أيه يا مصرى أيه جرالك

أيه يا مصرى أيه جرالك أيه يا مصرى أيه جرالك حيروك دوخوك الزمن دا مش زمانك ولا قطر العمر فاتك الطيبه أنساها يا صاحبى النهارده راح وعدا أنت عايش جوه زمنك ولا زمنك ما لوش نهار قوم يا مصرى أملا ميه قبل ما نيلك يجف طول ما حكمك عم فقرى كل يوم نخلك يشب لما بلحك يروح ف عالى وأنت ليه عمال تشب بكرة ينشف ع الصباته ومش حتاكله يالله شب بكرة يظهر عظم جسمك وأنت ساكت بكرة ما تلقيش مساكن وأنت نايم ليه بتسكت ليه تخاف ولا خايف م الجفاف قوم يا مصرى أدعى ربك هو ناصر المؤمنينا أنت أصل الحق واصل أنت جندى جوه سينا وهوحاكم حكمه باطل قوم يا مصرى أحمى نيلك مصر دايما بتناديلك م الجنوب لحد سينا يالله قوم هتلى نصر يا الله غنى تحيا مصر يالله غنى تحيا مصر ********* حسن عمران Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

تنابله السلطان أعضاء فى البرطمان

تنابله السلطان أعضاء فى البرطمان تنابله السلطان قاعديين فى البرطمان شويه مكركرون وشويه ماكرون وشويه مهللون وشويه نائمون وشويه واقفون وشويه موافقون أصل التنابله النهاره مش تمام أول ما يشوفوا كبيرهم يضربوا تعظيم سلام للشعب ممثليين فى العك والتفانيين متقلش أسماعيل ولا عادل أمام تنابله السلطان عامليين مسلسلات أيام الأنتخابات بيعين للناس كلام تأليف فى أفلام خلوا البحر طحينه وسمك بيعوم فى الطينه تقوله دا حقيقى يقولك يا سلام ويعمل سبارتاكوس ويلبس برباطوس ويغنى فى الحمام ويديلك البتاع وبطاقه الأقتراع ويقولك خش اللجنه صوتك فى التمام دستورك فى أدين أمينه وأنت فى ألأمان عارف لو جبت سيرة يا ويلك يا أنسان وأشرب يا متعوس ضميرك لما بعته قبضت مكانه فلوس تخش البرلمان تشوف فيه تنابله مرصوصه جنب بعض بيتلقوا التهانى تبص على صورتهم على بابا والحرامى تنابله للقروض تنابله للشيكات تنابله للتهانى فالحين فى التصفيق بصمين ع القرارات عنوانهم التهجيص وكأن مصر عزبه تتملك بالتوريث وعلشان هما تنابله جابوا عليهم ألفا الواد أبن الرئيس بلادنا خلاص حتفلس والمعنى فى التوريث خلاص راح اللى كان وراح زمن الفرسان ومصر بقى يحكمها تنابله مع سلطان ****** حسن عمران www.dastor.net omran55.blogspot.com dastor76.blogspot.com omran55.maktoobblog.com

ضعف نظر

ضعف نظر ألآن أرى مصر صبية جوزوها لرجل مسن فا أصبحت عاقر أصابها سن اليأس هو مش فيه حاجه أسمها خلع الأخوة المعارضين عندما يعلنوا رفضهم لشىء ويتظاهروا قله قليلة من الناس تنضم اليهم ولعلاج مشكلة قلة الناس نستعين براقصة ترقص فى ميدان التحرير قبل المظاهرة مما سيجمع الناس باللآف ليشاهدوا الراقصة ننتهز الفرصة ونرفع اللافتات وبذلك زيدنا العدد بطريقة مبتكرة الخوف لا الراقصة تجرى وتفض المظاهرة لأن الناس حتجرى وراها ما يحزننى كثيرا عندما أشاهد رجل يحمل الدكتوراه ويتحدث الى وسائل ألأعلام بثقه يحسد عليها بأن التعديلات الدستورية الجديده تصب فى مصلحة مصر ونحن فى أشد الحاجة لتلك التعديلات حتى نحافظ على أستقرار البلاد اللى أختشوا ماتوا نفسى أرى فى مصر وزير واحد فى تاريخها يعتزر عن ألأستمرار فى الحكومه لكثرة المظالم والفساد فيها وبذلك يكون أول وزير يقدم على فعل هذا الشىء شفيق يا راجل لأن هذا الموضوع خاص بضعف النظر أتمنى أن يتحسن نظرى وأرى مصر وقد طلعت على العالم بأطلاله جديده مافيهاش بيبى مافيهاش بيبى لنا الله ولمصر الصبر على البلاء *********** حسن عمران Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

