فضلت أدقق فى ملامحى سنين وأيام
وأبص و أعيد البص
فى مرايتى وأطل
...ألاقى ملامح تشبهنى لاكن
هيكل انسان
واعيد الشوف من كتر الخوف
اخرج للشارع
هايم مزهول انده ع الناس
الناس تايهين ماشيين ضايعين
شاربين المر
من تحت الساس
واصل للراس
واعيد الشوف من كتر الخوف
انده ع الناس
الكل سادد ف ودانه والصوت مقطوع
وف عز الحيرة
لمحت بعينى من زاوية شىء مش معقول
راجل مبرور
قاعد جوه ف الزاوية
مركون ع الحيط
وكأنه نهار
وشه زنهار
ومعاه أطفال
بيعلمهم
زى الكتاتيب
رميت ف سلامى وحيانى بألف سلام
وقبل ما أنطق بسؤالى
بص ف عينى وملامحى قرأ المكتوب
وجاوبنى أوام
بربى أجيال من دلوقتى تنفع بكره
ما خلاص يا أبنى
العار متوصم فى بلدنا على ألف جدار
فتنة
والصورة الحلوة لآمجدنا غرقت ف ضلال
وأنا قاعد يومى أستنى يطلعلى نهار
ويمر نهار وبعده نهار
والوطن الحلم اللى أنا عارفه
بابه موصود وعليه حراس
ومارد مصلوب
وكأنه مقرر ف الجدول أو فى الكراس
ورجعت أدقق فى ملامحى
وأعيد الشوف
بسرعة لقيت شكلى أتغير من كتر الخوف
ومشيت هايم على وشى
زى المجنون أنده ع الناس
أخرجوا م الخوف
وأتحدوا المارد
وأعيد الجملة وانا بصرخ
أخرجوا م الخوف
أمشوا للموت من أجل حياة
من اجل أم فضلت صابرة
زى المكتوب
من اجل الواد من اجل البنت
من أجل الناس اللى بتصرخ من غير
صوت
قبل القطر ما يفتنا وبسرعة يفوت
من أجل مصر
علشان تحيا بشبابها وعمرها ما تموت
أغرز الخنجر فى الفتنة
وبحد السيف ..
أأقطع تلابيبها بالجز
من غير ما تشوف
وخلى المدنة تئوم تدن
من غير الخوف
والبرج اجراسه راح يقرع
فى كل مكان
ما هى أصل مصر يا أخونا
كان الأنسان
خليك أنسان
وعيد الشوف فى مرايتك
من تانى كمان
وأتذكر مرة أتجمعنا
كلنا ف ميدان
*********
معلم فحمه ...........
-.-.-.-.-.
.-.-.-.-.-.-.-.
__________________
بحبك
وبعشق المجاريح ... و دايب فى الغرام عشرة ... مجذوب ... و غاوى عشرة التباريح ....
و أجمل ما فيكى الجيرة والعشرة !!!
معلم فحمه.-.-.-.-.-.-.-.-.-.-.-.-.
ليست هناك تعليقات:
إرسال تعليق