كلام عبيط

كلام عبيط

ما يحيرنى فى أمر الجهله اللى بيقبضوا على أى ناشط ويوسعوه ضربا وركل وهم من فئات دنيه فا أعلى رتبه فيهم مخبر أو عسكرى فى المباحث طيب يا أخينا المصرى معندكش عقل ولو لحظه تعرف إن الراجل ده بيدافع عنك وعن مستقبل أولادك والله حاجه تحير

***************

أولمرت سيكون مجبر إما على تقديم أستقالته من رئاسة الوزراء أو عزله من منصبه بسبب حصوله على دعم مالى للأنتخابات من مليونير ديمقراطية أسرائيل مبارك مهما تتهمه بتخريب البلد يقولك والله ما أنا ماشى على قلبكم لطالون ديمقراطية مصر

**************

زيادة المحروقات فى مصر ستصاحبها زيادة فى كل الأشياء المعنية بأمر السولار مما يترتب عليها زيادة فى ضغط الدم وحرق للأعصاب ودعاء يومىمن الأسر المصرية تضرعا لله عشانا عليك يا رب الله يعينك يا مصر

**************

على ما أظن إن التاريخ كتب بأحرف من نور أسماء الضباط الأحرار اللى قاموا بثورة يوليو طب ما تيجوا فى يوليو الجاى نكتب بأحرف من نور إن فيه شعب قام بثورة وأتحرر من العبودية والا آآييه يا رجال مصر

**************

كتابات / حسن أرابيسك

يا ولاد اللاعيبه ...........

يا ولاد اللاعيبه ...........فعلا ولاد لعيبه وشربها الشعب ملاعيين علاوة بالشمال وخدوها باليمين أبرة بنج أتلعبت بذكاء فكرونى بالنصابين اللى باعوا علب السمن فى ميدان باب اللوق لبسوا ملابس شرطه ووقفوا عربية نقل مليانه علب سمنه وكانساعتها علبة السمن ب 5 جنيهات خمسه كيلو وفتحوا علبتين أمام الناس ليعرفوا أنها سمن حقيقى وأمروا ببيع العلبه ب 2 جنيه بس يومها الأشرجى ساب الأشارة وأصحاب المطاعم جريوا يا خدوا أكبر كميه وأمناء الشرطه نظموا البيع علشان يطولوا من الحب جانب المهم أتباعت العربية خلال ساعه زمنيه ومشيت العربية ومشيت عربية التموين اللى مسكت العربية وكل الناس لم تفكر ولو لحظه واحده فى رقم السيارة وذهب الناس يفتحوا علب السمنه وجدوها متعبية ميه نعم الناس أشتروا مية هذا ما فعله الريس والحكومة فى رسم خطة جهنمية لآمتصاص الأعتصام بزيادة الرواتب 30% قبل الأعتصام ويوم 5 مايو بعدالأعتصام بيوم واحد أعلنوا زيادة المحروقات من 20% الى 45%وبكده يبقوا باعوا الميه فى حارة السقايين لشعب طيب كاد أن يتضورجوعا فتسابق على أول حسنه ولكنه وجد أن بطنه لن تجد ما يسد الرمق أيها الشعب المصرى العظيم السلام عليكم ورحمة الله وبركاته نحن معارضة كدابه أشربوا عصير الحكومه المسمم لكم الله ولمصر الصبر على البلاء************كتابات / حسن أرابيسك

ألاعيب الجده بطه ؟؟؟؟؟؟؟؟؟

ألاعيب الجده بطه

شاهد الفديو وأحكم / http://videohat.masrawy.com/view_video.php?viewkey=1923795376

