هذا البلوج لكشف الحقائق حتى لا يقول شعب مصر بأنه كان لا يعلم ولم يأتى أحد لأعلامه حقيقه فترة الحكم الحالية والله من وراء القصد.. أقرأ اشعار المعلم فحمه .. على مدونة ( بدر النهار ) http://badralnhar.maktoobblog.com/
WorldTimeServer Clock
Cairo |
الثلاثاء، 14 يوليو 2009
تراودنى ليلاتى فى منامى
نفس الأحلام /
وأنا واقف خايف مرعوش/
خلف القضبان/
مستنى القاضى ينطقلى /
بحكم الأعدام /
وليلاتى أأوم مفزوع م النوم /
م الخوف عطشان/
ألمح بعنيا الزير مليان أمد الكوز/
ألآه أوهام /
وأعود من تانى أحلم بالآه /
والحسره ف قلبى /
من كتر الخوف جسد مرعوش /
أسمه أنسان /
وف عز الليل تيجينى الشابه /
ف أحلامى /
تشوفنى تجرى ف أحضانى /
وتزيد النار/
وكأنى غريب هارب م التار/
هيكل أنسان/
وتعدى أيام والواد قاعـــد /
خلف الجدران/
يهرب م الموت ويروح لحياة /
من غير عنوان/
يمسك بالسيف ويغزه ما بين/
الميم والصاد /
تنده ع الراء يتلم الناس /
يقولوا مجنون يقولوا ملحوس وشوية يقولوا /
باين ملموس/
ويتوه الواد ويسير ف الخان /
يهزى بكلام /
عن شابه جميله شافها فى أيدين
/واحد شيطان
حواليه حراس من كل مكان /
فيهم ابليس وفيهم جان /
والواد من يأسه قاعد ف مكان/
جايب مصباح/
زى المجنون بيدعك فيه داير تلميع /
عايز عفريت /
يروح لبعيد يخطفلوا الشابه المتصانه /
من ايد شيطان /
وتعود الرعشه ف جسم الواد يسند بأديه/
فوق الجدران/
من فتحة باب يسمع فى صلاة وناس/
بترتل ف القرآن /
كان أمل الواد يشوفها ف يوم/
لابسه الفستان /
من كتر الخوف يهزى بكلام ويتلى بشهاده/
وحسن ختام /
ويجيله الموت ينظر بعنية وكأنه بيرمى/
اللوم ع الناس /
ويموت الواد جنب الجدران /
----------------
حسن عمران
الاشتراك في:
تعليقات الرسالة (Atom)
ليست هناك تعليقات:
إرسال تعليق