WorldTimeServer Clock

Cairo

الأربعاء، 13 أبريل 2011

من حقى .. أعرف



من حقى .. أعرف
و من امتى كان لى حق
أأقول اللى أأقوله
جوه السجون ما أتزق
و لو ميت شاكوش
...على راسى نزلوا دق
هافضل أحبك .. يابلدى
و حبك ف القلوب .. شق
أزاى تسيبوا اللى ما رحم
يتيم ولا اللى قال الحق
وطلق كلابه تفتش كل
خرم و شق
ودلدل ريالتو علينا
ولمنا ف الشق
وشفنا جماله بيفرد
قلوعة فرد
وخرم سفينة بلدنا
وبدل فيها الحق
وبكى شعب بحالة
وهدم أطلالة حق
ولما شاف جروحه
داس ولا قلبه رق
شوية عليه طوره
أبو زعبل ما قالش لاء
مفيش سماحة وراحة
للى شق مصر شق
و ظلم و نهب و رجم
كل قولة حق
يا بركة دعا المظاليم
ولكل يتيم حق
شوفو الصنم بالأمس
كان هرم
ونازل ضحك وهأ
ويشعلل نار الفتنة
بين شعب طيب
ولا عمر قلبه رق
دارت الأيام ودار عليك
الشق
جوه طره يتلم عليك البق
لا ينفع معاه رش
ولا ينفع معاه الزق
ويلك يا أبن آدم
لما المولى يأمر
بشق الحق
لا ينفع معاه جبروتك
ولا كلاب الخلق
خليك ف طورك عبره
للى يصادر حق
وأسمع نصيحتى ياابن آدم
رب العباد عمره ما حاد عن حق
ودعوة المظلوم
صداها يهز سابع سما
والقمر ليها أنشق
رب العباد يمهل
ولا يهمل يوم عن
حق
---------------
معلم فحمه ........
.-.-.-.-.-.

.-.-.-.-.-.-.-.-.
اخر مواضيع hassan omran في المنتدى

__________________
بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!
...معلم فحمه....
.فا الى متى تظل الضباع تأكل لحمك .. و عيش الضباع بين الأسود.. محالى  

عودة للثورة الجميلة بدون المنغصات....


عودة للثورة الجميلة بدون المنغصات التى حدثت .. بينا نفكر كلنا كيف ننتخب رئيس ...

أيدك فى أيدى سبحه للأمل تلضم , و القلوب مع بعضها تقرب و تنضم , بالأرادة النهاردة تعالى نزيح الهم , و بكره تلاقى الحقيقة كلها حلم , تشوف جوه النهار مكسى حيطانه نور , و كل شىء بالأرادة أتحقق , ولا عمرك يوم , كنت بيه تحلم , شوفى يا أمى ولادك بالعزيمة وقعوا الصنم , و شمسهم بدر يندى على صباحك نور , يفرد بحوره جناين تطرح كل موجه زهور , و فجرك حا يعلى بشبابك , و الأدان بنور , يضرب بروجى الحياة ينده يا مصرى ثور , أصحوا يا أهل الوطن الكل ييجى ثبات , أصل نداكى يا مصر يسمعوا ملايين , يطلق نداه فى المحلة يرد صداه ف الطور , و نقول كمان , أيدك فى أيدى سبحه للأمل تلضم , و القلوب مع بعضها تقرب وتنضم , كل حته فيكى يا مصر , فيها خال و عم , متقلش مسيحى و مسلم ,المصرى سبحة فى حب مصر ملضومة بالدم ..

معلم فحمه ........

.-.-.-.-.-.-.-.-.-.-.

.-.-.-.-.-.-.-.-.-.-.-.-.-.-.-.
اخر مواضيع hassan omran في المنتدى

__________________
بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!
...معلم فحمه....
.فا الى متى تظل الضباع تأكل لحمك .. و عيش الضباع بين الأسود.. محالى