أحمد الله وأشكره على نعمتة عليى والذى جعل ولائى لله ولقول كلمه الحق وفترة عملى مع المخابرات التى فتحت مداركى وأكسبتنى خبرة كبيرة ومن إيمانى بالله أن أكون صادق مع الله أولا ومع نفسى ثم مع الناس وهذه شهاده أسأل عليها يوم القيامه اليوم سوف تروا مسلسل من مسلسات كل رجال الرئيس وكأنه لا يعلم شىء عما يدور وهذه الألاعيب أكتسبها من جمهورية الخيبه والتى أصبحت على شفا جمرة من النار وما دفعن الى هذا الكلام هو الكذابون الذين يكتبون فى جمهورية الكذب وما أكثرهم وسيأتى يوم نراهم وقد ساروا وهم مطأطأى الراس نهيك عما سيحدث لهم لا يوجد قانون فى العالم تقوم الشرطه بالقبض على أسراء عبد الفتاح بعد خروجها من سرايا النيابه ولكن كان هذا بداية التمثلية لآن الريس ليه أـجنده مسبقه فى السفر وهذا هو المطلوب فى تلك الفترة قامت المباحث بالضغط على والدة أسراء وكلنا يعلم حنان الأم وهذا يندرج تحت بند شاهد مالك وطلبوا منها أن تطلب الرحمة من كبيرهم والذى سيأتى يوم نكسرهم كما كسر سيدنا أبراهيم أصنام الكعبه وترك البلطه على كبيرهم وفى فرنسا وصل الخبر للريس ياه مش كده مش بس باريس عاصمة النور لا وأحنا فى مصر عندنا نور بس كان قاطع هيييه أهو جه أفرجوا عن أسراء والخطأ اللى أرتكبه صاحبنا ودوا أمها العمره يا شيخ قول كلام غيرده دا مسلسل هابط عايز شوية ناس ساذجه تهضمه لعلمك كل هذا المسلسل لن يثنى شعب مصر الحر اللى ولاءه لله من الخروج يوم 4 مايو , 9/10 يونيو , 23 يوليو أنت رجل مكروه غير مستحب ولو كتب التاريخ غير هذا الكلام سوف أقر وأعترف أنى مخطىء ولمعلومات الجميع لآول مرة فى العالم شعب يقول بالأجماع 99.9 % مش عايزينك ومع ذلك أنت جالس بالمناسبه الدنيا دوارة وهذه نتيجه فوزك بالرياسه أول ما مسكت لنا الله ولمصر الصبر على البلاء *********** حسن أرابيسك

يا ريتنى ما قعدت مع الراجل ده

يا ريتنى ما قعدت مع الراجل ده

حظى القليل ورجلى اللى بدب فى أى حته خلتنى أجلس مع راجل وشله صحاب

الراجل خبير أقتصاد ومحاضر دولى .اللى قاله ليا جعلنى أصاب بحسرة .عليكى يا مصر وعلى الجيل اللى جاى

الراجل قالى : مصر بقت زى راجل أشترى أرض باع نصها صرفه على ملذاته وبنى فوق النص اللى فاضل مع النص اللى باعه فى غياب المشترى عمارة بقرض م البنك فلما مات لقى الورثه إن البنك حاجز على العمارة لرد القرض والراجل بيطالب بهدم العمارة علشان ياخد حقه فى نص الأرض والجيل القادم لا هو طايل بلح الشام ولا عنب اليمن معنى هذا الكلام أنجازات مبارك بتساوى قدها ديون وبيزيد عليها الفوايد والجيل القادم سيعيش مزيد من الفقر ومزيد من البطاله ومزيد من المرضناهيك عن أنتشار السرقة وجرائم جديده وبيع اللحم الرخيص ومزيد من التسيب وظهو مشاكل أجتماعية جديده

طب والحل هو : أنقاذ ما يمكن أنقاذه قبل فوات الأوان مطلوب شده كبيرة .

