حبيبى أسمر دمه خفيف

   

يا بنت بلدى يا سكرة
يا مغندره ولابسه صوف
تلجت هنا علشان أشوف
نظرة عنيكى الأحوله
طلعت علينا أم رؤوف
لما رأتنى
نطحت كلامها كيف الخروف
خلت رقبتى سمسمه
حول بيتك قلت أطوف
لقيت رجلى موحله
لما شافونى الضيوف
سمعت همس ودندنه
هو حاطط ريحه خروف
ولا جاى من مزبله
كنتى يا روحى تنبهينى
إن المجارى طفحه نيله والأرض
طينه موحله
كتير عليا البهدله
مش كفاية نظرى ضعيف
والشوف يدوب ع الخلا
علشان كده أنا م الكسوف
قررت أعدى المرحله
وآخلى نفسى م الشبك
علشان قلبى اللى أتشبك
زى السمك
حا البس بيجامتى من جديد
وأشيل حديد
وأعيد حساب المسأله
من أسوان لدنجله
وأحب أسمر دمه خفيف
لو كان زفته منيله
آييه اللى خته م الأبيضه
غير اللوع والشنشله
خلاص نهارى حا يبقى سوده
مزفيته
وحا أعيش حياتى بأندله
ماله النكد
ما هوه أصل الحكومه وهو أصل
المسأله
كل يوم صوت الحمار يطلع لنا
يقول وعود
والفقر فى الذكر أنجلى
على رأى نوبى م الجنوب
بيقولها
أنتى هكومه مأندله
تقول كلام وتلهسيه زى القطط
ولما نقولك كل هاجه بئت هباب
تقوقزى كل شىء فى القوقزه
الله يرهم أيام زمان الكانون والماجور
والمعجنه
ولمبه جاز كانت تنور للعيال دون أنقطاع
خلاص خربتوا الكهربا
النوهارده العروسه فى الجهاز تطلب
ببابور يعمل بجاز
علشان مو عايزه هم غاز بتبعيه لآسرائيل
يا منيله
ولا هتى عايزه مهرمه
علشان كده يا هكومه لازم ترهلى
روهى بعيد
عايزين رئيس لينا جديد يقدر يهل
المسأله
————
معلم فحمه .........

__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!

...معلم فحمه