أيها الشعب المصرى العظيم

أيها الشعب المصرى العظيم أيها الصابرعلى مدار السنين من عصر الفراعنه الى عصر البنزين

وطبعا عايزين تعرفوا مناسبه الخطاب

هذا الخطاب بمناسبه فقع مرارتى فى ألمانيا وردا على الحركة الوطنية من أجل التغيير أبقوا قابلونى لو غيرتوا فيا حاجه مش بس كده دا أنا أتعاقدت على شعب غيركم كل ما اقول حاجه يهز راسه ويسكت ...

وبهذه المناسبه الوطنية قررنا الآتى :

1-بناء سجن حديث لحبس الحريات 2-ومستشفى لكتم الصوت والنفس3-ومدرسه لتعليم ودراسه الجهل 4-ومصنع لتصنيع وعود كذابه5-وترزى لتفصيل القرارات 6-وأذاعه للأحاديث الفارغه7-وخلاطه لفرم المعارضه 8-ووزارة لادارة الفشل 9-ونقابه لهز الوسط 10-وجمعيه أقبضها الأول11-وحزب للتصفيق والرياء 12-ونواب على كيفى 13- وونش لرفع الأقتصاد 14- ودكاتره لتوليد الكهربا 15- وحرامية قروض بالنص 16- وبلطجية لقتل طموح الشباب

]وكل حاجه فى البلد بقت فل وآخر بحث علمى شرب الميه من الثلاجه فيه خطوره على حياتكم أشربوا من القله / ومتفكروش فى حاجه أسمها ديمقراطية أحنا خلناها وراثه وكل واحد يجيب كراسه نديله فيها كام تصريح / ومفيش حاجه أسمها خطه خليها بالبركه وخلى البساط أحمدى مره عندك مرتين عندى أبنك يتعين ما يتعينش ما تتكلمش / ونخلى كله فى السليم ماله الفول صحى ومضمون شوف أنفلونزا الطيور وجنون البقر والسمك اللى بيموت / ومحدش يشتكى من الزحمه ومتكلمنيش عن السكن نام فى أى حته وخليك فرى حصيره الصيف واسعه وفى الشتا ولع نار وأدفى / وأرقص وغنى بس أوعى تربى دقنك أو تصلى / وأمشوا على الموضه حبه قصير حبه محزق بطن معرى أحمر كحله كام ضحكه مش مهم / أتجوزوا فى أوضه عرفى شرعى أهو كله جواز / وأطلقوا الشباب ديسكو مسكو سجاير بانجو أنا مش معقد / وفى آخر خطابى هذا أعلن لكم لأول مره فى العالم سوف نحتفل فى بلادنا بالعيد القومى للحمار ليه لأنه دون الحيونات كلها لا بيشكى ولا بيحكى ولا بيتألم من الضرب ولا يوجد مثيل له فى تحمل الأسيه فلذلك قررنا نحن الآمر الناهى بعمل يوم قومى للحمار....ودمتم

معلم فحمه ...