التحفظ على مبارك وأولاده وتوابعه من نواب قروض وحرامية كبار وكل من صالت له نفسه فعل الضرر لهذا البلد ومحاكمتهم فى عرف المغتصب لآنثى

لآن مصر أم للجميع ولا يحق لآى شخص أغتصابها مهما أعتلى من مناصب أو تجارة أو مركز السؤال الآن هو: هل نقوى على أنقاذ ما يمكن أنقاذه

-----------------------

كتابات / حسن عمران

أغنية 6 أبريل

من قلب المزارع /من ورش المصانع صوت مصرطالع/ للحرية رايح/ جايلك يا بلدنا/ ياأم الألف مدنه/ نخرج كدابينك /وكلاب جارانينك/ تجار المواجع/ قام الشعب ناده/ طفح الكيل زيادة/ والكداب تماده/ على الحق اللى ضايع/ ياللى فيكى ولدى/ راضى بنت بلدى/ يبقى دراعه سندى/ نطقوا المدافع/ يا مصر أحنا جيينه/ من أسوان لسينا/ حلوة أغانينا/ رد ياللى سامع/ يا مصر الليلادى/ جايلك فى ميعادى/ لطرد الأعادى/ أرحل يا مبارك/ مصرنا الجميلة/ م الريف والمدينه/ ميلادى الليلادى/ شوفى أغانينا/ فى الليلة الكبيرة/ يا مصر يابلادى/ يا ملك لآجدادى/ من احمس لمينا/ جايلك يا بلادى/ يا أمى وولادى/ يا مصر احنا جيينه/ من أسوان لسينا/ حلوة آغانينا/ رد ياللى سامع/ ------------- حسن أرابيسك

أذكرينى ..........

أذكرينى وانتى ماشية ع الرصيف فى الربيع أو فى الخريف حتى لما المطر يغرقك ما يهمكيش أذكرينى وأنتى ما شية جنب بركة موحله وتمر جنبك عربية مسرعه تطرطش عليكى وتوحلك ما يهمكيش أذكرينى وأنتى راكبة مواصلة عامة وكل واحد فى الزحمه رايح يتزنق أصمدى ما تعيطيش ما يهمكيش أذكرينى وأنتى واقفه فى الطابور عيش سكر زيت ما تنسنيش برغفين مدعومين ما يهمكيش أذكرينى لما كعب الجزمة أنكسر من كتر لفك ع المكاتب يا تلحقى ليكى وظيفة يا متلحقيش ما يهمكيش أذكرينى وأنتى قاعدة قاعدة نميمه وبتلعنى اللى جاب دا يحكم فى بلادنا لو فيه مخبرين حا تسمعك ما يهمكيش أذكرينى وأنتى قاعدة بتطبخى قولى كان أحسن عريس بس لو كان فى شقه هو الموظف فى البلاد دى أزاى يعيش ما يهمكيش أذكرينى وأنتى جاية المعتقل بعد ما مسكنى البوليس ما تقوليش لسانه فالت مش عارفه آيه خلاه يحب مصر ضرتى ويلعن فى اللى جاب ليها رئيس عشر سنين يا موهجتى أستنى وما ترحويش ما يهمكيش أصيله أشوف محامى يطلعه ولا أشوف ليا عريس --------------- كتابات / حسن عمران

أخبار جنان من كل مكان

أخبار جنان من كل مكان

---------------------- مبارك يجتمع مع القوى السياسية لحل أزمة الخبز أقتراح للحكومه آيه رأيكم لو تدوا كل واحد حقه ناشف دقيق وهو حر فيه يلته يعجنه يشمه يعملوا كحك قراقيش دقيقه وهو حر فيه هنتوا مصر الله يخرب بيتكم

-------------

أستخدام رجل أعمال سورى لآغراق أوباما هو ناقص ما هو غرقان غرقان حد شاف بطل سباحه أمريكى أسود

عنصرية بيضا لا يمكن تسود

-----------------

قانون منع التظاهر فى دور العبادة وقانون الأرهاب وقانون أيدك ورا ظهرك وقانون أقفل بقك يا أبن ....؟ وقانون أدفع بالتى هى أحسن وقانون دينا وفيفى وبوسى وقانون وقانون وقانون .........

