يوميات مصرى سعيد جدا جدا 0
عسكرى الشطرنج
مهما تقفل عليا باب بكره حا أفتح ألف باب/
هو النيل فى يوم يا صاحبى منعه سد/ هو بحر يجرى يسرى جوه دمى/ زى مصر مهما أبعد برده أمى /
وانت تفضل زى ما أنت عسكرى / ف قلب رقعه ما لكش لازمه أى واحد بيحركك
ينألك بس خطوة / إما تقع فى وش طابية تدوس عليك/
أو ييجى فيل يهزمك وتعيش زليل /
لا عمر يوم تكون ملك أو وزير /
أما أنا جندى مصرى ف الميدان راكب حصان/ كل همى أزاى أعدى وأحمى الوطن
لا يهمنى مين اللى طاطا ولا اللى خان/
يهمنى أحمى الوطن وأموت فداه/ ما هو الواحد من غير وطن حا يفدى مين /
علشان كده يا تعيش زليل يا تموت فداه /
والكل واقف ليك أحترام/ تعظيم سلام/ ويقول عليك أنك بطل عاش للوطن
ومات فداه
معلم فحمه ,,,,,,,
