يا مصر فيكى المآذن ....

يا مصر فيكى المآذن ميت ألف ومأذنة
وفوق ظهور المساجد قباب
متزينة
ومنمنمه
وكنايس مدلى منها أجراس
...وجبرتى يا ما كتب كراس
عن شابة بهية
ليها ف أهلها حراس
وبرغم الهرج و المرج و الضجيج
ودخان الحريق
وزحام الطريق
تشوف المآذن تنادى بعضها
ترانيم تناغيم و صوت جرس
وجنبها مآذن تنام وتصحى توحد ربها
وراجل بينده على خيله
وتاجر كل همه الدولار
مش مهم
يبيع خمور
يبيع حمار
يصنع لبان للصغار
يفتح صالة قمار يجيب عاهرة
مش مهم اى حاجة.. المهم
أنه يجمع ف الدولار
كل ده والمآذن بالأيمان متيمة
منتظرة شبابها يطلع زى النهار
يحارب كل شىء أسمه
فاسد
كل ده والمآذن واقفة
ترفض الأنتحار
واقفة أنتظار
أبية بهية عندها أمل ف بكره
لما ييجى بكره و يا
النهار
--------
معلم فحمه ......

بحبك وبعشق المجاريح … و دايب فى الغرام عشرة … مجذوب … و غاوى عشرة التباريح …. و أجمل ما فيكى الجيرة والعشرة !!! معلم فحمه