أمتى نشوف قانون إلآهى وأنت جاهى ياخدك يا ياللى فى بالى

--------------------

فاكرين العراق دجلة والفرات آخر تقرير العراق أخطر بلد فى العالم بغداد أول ما أتبنت كان أسمها مدينة السلام الناس بتتحصر على صدام حتى لو كان وحش

الله يرحم السادات

-----------

القمة العربية القادمه كا العادة تقريبا أصبح كل شىء واضح عرفنا الخلافات عرفنا المشاحنات عرفنا القرارات باقى بس ناكل والله طعم الخرفان السورى لا يعلى عليها

سلام عليكم يا زول أنت م السودان لا من كار فور بشترى كركديه

-------------

دون جوان فى الصين عمرة 87 سنه عاشق جارته 90 سنه أتمسكوا تحت الشجرة لحظة الغروب ولاد الست حبوا يلموا الموضوع علشان كلام الناس ضربوا الراجل علقة كسروا أيده ورجله

يا رب من ليه حبيب ما تحرموش منه

......................

وفاء سلطان التى تعدت على الأسلام والرسول فى برنامج الأتجاه المعاكس قناة الجزيرة تربطها صلة حميمة بمقدم البرامج فيصل القاسم هو درزى وهى علوية والأثنين محسوبين مسلمين شوفوا الحكمة

................

صواريخ على سيدروت والجندى شاليط أصابة أسرائيلى بجروح ورد أسرائيل يقتل 104 من الأطفال والنساء ويجى واحد فى الراديو سامعه بودنى ما حدش قلى يقول إن الفلسطينين هما اللى بيعتدوا وأسرائيل دولة شرعية كلام فى سرك الراجل عربى .....

يا راجل أى والله حصل

........................

لص مكه يتربص بالمحلات أثناء مواعيد الصلاة وتبديل دوريات الشرطه سرق 87 محل لحد ما وقع فى شر أعماله وكل مكان سرقه كان بيطل على الكعبه يا سلام لو قطعوا إيديه الأثنين

ولله فى خلقه شؤن

......................

نتن ياهو بيدعوا أولمرت الى أستخدام القسوة ضد الفلسطينين ويكون الرد أشد حتى يرتعدوا وبهذا التصريح يا أخوان أصبح نتن ياهو المرشح لخليفة أولمرت بعد أن زادت شعبيته هى دى أسرائيل ولا بلاشبالمناسبة أسمك عتندنا فى مصر

نتن .........يا هووووووو

.......................

المخابرات الدانمركية تحذر من رد فعل المسلميين للقيمة الدينية والروحية للرسول الكريم عند المسلميين وتتوقع أن لا يأمن الدانمركيين فى أسفارهم لرد فعل المسلميين تجاهم

أنتوا اللى جبتوه لنفسيكم لكل فعل رد فعل

.....................

تعودنا دكتور ينسى مشرط أو فوطه لكن فى سوريا الأمر أختلف وضعوا المولود حى فى ثلاجة الموتى والحمد لله أكتشفوا قبل فوات الأوان قبل ما يتحرق عليه قلب أمه دكتور أطرش ما سمعش بكا الواد لما أتولد

يمكن القمة ملخبطاهم شوية

...................

