سلام المحبه سلام مش تمام / سلام حبه حبه ....سلام الوئام سلاموا عليكوا... عليكوا السلام / يا شعب يا غالى يا آخر تمام... يا ماشى مبرشم وعندك زكام / تموت فى ألأماره.. وآخر شطاره قليل المحاسن وسريع الأبتسام / تهرج تمرج فى عز المصايب... وتهرب وتجرى تموت فى الزحام / وترسل سهامك عيون للحسان... وترغى تلوث أشراف المكان / وتجرى وترمح فى سيرة فلان ...تعبت أنادى عليك من زمان / أأوله يشوف مصايب الحكومة ...يقولى الكوره فى بلادنا تمام / ودينا ولواحظ وحمام فى البرام... وشيخ الطريقه راجل جبان / تقوله مصالحك راحت فى الكازوزه / يقولك مكلف دماغى... نبطل كلام / متشدش عليا وسيبلى اللجام / أبرطع بكيفى وآخر تمام / واسلطن وأغنى / حشيش للمحبه حشيش للسلام / يا خوفى يا بكره يموت المبارك... ويبنوا عليه قبه ومقام / ويزوروا القطيع وينذر كمان مقام المبارك وسره الهمام
***********
كتابات / معلم فحمه
ليست هناك تعليقات:
إرسال تعليق