أنتخبوا الدكتور / مسمار أبو خشب ......... رمز الخيشة

سلامتك يا مصرى
سلامتك يا غالى
يا ساكن المدافن
وسيبت العلالى
أرحم عليك
وأرحم عليهم
هما اللى سبقوا
ولاحق عليهم
قدرك يا مصرى
تعيش فى المدافن
ومهما تفر
حا تدفن معاهم
وتفرح وتمرح
وتكتب أغانى
وتضحك وتلعب
مهما تعانى
وتشقى وتتعب
وعندك أمانى
وحظك منيل
فى كل اللى جاى
يجيلك مطأطأ
تشوفه تطاطى
ويخطب فى ودك
ويئولك معاطى
ويلبس عمامه
ويحكيلك مواعظ
ويوطى ف صوته
لحد أما يجلس
ويحكم فى أهلك
ويسب فى أصلك
ويئولك يا واطى
يا شوية حسالة
حكومة أبوكم
حا تصرف عليكم
شايفين المراسم
للريس مواسم
البدلة القيافة
والجذمة البغاشة
أشتى فى شرمرم
وأصيف مارينا
أورث عيالى
يا ولاد اللا زينا
حبيبى يا شعبى
م الريف للمدينه
تموت ف القناطر
تموت ف السفينه
موت مطرح ما عايز
وسيبنى ف حالاتى
دستور اللى جابك
عدلته فى ما رينا
أديتلك حقوقك
فى بند الطوارىء
وبنيت للى جابك
سجون فى المدينة
ولغيت الأداب
وسيبنا الهباب
حشيش ويا بانجوا
أشرب وسلطن
وعليا الحساب
يا شعبى العزيز
أنا رايح باريز
علشان لما أورث
أسوى معاشى
وأرتاح من أرافكم
والبص فى خلائكم
شوية حسالة
عاملين آل معارضة
فالحين فى الخناق
ورياق النفاق
كلامهم كتير
من غير أتفاق
بيحبوا يعارضوا
ويموتوا ف الخناق
آهى دقنى يا شعبى
لو حصل أتفاق
كفاية عليهم
الأسم معارضة
ومفيش أتفاق
لو حد حا ينجح
فى حارة أو زقاق
حا أفكك حزابهم
وأبيعهم كا خردة
فى وكالة بولاق
بس خلاص
----------
معلم فحمه .......( صوتك أمانه فلا تخون الأمانة )

__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!

...معلم فحمه