كتابات / حسن عمران

موسم الهجرة الى الله

موسم الهجرة الى الله التنظيم الآلهى والخلل البشرى من المعروف إن كل شىء فى هذا الكون منظم تنظيم ألآهى إلا إن تدخل البشر فى هذا التنظيم يؤدى لخلل فى المنظومه أللآهية إما نتيجة أطماع لمنصب أو سلطه أو نتيجة غباء منهم وهذا الموضوع يجعلنا نشاهد ونقيم ونعيد حساباتنا مرة أخرى فعندمايقول لك صاحب العمامه أمر الله أطيعوا الله وأطيعواالرسول وأولى ألأمر منكم فيجب هنا فصل الله ورسولهعن أولى ألأمر فطاعة الله ورسوله عباده واجبة أما أولى ألأمر فلنا فيها وقفه وأعادة تقييم فهو بشر والبشر خطاء فكيف يكون وضعى وولى ألأمر خائن شارب للخمر ظالم للناس غير أمين على الوطن فلو كان ولى ألأمر طائع لله ورسوله لحكم بين الناس بما أنزله الله من عدل ومن حق فلذلك ما يقوله أصحاب العمامه أمر منقوص والدليل على ذلك هو وضع مصر الذى أصبح مثل للقاصى والدانى فالرعية تسأل الله أن يخلصها من هذا الكابوس الذى حل على البلاد وشتت العباد ونشر فيها الفساد وهو رجل فاسد لا يتقى الله فى دينه ولا فى حكمه فما رأى أصحاب العمامة فى ولى أمر فاسد هل نطيعه أم نقيم عليه حد الرده ام تدفنوا رؤسكم فى الرمال وتتهربوا مما أمركم به الله وإذا هربتم فى الدنيا فماذا أنتم فاعلون فى ألآخرة لنا الله ولمصر الصبر على البلاء *********** حسن عمران oman55.maktoobblog. com omran55.blogspot. com dastor76.blogspot. com

سلام يا صاحبى سلام

سلام يا صاحبى سلام مليون سلام سلام للطفولة ومصر الجميلة فى الزمن اللى كان وروحه الجنينه والمشى فى الشوارع وحب المكان وركوب العجل ومرجيحة عم رشدى وبتاع اللبن وحى العباسية والموسكى والغورية والست أم هاشم ومصر الأمل ورحلات المدارس وأجراس الكنائس وأصوات الأذان والصحبة والمكان يا حلاوة زمان وشكوكو بالأزايز والبخت فى اللبان وبنات الجيران واللمه ع النواصى والقهوة والكراسى وبقاله الأتاسى وأكلة الكوارع واللعب فى الشوارع وعصير الحليوه والأيام الجميلة وبابا والجريدة ومجلة الكواكب ومرور المواكب وصباح المدارس وتحية العلم سلام يا صاحبى سلام على أيام زمان ومصر الأمل سلام للنهارده ووداع للزمن أتفرج ع الهجايص والوسكى للعايز والشم بالبرايز وتعرى ف الشوارع والسب فى الطريق وموزه للى عايز وكله فى الهجايص أضرب الودع سلام يا صاحبى سلام على مصر بلاد زمان و يرحم اللى كان وبعوده يا أيام سلام يا مصر سلام .................. كتابات / حسن عمران خلص الكلام وحان وقت العمل

