عطشان يا وطن حرية .....

عطشان يا وطن حرية
زى عصفور الكنارى
لما يغرد ع الشجر
بصوت مسموع
على الينبوع
مش زى أنا
عصفور سحلوه
مجروح
وضعوه جوه قفص
كسروا ضلوعه
م الجوع
حكم عليه الظالم بالموت
لآجل ما حدش يسمعه
ويسمع تغريده
عن الوطن والحرية

مشاق يا وطن مشتاق حرية
زى طفل مشتاق لآمه
مش زى طفل محروم مفطوم
غصب عنه
بدل ما حد يهشكه
بيحرموه
من ثدى أمه وحلمته
يقزموه جوه مهده
قبل ما يشوف دنيته

ولهان يا وطن حرية
زى عاشق مشتاق
مليان أشواق
لغرام زمان وموهجته
مش زى أتنين حبيبين
فى لحظة فراق
على المحطه
تودعه
بدموع وأهات
حا يغيب هناك
ومين يا رب يرجعه

علشان كده يا وطن
شكوتى م العطش
من كتر النواح والصوت
ريقى نشف
من كتر ما ناديت
ياللى فوق
عطشان أمل
عطشان شوق
عطشان حرية
مهما تقفل سجنك عليا
حيفضل الوطن عندى
ومش عندك
أنا أبن الوطن وبهية
وحاتفضل أنت
أبن الست الرضية
ويكتب التاريخ عننا
تبقى أنت سجانى
و أفضل أنا الحرية
——————–
كتابات / معلم فحمه .......

     

__________________
..انظر بعينى لآخر مدى / أرى مهما ارى / الله بالأسرار عليم / فا الأنا ضلالة نفسنا / وا علم الغيب جهل كبير / أعانق الصمت حتى همى ينجلى / وأستعيذ بالله من الشيطان الرجيم / فا الرزق لا يأتى بقوتا / ولاكن الله بالأرزاق عليم * 

معلم فحمه .....

 ......كل سنه وأنتم طيبين.....
ندعوا الله بأن يزيح عن مصر الهم ويفك كرب أهلها وكرب المسلمين فى كل مكانالساجدين الحامدين الشاكرين .. آمين يا رب العالمين ..