أسئله محيرانى مش عارف أجاوب

أسئله محيرانى مش عارف أجاوب هذه الأسئله محتاجه أجابه من المختصين وأقطاب المعارضة السؤال ألأول : ما لا يعرفه الناس أن حسنى مبارك جسده مبنى على ألأدوية وهذا معناه أن جسده هش ممكن يسقط فى أى لحظه مما سيحدث فراغ سياسى مفاجأ وحالة من التخبط ستؤدى الى كارثة نظرا لوجود مافيا ترغب فى تنصيب أبنه ليكملوا مسلسل سرقة الحقوق والحريات فهل فكرت المعارضة فى ذلك و كيف أستعدوا قبل أن تصبح حقوقنا قطعه لحم تنهشها الكلاب بعيد عنكم أنشاء الله السؤال الثانى : عجيب أمر ردود الأفعال التى حدثت من أخوه معارضين لهم أتجاهاتهم وافكارهم عندما أعلن ألأخوة أعضاء جماعة ألأخوان النواب فى مجلس الشعب تحالفهم مع أى حزب معارض فكانت ردود ألأفعال مخزية من ألأحزاب وما ألمنى هو أنى تفاجأت بتصنيفات المعارضة ما بين يسار ويمين وشرق وغرب وهذا لن يصب إلا فى مصلحة الحكومة أتقوا الله السؤال الثالث : كل شىء أصبح يتم تمريرة فى مصر ألآن برغم وجود صوت للمعارضه ولكن دعونا نعترف بأن معارضه بدون ناس بلا فائده لآن الكترة تغلب الشجاعة فما هو السبب الذى يجعل الناس تصل الى درجة السكوت على أفعال الحكومه يمكن فى بيات شتوى السؤال الرابع : نسبة الفقر فى مصر وصلت الى 35% وهى نسبه عالية جدا مقارنة بالفترات السابقة ولا زال الريس والحكومه متمسكه بالحكم غير مبالين بما سيحدث فى مصر فهل ينتظروا قيام ثورة الجياع ( الحرافيش ) وقتها هل تستقيل الحكومه أم تأتى بالمدرعات والجنود المدججين بالسلاح ليحاربوا أبناء الوطن الواحد أستر يارب ********* حسن عمران Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

مالك يا ديك

مالك يا ديك هى دى برده عمايل دا اللى بين الدنيا وأنت عقد عرفى ليه نهاية أنت فاهم قصدى أيه عمر عقدك ما يبقى شرعى ليه محاكم وفيه نيابه وفيه قضاة حينصفوك ولا فاكر كتكوت صغير من ولادك يورثوك مهما فقس أنقص عرفك تبقى أزعر بين الديوك كل يوم عمال تفرعن ع الديوك تفش ريشك تهش جيشك ع الديوك هو فيه فى الدنيا حد لسه عايش م الملوك فين يا ديك أيام ما كنت عايش معانا بأسم ديك ديك البرابر ملك وملك الديوك أحنا برده اللى قلنا عنك أنت ديك خلاص يا ديك راحت عليك حتى بيضك الشمورتى طلع ممشش هو ده بيض فراخ ولا ده بيض الديوك خلاص يا ديك خلاص مرضت بمرض الدجاج بكرة تمشى برجل عوجه ونلاقيك جنب حيطه راحت عليك هو المرض لما يعشش جوه جته ينفع يا ديك لا عمر ليا ولا عمر ليك بكرة جوه حفرة جثه هامده ونواريك وتقابلنى يوم لوءانا لو حد مشى ورا جنازتك وقال دا ديك ******** حسن عمران Omran55.maktoobblog.com Badralnhar.maktoobblog.com Omran55.blogspot.com Dastor76.blogspot.com