أستقيل يا ريس . رحمة بنا وبمصر

أستقيل يا ريس . رحمة بنا وبمصر اولا . الاستقاله شجاعة وقرار يصدر عن رجل بمعنى الكلمة والانسحاب من المعركه ليس فيه عيب مدام سنحافظ على الجنود والمعدات ونخرج بأقل الخسائر الممكنه ثم نعيد ترتيب الصف ونعطى فرصه لقائد آخر يدخل المعركة وينتصر . وهذا رأى المثقفيين المصريين والخبراء والذين عايشوا التاريخ المصرى ودرسوه وهم ناس محايديين وعندهم الاسباب 1- الحالة الاقتصادية وصلت الى عصر لم تشهده مصر منذ عهود وقد سجلت مصر فى عهدك مستوى تحت خط الفقر( 20% من الشعب يتحصل على أقل من دولار فى اليوم) واعلى مستوى مسجل على مر التاريخ هو فقر فقط حتى فى عز الحروب والهزائم 2-اصبحت مصر مثقله بالديون سواء للعالم الخارجى او الديون الداخلية وحجم الدين يزداد ولا يقل مما يعرضها الى نكسه اقتصادية اخرى تؤدى الى هذيمة اقتصادية كبيرة 3-لم تشهد مصر فتن طائفية منذ حركه الحشاشيين (القرن الحادى عشر) اما فى عهدك فقد شهدت مصر 80 حدثا طائفيا لم تشهدها من حيث الكم او الكيف على مر عصورها 4- فى عهدك يا ريس هذا الرقم صحيح عشرة الآف انسان راحوا ضحية القتل لأسباب سياسية ومثلهم للأحداث الطائفية ومثلهم لأسباب مجهوله راجع تقارير حقوق الانسان التى دونت. ومن قبل لم يكن يدون شىء 5- اصبح عهدك عهد استبداد وسلطه مطلقه سلطه طوارىء سلطه بلا رقابه حولت مصر الى عصابة افراد تحكم فجعلت الناس لا تأمن على انفسها وبناء عليه هربت رؤس الاموال والمستثمريين من مصر وهم يسطو على المال العام والخاص ويتحكموا فى كل شىء. 6- فى عهدك لم يشهد الاسلام اتهامات ولا تجنى ولم يضعف الأزهر بهذا الشكل ولم نرى هذا التسيب الاعلامى وتلك التهم التى تلفق للناس وبالذات من قال لا اله الا الله ولم يعتقل الاسلام ولا المسلميين فى مصر إلا فى هذا العهد الطارىء 7- نعيب على الناس والعيب فينا فى عهدك صودرت الحريات وفتحت المعتقالات وامتلاءت السجون وقمعت المظاهرات وشاهدنا التحرشات ةالتسيب وألأنحلال والفساد فى كل مكان 8- فى عهدك لم نرى ما يسرنا أو يسعدنا وفى فترة حكمك زادت همومنا وتشتت افكارنا بما أخترعته من فكرة ابليس فى نظام التوريث والعك والتخبيص وبناء عليه نحن نطلب منك الاستقالة مع تأميين حياتك معزز مكرم لأنقاذ ما يمكن انقاذه ولك الخيار لتبقى سيرتك حسنه بدلا من صب اللعنات على عهدك وعلى جعلك تحكم مصر فا أمامك الخيار قبل أن يحدث ما لا تحمد عقباه علما بأن هذا الكلام ليس من بنات أفكارى ولكنه من قلب الشعب المصرى بكل فئاته وأنا ساعى بريد أوصل الرسالة بكل أمانه والله على ما أقوله شهيد مدون الرسالة .........حسن عمران """""""""""""

وهى قاعدة على المصطبة .........

