دعاء شعب مصر على الحكومة ( من كتابات المعلم فحمه )

دعاء شعب مصر على الحكومة ( من كتابات المعلم فحمه )

هذا الدعاء على اللى غلوا البنزين ورخصوا الحريم وخلونا محتاجين وخربوا التعليم والصحة والصناعة والتجارة وخلوا بلادنا ملاهى ودعارة وهدموا الدين وأحنا محرابه وضيعوا الكرامه ورخصونا ولما نقول الحق يسجنونا الله أما تقبل دعاءنا دعاء المظلومين

اللهم اكسر ارجل كراسيهم/واقلبهم على جنبيهم/ويقعوا واحنا نشيل فيهم/ ويسييبوا مناصبهم/ وكل الامراض تصيبهم/ ويناموا فى مستشفى ويا كبيرهم/ يا امبابه يا الدمرداش يا باب الشعرية/ ويدوهم دوا فاسد زى لبن الاطفال/ ياخدوه يجيلهم اسهال/ ويروحوا للبتاع يلقوه مقفول/ ولما يفتحوه ما يلقوش فيه ميه/ ولا يطهروش ويطلعوا بره/الهم اجعلهم يزروتوا الممشى/ وكل الدكاترة والممرضات تقرف وتمشى/ ومحدش يخدمهم ويناموا بريحيتهم/ ويتعروا بالليل والبرد يزكمهم/ اللهم احرمهم من اللحمه /علشان يحسوا الفقر/ ولما ياكلوها يجلهم جنون البقر/ وميعرفوش السبت من التلات/ ويسخنوا وندخلهم الحميات/ اللهم احرمهم من لحم البط والنعام/واذا كلوه تجيلهم انفلوانزا الطيور/ ونعزلهم فى جبل الطور/اللهم اكسينا وعريهم/ وركبنا ومشيهم/ واشفينا وعييهم/ وعلينا ووطيهم/ اللهم ورينا يوم فيهم/ اللهم بطهم ووزهم ولا تنعم عليهم/ اللهم ما فرج عليهم الناس فرجة الحاوى/ولم عليهم الناس لمة الحرامى/ اللهم اوجد لأولادنا عمل واجعلهم عاطليين/ واوجد لنا سكن واجعلهم مشرديين/ اللهم ما امنع عنهم اللحم الضانى واطعمهم بصارة/ولحم الغزال واذقهم مرارة العدس/ وامنع عنهم البط والنعام واطعمهم فول ومش/واخلع عنهم الحرير والبسهم الكستور المدعم/واحرمهم من الشبح والبودرة والحوت وركبهم اتوبيس شبرا او ميكروباس الدويقه/ هذا دعاء شعب خير بلده نهبوه نواب القروض واصدقاء اليهود .......

دعاء شعب مصر على الحكومة وأدعية سياسية أخرى ( من كتابات المعلم فحمه ) و رجاء عدم نسبه لغير صاحبه على المنتدايات
تحياتى
معلم فحمه ......

__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!

...معلم فحمه

الدعاء المستجاب للملوك والرؤساء .. لدرء البلاء
.. اللهم ثبتنا على كراسينا، وبارك لنا فيها،واجعلها الوارث منا، واجعل ثأرنا على شعبنا، وانصرنا على من عارضنا، ولا تجعل مصيبتنا في حُكمنا!،ولا تجعل راحة الشعب أكبر همنا ولا مبلغ عِلمنا،
ولا الانقلاب العسكري مصيرنا، واجعل القصر الرئاسي هو دارنا ومستقرنا،اللهم إنا نسألك فترة ممتدة، وهجمة مُرتدة، والصبر على المعارضة،والنصر على الشعب، ونسألك الحُسن لكن لا نسألك الخاتمة أبداً،! اللهم ارزقنا معونة لا نسرق بعدها أبدا،اللهم لا تفتح أبواب خزائننا لغيرنا،اللهم أعطنا كلمة السر لحسابات الحكام السابقين لنا في بنوك سويسرا،اللهم وفق أمريكا لما فيه خيرنا،اللهم اغفر لـ ( أوباما حسين أوباما ) فإنه لا يعلم أننا نعلم بكل شىء ونستعبط ، ! اللهم وفقه لما فيه 99% من أصوات الناخبين بالتزوير المريح،اللهم نجهِ من أي إعصار أو كارثة طبيعية لأننا سنلوص مع شعوبنا من غيره،اللهم عليك بشعبي، أما أعدائي فأنا سأتفاوض معهم.اللهم ارزقنا حب أمريكا، وحب من يُحب أمريكا، (( اسرائيل يعنى ))وحب ما يُقربنا إلى حب أمريكا،اللهم أمركني ولا تأفغني، اللهم برطني ولا تصوملني،اللهم فرنسني ولا تسودني،اللهم هندنى ولا تفلسنى اللهم ألمني ولا تؤلبني،اللهم أني أبرأ إليك من الاستعانة في حكم شعبي بأحد، ولا حتى بصديق، ولا برأي الجمهور اللهم أني أعوذ،بك من كرسي يُخلع،ومن شعب لا يُقمع، ومن صحيفة لا تُمنع، ومن خطاب لا يُسمع، ومن مواطن لا يُخدع، وأعوذ بك من أن أجلس على الكرسي ثم أقوم أو أ ُقام عنه، اللهم ثبتني على الكرسي تثبيتا،و شتت المعارضة تشتيتا،ولا تبق منهم شيطاناً ولا عفريتا.
آآآآآآآآآآآآمين

تحياتى
معلم فحمه ....

