هذا البلوج لكشف الحقائق حتى لا يقول شعب مصر بأنه كان لا يعلم ولم يأتى أحد لأعلامه حقيقه فترة الحكم الحالية والله من وراء القصد.. أقرأ اشعار المعلم فحمه .. على مدونة ( بدر النهار ) http://badralnhar.maktoobblog.com/
WorldTimeServer Clock
Cairo |
الثلاثاء، 28 نوفمبر 2006
خواطر مصرية
أنا حر وعمرى متبع رئيس وحكومه ولا هلفوت
أنا طول عمرى فى قول الحق سيف أعدى وأفوت
لوخيرونى بالحق بينك يا مصر وبين الدر والياقوت
لأختارت أهلى وناسى وانتى يا مصرفى حضنك أموت
صباح الخير يا ريس صباح الياسميين
كل الناس شمال يا ريس إلا انت يميين
وحياة مقام السيده ومقام سيدنا الحسين
لو مشيت يا ريس لأندر زكا وولع دستين
"""""""""""""
عصفور طاير بين غصون الشجر بيغرد
مالوش فى دنيا الظلم وحال العباد بيغرد
لمحوا صياد أضبش نشن عليه وهو بيغرد
حكم عليه الظالم بالموت لا تركه حر ولا بيغرد
"""""""""""""
كــــان فيه حاكم فى البلد يحكم بأمره متعافى وظالم
جامع حواليه حاشيه كبيره ماشيه تحرسه وللعباد ظالم
من كتـــر شكاوى الناس فى البلد اتملا ديوان الظالم
وفى يوم ربك أخذه أخذ عزيز مقتدر وآدى نهايه الظالم
""""""""""""""""""""
يازارعيين الأرض احرثوها بمعزه
وبين خطوط الحد ازرعوا البزره
ارويها بالأخلاق والأدب والعزه
تطرح نبات طيب الأصل من البذر
""""""""""""
مداح داير على الأبواب يمدح رسول الله
وينبه الناس بمحظور اصحوا يا خلق الله
اكسر جناح الخوف وخليها على الله
الساكت عن الحق شيطان هذا كلام الله
"""""""""""""""""
انت اللى جايبه لنفسك يا مصرى ومحدش جابهولك
تشكى لمين همك وللخلق تحكى لما مش حتلاقى فولك
بكرة النيل من سكوتك حيجف وابنك مين يحمولك
ويتراكم عليك العفن والمرض يا فرحتى بطولك
"""""""""""
يا مصرى أوعى تتطاطى مره لريس ولا حكومه
لو طاطيت مره فى عمرك مش حتقوم لك قومه
طاطى لله الخالق وهذا فرض الصلاه فى علومه
وأرفع راسك لفوق فى العالى أنت من سلاله كريمه
""""""""""""""""""
صباح الخير يا ريس صباح الياسميين
كل الناس شمال يا ريس إلا انت يميين
وحياة مقام السيده ومقام سيدنا الحسين
لو مشيت يا ريس لأندر زكا وولع دستيي
"""""""""""""
يا عم الريس أيه تملك فى مصر علشان تورثها
عود للخالق دى مصر أرض الله وهو حارسها
أياك والغرور ياما غيرك حكم وراح وتاركها
خذها نصيحه مالكش غير مقبرة فى مصر تورثها
"""""""""
يا كاشفه الغيب والبخت فى الفنجان شوفيلى الطالع
طريقى كله حفروسدود وحواجز وواقـــف مش طالع
قالتلى العرافه قدامك سكه سفر تمشى وتعبر وتطالع
أول كيلو متر سقط فى حفرة وقالوا مات ومش طالع
""""""""""""""""
ياست ياللى بتعملى عمل والعمل مش نافع
عايزه ولد من غير طبيب ولا دوا مش نافع
صارفه فلوسك على خرافه الدجال مش نافع
لوالعمل ينفع الدجال ما تشل وبقى مش نافع
"""""""""""
الى كل القراء ألأعزاء
كل خاطره من هذه الخواطر لها مجموعه موجوده
على موقعنا أو على البلوج ويسمح بنقلها
وتداولها على فعل الخير
""""""""""""
www.dastor.net
الاشتراك في:
تعليقات الرسالة (Atom)
ليست هناك تعليقات:
إرسال تعليق