وهى قاعدة على المصطبة ......... دخلنا فى كلام كتير وتسارعت وتيرة الغلا فى مصر وزى ما قرأنا وسمعنا بأن مصر على فوهة بركان غضب مستعد للأنفجار فى اى لحظة وهذا الأنفجار لن يوقفة لا مبارك ولا غيرة وبدلا من تلك الكارثة والتى ستسبب فى خسائر كبيرة للكل طيب ما تيجوا نفكر فى حل بدلا من الكارثة أنا بوجه هذا الكلام شورة فقط للأحزاب وحركة كفاية وشعب مصر بكل فئاته تعالوا نبدأ فى السير فى مسيرة المليون فى أتجاه ميدان التحرير بمشاركة الأحزاب وجميع الحركات وكل فئات الشعب وكل من يحب مصر عمال وطلبه لنقيم أعتصام المليون لمطالبة مبارك بالرحيل هو وأبناءه وكفا المؤمنين شر القتال الخطوة الثانية من يملك كريزما حب الناس فى تلك المرحلة العصيبة ولمدة عام واحد هو بدون كلام وحديت / عمرو موسى سنستعين بيه ريس مؤقت لمدة عام ليتولى تعيين حكومة مؤقته حتى لا نضع بلدنا فى حيص بيص خلال العام شرط أساسى أن نقوم بتعديل بنود الدستور 1- أنتخاب رئيس جمهورية من بين مرشحين مع تخفيف شروط الترشيح 2- وضع ضوابط لشخصية المرشح فقط 3- قصر مدة أنتخاب الرئيس لمدتين فقط لا فصال فيهم 4- لا يحق ترشيح أقارب الدرجة الأولى للرئيس المنتهى ولايته إلا بعد مدة قانونية 5- يتم سحب الثقة من أى وزير لا ينفذ خطة وزارتة خلال فترة توليه المسؤلية 6- ويخضع بند سحب الثقة للجنة من مجلس موقر ولا تدخل من الريس 7- وضع ضوابط قانوية للحد من مهازل الحكم وعدم تكرار ما يحدث هذا رأى متواضع لحل جذرى قبل ما يحدث أنفجار وهذا هو الواضح للعيان وبدلا من الخسائر فلتتحرك الأحزاب بجدية وتنسى خلافاتها هى وحركة كفاية والحركات المشابهه لآننا دخلنا فى نفق مظلم والله أعلم بما سيحدث غدا فهذه دعوة مفتوحة للجميع وهذا ليس شر ولكنه خير لمصر بعد أن كبر الرجل وبدأ يفقد السيطرة على نفسة وهذا ما أصابة فى عقلة وتفكيرة فى العمودية متناسى أن مصر جمهورية حرة وستبقى كذلك ألله أما بلغت وأنت ألعالم بالنية والقصد هذا هو الحل ولا يوجد غيرة يا أحزابنا يا أخوانا فى حركة كفاية تجنبوا البلا قبل حدوسه وتحركوا ولا تنسوا أن فى 15 مليون عايشين فى العشوائيات سيدمروا البلد وسيسذداد الهم هم ولو فيك يا حسنى زرة وطنية أرحل وجنب البلد كارثة كبيرة فى هذا الوقت بكل صراحة لا أنت ولا أبنك مقبولين وأصبحتم كا الشوكة فى الزور أرجوك بأسم هذا البلد الطيب وهذا الشعب النبيل الذى يعيش على حافة الهاوية ويتذوق شظف العيش أرحل يا ريس ومع السلامة سيرتك فى التاريخ هم كبير أرجوا ممن يحب مصر ويقرأ هذا عليه أن يوصل الفكرة الى الأحزاب أو الى الجامعه أو الى الشعب للتنسيق على يوم يضع سرة فى أضعف خلقة ****************** كتابات / حسن عمران خلص الكلام وحان وقت العمل Omran55.maktoobblog.com

Omran55.blogspot.com

badralnhar.maktoobblog.com

dastor76.blogspot.com

يا رب ..........

يا رب .......... يا رب عندى سؤال/ والسؤال لغيرك مذله / فى راسى داير سؤال / شاغلنى ومحيرنى / أنا فى الدنيا مسير / ولا أنت مخيرنى / خلقتنا بشر بدون سؤال / سواسية / زرعتنا نطفه فى رحم الحقيقة / حملاه أنثى بهية / وهبتها ميلاد الكون / وتواصل أهل البرية / ونفخت فينا الروح أحرار / ناس تحكم وناس تتحكم / فى الكون / عبيدك كلهم رعية / حرمت الظلم على نفسك / وعلى الناس / ميزان عدل / للبشرية / يا رب / فيه بشر من الناس / تحكم فى أرضك وسية / فى إيديها مطرقة / لحكم الناس / وأنت عالم باللى فيه / ضربونى وكسرولى الفاس / وأنا اللى بعزق / وبزرع بزره / تطرح لكل الناس / شجرة حب / تطرح قلوب / تفاح أناناس / مفيهاش حنضل / ولا مراره الأسية / يا رب بيسألك / عابد من اللناس/ من الهم اللى فيا / أموت شهيد / الوطن والناس / ولا حكم / الخسيس فيا / ------------ كتابات / حسن عمران Omran55.maktoobblog.com Omran55.blogspot.com badralnhar.maktoobblog.com dastor76.blogspot.com