انا مين ....

أنا مين
أنا مش أنا
أنا مش عارف
مين أنا
أنا الغضبان
...أنا الحيران
...أنا التايه
فى حلمى سنين
أنا المسجون
أنا المصرى
متقوقع كده فى نفسى
خوف من الفرعون
أنا اللى بحلم يوم
أكون واحد من الفرسان
جاى راكب على المهرة
جاى ومعايا أمل بكره
ماسك سيف
جاى أحرر
كل الكون
لقيت نفسى
أنا المسجون
ووحده وليل
مش عارف أنا مين
ورا القضبان
طل عليا شعاع نور
نظرت بعينى
عيني شافت التنور
طفله
واقفه فى الطابور
عينها رايحه على
الخباز
ومستنية برده الدور
تحلم بكسرة خبز
قبل ما يجي عليها الليل
ويرحل عن سماها النور
وتنداس
بدل ما نشلها فوق الراس
وتنباس
وتكون هى أمل بكره
برده مستنية الدور
وأنا متقوقع ورا القضبان
غضبان
أحس بأوجاع الوطن
خليط الرمل ويا الطين
كأنه جبل
طابق على صدرى
كما الزلزال
يهز جبال يهز تلال
داير جوه حجر صوان
وأنا واقف
كما المجنون
اعمل آيه
قمت أكسر التمثال
أشفى غليلى
حسيت بهم منى أنزاح
من القلب
وجلست أحلم
بصوت الناى
والعصفور
وعشه طله على الوادى
وموال بيتغنى ببلادى
ويدور الحلم
ما بين قمح وسنابل
وبستان مزروع
عنب وزتون
وا افوق من السرحان
وأرجع أطل من
القضبان
أشوف بعيونى
راجل
شبح أنسان
ماشى بينده على
ولاده
وشوية ينده على
بلاده
والطفله قدامى بتكبر
تشق الليل
بلا خوف
تزيح الغيم بأحلامها
وتمطر لينا مطر
أخضر
يروى الأرض
تنبت فينا
أمل بكره
وأنا قاعد ورا
القضبان
مستنى اليوم
25 يناير
----------------
معلم فحمه ........

-------------

--------------

اخر مواضيع hassan omran في المنتدى

0 هل ساعد "ويكيليكس" في إذكاء جذوة ثورة تونس؟
0 لله فى خلقة شؤون ....
0 آخر تسريبات أخبار أمن الدولة ....
0 سبحان رب الخلق العظيم ....
0 أين حقوق المسلمين فى هذه الأحداث ...
0 دروس مستفادة من الجاسوس المصرى ....
0 على موقع الفيفا ( أسرائيل عاصنتها القدس )

__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!

...معلم فحمه....

.فا الى متى تظل الضباع تأكل لحمك .. و عيش الضباع بين الأسود.. محالى