الطريق الى مكه

الطريق الى مكه - 1 الخطه الجهنمية ل CIA الاميركى هذا ليس خيال ولكن حقيقه سوف تعلموها متأخر لأن طبيعه العرب اتباع الغرب .لنرى كيف تفكر المخابرات الامريكية والتعاون مع عدة مخابرات صديقة اولا . كيف يكره العالم ما هو مسلم على وجه الارض . عمل خيال لكل من اسامه بن لادن و الزرقاوى والظواهرى وغيرهم .ثانيا عمل تفجيرات فى اماكن مختلفه من العالم واستخدام اناس ينتمون الى الاسلام(عملاء) حتى لايشك احد فى المخطط بعد ذلك سكره العالم كل ماهو مسلم وبدأت الخطه تأتى ثمارها بمنع الحجاب وترحيل المسلميين من عده دول وقد شاركت الباكستان فى هذا ايضا بترحيل الطلبه الدارسسين فيها وبدأ تعديل المناهج وتغييرها فى الجزائروبعد ان ينتهى الجزء الاول والثانى من الخطه سينحصر الارهاب فى السعوديه لأنها ام الاسلام وصعب تغيير المناهج فيها وانحرافها بعدها يصدر امر بفرض الوصايه على مكه المكرمه ومن يرغب بالحج او العمره عليه احضار موافقه الCIA للدخول الى مكه وهكذا تحقق الحلم الامريكى العالمى لعوده المسيح الى الارض... لنا الله ...عمران الطريق الى مكة ---- 2 --- CIA اكمالا لحديثنا الاول نستنتج الآتى 1- بن لادن , الزرقاوى . الظواهرى وغيرهم كثير من الاسماء كلها من صنع المخابرات الامريكية وهؤلاء ليسوا عملاء لامريكا لاسمح الله ولكن المخابرات الامريكية تبقى على هذه الاسماء لأستخدامها فى مخططاتها بدأ من برج التجارة مرورا بتفجيرات لندن طابا شرم الشيخ المقاومة فى العراق الى ان وصلنل العقبه وما ادراك من تمثيلية العقبه شوف الحكمة فى هذا الفيلم الصاروخ فشل فى الوصول الى السفينة الامريكية وذهب يقتل ويصيب جندى اردنى علشان الاردنيين يكرهوا كل ما هو مسلم وللعلم مهما وصل الامريكان من العلم والتخطيط سيأتى ناس من امثالنا لينيروا الطريق لآخوانهم المسلميين بفضل الله والله متم نوره ولو كره الكافرون فيا امة الاسلام اتحدوا. واعتصموا بحبل الله جميعا ولا تفرقوا. واعدوا لهم ما استطعتم من قوة .هذه المؤامرة لن تنتهى وللعلم الامريكان والمخابرات الحليفة لهم درسوا موضوع المسلميين وقوتهم منذ حرب 73 مرورا بالمقاومة فى افغانستان الى الشيشان الى العراق.بعد ان عرفوا ان قوتكم فى ايمانكم وسركم فى كلمه الله اكبر ........ عمران الطريق الى مكه -3 لمن لايصدقوا الحقائق هذا كتاب الفه جورج بوش الجد سنه 1844 ويقول حول رؤيته المستقبلية.اننا اصبحنا اللآن على اعتاب مرحلة سامية من مراحل التدبير الآهى تتم بمقتضاها عودة اليهود الى الشام وتجمعهم فى نسق دينى واننا على يقين من ان ذلك هو ابرز ملامح ما ستتمخض عنه الايام لكننا لا نزعم اننا نحدد بدقة اليوم او السنة التى سينفذ فيها الله سبحانه تدبيره الالهى هذا وان كنت مقتنعا اقتناعا كاملا ان هذا الحديث (عوده اليهود الى فلسطين) وارد بوضوح فى رؤيا النبى حزقيال وان مهمتى هى فض مغاليق التدابير الالهية المتعلقة بتحول اليهود الى المسيحية وعودتهم الى الديار المقدسة هذا الكتاب يكشف قيام دوله اسرائيل تحقيقا لنبؤه دينية مستقرة فى التراث اليهودى وانتقلت بقوة الى اليمين المسيحى الذى يهيمن الآن على المؤسسة الحاكمة فى الولايات الامريكية ومن ثم ينكشف لنا سر الانحياز الامريكى المطلق للدولة اليهودية ويتبين عدم دقة التفسير العربى لهذا الانحياز واننا نفسره على ان مؤسسات المال والاعمال هى المسيطرة على القرار الامريكى...عمران الطريق الى مكه - 4 سنبدأ من حيث انهينا حديثنا فى الجزء الثالث .النظرية العربية الخاطئة والتى تقول ان مؤسسة المال والاعمال اليهودية هى المسيطرة وان اسرائيل هى الشرطى المكلف بحماية المصالح الامريكية الى آخر التقرير الغير صحيح.اما الحقيقة هى البعد الدينى فى الموضوع كما ظهلر فى الكتاب الذى الفه الجد بوش ان اسرائيل ليست مجرد دولة لتجمع اليهود من الشتات ولكنها تدخل فى صلب العقيده اللاهوتية لليمين المسيحى الذى يرى عوده اليهود الى القدس فى اعقاب حرب 67 دليل على صدق النبوة التوراتية وهى الخطوة الآخيرة لظهور المسيح اما آخر الخطوات هى بناء الهيكل على انقاض قبة الصخرة وهى نفس العقيدة التى يؤمن بها الرئيس الحالى جورج بوش الابن وقبلة الوالد الذى آمن بما جاء فى كتاب الجد وهذا انحراف للرؤيا المستقبلية الا انهم يؤمنوا بهذه النظرية ولن يحيدوا عنها وقد انار هذا الطريق ال د/جمال بدوى عن مترجم النص ال د/ عبد الرحمن عبد الله الكاشف وعليكم القراءة لأن بين العرب قناديل تنير الطريق وسيبقى نور الله نور على نور ............................عمران بارب أفضحهم وأنصر ألأسلام وأعز المسلميين حسن عمران www.dastor.net omran55.maktoobblog.com omran55.blogspot.com dastor76.blogspot.com

