يطير / أفهم يا أبن بلدى الكلام وأتعلم من العصافير

معلم فحمه ..

أنظر بعينى

॥ أنظر بعينى لآخر مدى / أرى مهما ارى / الله بالأسرار عليم / فا الأنا ضلالة نفسنا / وا علم الغيب جهل كبير / أعانق الصمت حتى همى ينجلى / وأستعيذ بالله من الشيطان الرجيم / فا الرزق لا يأتى بقوتا / ولاكن الله بالأرزاق عليم *

معلم فحمه ...

من حقى أحلم

॥من حقى أتمنى وأحلم / ولو فى الخيال / النفس سواحه / أملك ف يوم الكون / وبأيدى مفتاحه/ أهو حلم بيحلموه العيال/ لو تحلموه / تحسوا بالراحه / ولو مات الفتى فى الصغر / ايه يفيد البكى عليه ونواحه / دنيا فانية يا صاحبى ونفوسنا رواحه / ما أحلى جنه ال...فردوس / متعطره بالمسك والعنبر / والريحه فواحه

معلم فحمه ...

عينى رأت

..عينى رأت أم ماسكه وليدها تحضنه وتضمه / ودموعها على خدها نازله سيول / قربت منها شوية استفسر / عرفت إن جوزها باع كل حاجه وأشترى تذكرة عمره / لملم حاجاته ونفسه وسافر مع حلمه / شهر أتنين يستنوا خبر / جه الخبر / رجع الجدع للوطن لابس كفن وسلموه لآمه / مشيت... ألعن فى اللى يقول إن مصر دى أمه / لو كانت أمه صحيح تحضنه وضمه

معلم فحمه ...

.. رئيسنا المبارك / سلامة البهايم سلامة حمارك

॥ رئيسنا المبارك / سلامة البهايم / سلامة حمارك / تاكل بطارخ / ناكل مرارك / تاكل مهما تشبع / الموت فى أنتظارك / تغير ف دمك / تركب كلاوى/ حيبقى المقدر هو اللى جارك / يا مورث بلادنا / ودارنا هى دارك / همبك علينا ودادى ف حمارك/ بكره يا جهبز تتقل قيمتك .../ وشعبك حا يلعن فى سيرة جنابك / ويشتم فى حكمك وحتى اللى جابك / وجوه المدافن حا يمشى اللى جنبك / وتسمع قواله الميت اللى قبلك / يغور البخور من ريحة جنابك

معلم فحمه ...