0
0

__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!

...معلم فحمه

بدون كلام الصورة خير عنوان ....

بدون كلام الصورة خير عنوان ...

على تواصل ....
معلم فحمه ......

__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!

...معلم فحمه

ميثاق جماعة القلة المندسة ... ( المعارضين للظلم )

ميثاق جماعة القلة المندسة ... ( المعارضين للظلم )

بما أننا معارضين من جنسيات عربية مختلفة ودائما ما نتهم بأننا بندعى ونفترى على الحكومات العربية المظلومة والتى بدورها تقوم بالقبض على هذه القلة المعارضة لهم وتضعهم فى السجن وتصدر بيان تلو البيان لآظهار الحقيقة . ناهيك عن سحب الجنسية ووضع افراد من القلة المندسة فى السجن بدون مجاكمة ....
وعند بزوغ فجر جديد تظهر الحقيقة وتترحم الناس على القلة المندسة و التى حاولت بكل جهدها أن تظهر الحقائق للناس لتنير بصائرهم على ما يحدث فى عهد الحكام الزائلين .....

لذلك قررت القلة المندسة أصدار بيان لتبيان الحقيقة للناس ...

نعترف نحن جماعة القلة المندسة تضامنا مع الجماعة المحظورة أننا سبب كل البلاوى فى البلاد العربية .... من بطالة وانهيار القيم وبيع الشركات وتوزيع الاراضى على المحاسيب وظهور الاقطاع وسيطرة رأس المال على الحكم والغلاء والضرائب الباهظة . وغلاء الطماطم
ونحن المسئولين عن ألتسيب الدينى ونشر الرزيلة ومنع تغيير الدستور وتشجيع الرؤساء على عدم التخلى عن السلطة وتوريث الحكم وكل الحوادث التى تملأ الصحف والفضائيات وسبب اعتصام واضراب الشحاتين والطلبة واحنا سبب التلوث واحنا اللى شحتنا الغاز لاسرائيل واحنا اللى سببنا العنوسة فى أنحاء الأمه العربية بالمغالاه فى المهور والعادات القبلية ..واحنا اللى زورنا الانتخابات والاستفتاءات عشان ماتروحش لحد غريب ....واحنا اللى انتهكنا الحريات ومارسنا التعذيب وأحنا اللى أستقلينا بغزة وأختلفنا مع السلطة .وأحنا اللى أشترينا سلاح ووضعناه فى مخازن قطر علشان نديه لآسرائيل وقت الحرب وأحنا اللى قسمنا العراق وسلمناها للأمريكان واحنا سبب الأنقسام الدينى ( شيعه وسنه ) واحنا اللى طبقنا الطوارىء على الشعب وتركنا بتوع المخدرات واللصوص ...واحنا اللى شردنا كبار السن وسلمناهم لدار المسنين وتركنا الأطفال للشارع واحنا السبب فى اغلاق المساجد وتأميمها ومنع الدعاة من الدعوة .. وأحنا اللى منعنا جمعاة تحفيظ القرآن فى السعودية وأحنا سبب تقسيم السودان ( مشكلة الجنوب ) وزرع الفتنة بين المغرب والجزائر ( فتنة البوليساريو )وأحنا اللى صرفنا كل ميزانيتنا على شراء السلاح لآنقاذ مصانع أمريكا من الفلس (ميزانية الأنفاق العربى على التسليح ) وأحنا اللى أدينا أمتيازات الدخول والأأقامة لآخونا الأمريكان وحرمنا منها العرب وأحنا اللى بندعم أخونا الحوثى فى اليمن علشان يزعزع كيانه وأحنا سبب نكبة فلسطين وبيعنا أرضه لليهود وأحنا اللى طلبنا من صدام يضرب الكويت ويحتله ويخرب البيت العربى كله . وأحنا اللى ورثنا الحكم فى سوريا وحا نورثه فى مصر وأحنا اللى قتلنا الحريرى وأحنا العملا اللى بترشد أسرائيل على أبطال فلسطين وأحنا اللى بنتساهل مع كل من يتعدى على الأسلام ولا نمنعه من دخول بلادنا وعلى رأسهم السيخ والهندو والبوذا وعبدت هارى كريشنا وهارى رام ... وأحنا من أسباب الفقر فى الوطن العربى لاء دا أحنا اللى جايبينه .... ومش كدا وبس دا أحنا من أسباب أرتفاع نسبة الحوادث والوفيات فى الوطن العربى وتفجيران العراق اللى بتحصد ألاف الأبرياء .... ونعلن مئوليتنا الكاملة عن كل الخلافات العربية والسب على المنتدايات ....

هذا البيان صادر من القيادة العامة للقلة المندسة ( المعارضين للظلم )

وأى عربى يرغب فى الأنضمام الى تلك الجماعة يسجل كلمة


تحياتى للجميع
معلم فحمه .......

__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!

...معلم فحمه