أول سطور الكلام أصلى على النبى العدنان صلى الله عليه وسلم
صباح الخير يا مصر حسب وصول الكلام الصبح أو العصر ….
محتار يا أمه فى هذا الزمان وبندم على اللى كان … سعد ومصطفى وطلعت وناصر كمان … النهارده يا مه الحاله مش تمام …. كل حاجه ف بلدنا أتغيرت حتى النفوس … القمر ما بقاش قمر عايش خسوف …. والشمس أحوالها أتغيرت من كتر خوفها على البشر …. وزمنا بقى زمن رضى والفقر كالنا وكل ما نشتكى … نسمع حكومة بلدنا بتقول شالوم ويرتطموا كتير كلام ما بنفهموش … والتعليم عندنا بيحتضر حلاوة روح …. والزمن ما بقاش زمن رجاله بقى زمن نحنوح …. والكل سايق فى الهبل من غير لجامو.... والبلطجية آخر تمام .... هما اللى بيحكموا البلد ....والمزاج عالى والصنف آخر رضى .... والخير أكله الوبا ..… وأحنا خلاص مش أحنا كل الضماير أدبدلت ... اللى يقع مننا ما فيش حد يأومه تلاقى سرب م البشر دايسين عليه …. بتحكمنا عصابه م البشر بيقوله عليهم حكومه ... أما فى رأى دول شلة م الغجر جوه قلوبهم فيه حجر .... كل الكلام ده عن بلدنا أما الوطن عينى عليه … يا ريت يا أمى ما تسأليش ما فيش وطن دا كان زمان … أسمه وطن .... وطن العروبه والسلام أيام ما كان فيه وطن… النهارده كل العمم ما لهاش مكان والعروبه بقت كلام أنا شيد بتتغنى علشان ننام …. كل اللى معاه سلاح فى ظهر أخوه موجهه واليهود ع الحدود محتلين أرضنا ... حتى المساجد أتهدمت و العار لحقنا كلنا …. ومع كل آده متزعليش فيه أمل العرب عايزين يتجمعوا … بس الدنيا برد ف الخليج ..... مستنين الشمس تطلع وتجيب معاها الدفا … يزرع ما بينهم الشهامه بدون دوا …. وفى الختام ….عايزأقولك سلام أخاف الكلمة تتفهم غلط علشان كده مفيش سلام .
معلم فحمه ....
