هذا البلوج لكشف الحقائق حتى لا يقول شعب مصر بأنه كان لا يعلم ولم يأتى أحد لأعلامه حقيقه فترة الحكم الحالية والله من وراء القصد.. أقرأ اشعار المعلم فحمه .. على مدونة ( بدر النهار ) http://badralnhar.maktoobblog.com/
WorldTimeServer Clock
Cairo |
الثلاثاء، 28 نوفمبر 2006
أحلام وأمانى حسن عمران
أمانى وأحلام عمران
أمنيتى: أهمس فى أذن كل مصرى وأقوله لو تم تحديد مدة حكم الرئيس مدتين
وأختارنا رئيس لمصر بأرادتنا عارف يا مصرى حنوفر كام لكل 20 أسرة كل عام
مليون جنيه لأننا ببساطه شديده وحسبه بسيطه سنوقف نزيف المليارات اللى
بتتهرب بره البلد للخارج وفلوس التسيب والمحسوبية الموجوده فى الداخل مش
بس كده حتقل فى مصر المظالم وكل وزير حيشتغل لأنه حيخاف من أنتخاب رئيس
جديد ييجى يحاسبه ويحط فى أديه الحديد حيخاف على نفسه مش على الكرسى
"""""""""""""""""""""""""
أمنيتى: أشوف ألأزهر يبقى أزهر وينتخبوله شيخ مش منظر يخاف الله فى دينه
ولا يتبع حكومه وينشىء قناه تشرح للناس علومه ويعمل جامعه مفتوحه بكل اللغات
ويكون له قناة فضائية ( ألأزهر منارة ألأسلام ) تخرج البشرية من الضلال للنور
وتعيد شرح الرسالة للناس بفكر جديد يفهمه كل بعيد
"""""""""""""""""""""""""
أمنيتى: أشوف عندنا تعليم سليم مش مكسور ولا مجرور بالدروس الخصوصية ومدرس
أرزوقى مرفوع من الخدمه
""""""""""""""""""""""
أمنيتى: زجاجة دواء لكل مواطن وأسعاف عندها أنسانية فيها غرفة عمليات وغرفة أنعاش
"""""""""""""""""""""
أمنيتى:رغيف عيش يملا أفواه جعانه عايزه أى لقمه
"""""""""""""""""""""""
أمنيتى: يكون لك وظيفه فى بلادك يا مصرى
""""""""""""""""""""""
أمنيتى: يروح منى كليب الصداع النصفى
"""""""""""""""""""""""""
أمنيتى: ما يكونش فى قاموسنا حاجه أسمها زواج عرفى
"""""""""""""""""""""
أمنيتى: فستان أبيض يرفع راسى فى فرح بنتى
"""""""""""""""""""""""""
أمنيتى: تموت فى بلادنا كلمة بلطجى و سوابق
"""""""""""""""""""""""""
أمنيتى: نربى جيل مختلف ونعد أمهات محصنه ضد العفن
""""""""""""""""""""""""""""
أمنيتى: أشوف شبابنا بيبنى بلادنا مش مدمن بيهدم نفسه
"""""""""""""""""""""""""""
أمنيتى ليكى يا مصر أنك تعودى أمه تتباهى بين ألأمم
"""""""""""""""""""""""""""""
عارفه أزاى يا مصر بحبك
..................
زى كل أب بيحاجى على أبنه
زى كل أم بتخاف على وليدها
زى كل أخ بيدافع عن أخته
زى كل راجل بيحمى زوجته
زى كل جندى بيدافع عن حدوده
زى كل حارس على الحدود سهران
عارفه لما بعود وأشوفك بجرى أجرى عليكى أرتمى فى أحضانك
وأنده أنده بأعلى صوتى يا حبيبتى يا مصر
"""""""""""""""""""""""""""
www.dastor.net
omran55maktoobblog.com.
الاشتراك في:
تعليقات الرسالة (Atom)
ليست هناك تعليقات:
إرسال تعليق