مصرى سعيد جدا جدا

الحمد لله كل شىء تمام وعال ومفيش جديد الحكومة زورت ألأستفتاء كا العادة ومررت اللى هى عايزاه والريس ربنا يديله الصحة ماشى فى مشروع التوريث بدون مشاكل أنفلونزا الطيور سجلت سبعة وعشرين أصابة وأحتلينا المركز ألأول على العالم كمان كام أصابة ونفوز بالبطولة والفقر زاد وله أسبابه علشان رمضان اللى جاى كل الناس تاكل فى موائد الرحمن سواء كانت بتاعت رقاصة أو واحد خد قرض وهرب وغسل أمواله بالماء والصابون ورش عليه كلونيا يسد بيها أنوف اللى حينكوشوا وراه والحمد لله خلصنا من عشش قلعة الكبش علشان نبيع ألأرض ونستفيد عقبال ما نبيع سور مجرى العيون وفم الخليج وجزر النيل والملك الصالح أهه كلها بتبص على النيل وزادت نسبة ألأمية والتحرش الجنسى وتطورنا وأصبحنا شعب بيتباهى بقلة ألأدب وكله بفضل الحكومة ومجهوداتها فى منع الفضيلة عن الشعب وخطط الحكومة ماشية جنب الحيطه يمكن شوية بتكح وجالها أسهال وكبدها مريض شوية ومحتاجه لغسيل كلى ورجلها بترناها وجسمها مسكه الشلل الرعاش وأنشاء الله الخطة الجاية حينفذوا خطة شعارها لله يا محسنين ونحمد الله البلد ماشية عال مفيش عندنا مشاكل لدرجة أن الشرطة كل ما تشوف مواطن تاخده بالحضن وتبوسه والسجون مليانه لدرجة كل ما يمسكوا حد يودوه حتة بعيده ويسبوه والحريات عندنا ما لهاش مثيل فى أى بلد فى العالم أخرس تقدر تتكلم يا أبن .!!!!!!! وتجد مجموعة كفوف نازلة على قفاك ويا ويلك لو قلت آى حنعيد من تانى وفى نهاية كلامى ارسل سلامى وتحياتى ألى كل المعارضة فى مصر كافة وأحب أقول لكم معلومه ضعوها أما مكم ألشعب المصرى بيتمرجح فى مراجيح مولد النبى وفى نهاية كلامى وتعبيرا عن السعادة اللى أنا فيها أهديكم أغنية على باب بتنا أبلة فضيلة راح تحكيلكوا حكاية جميلة يا ولاد يا ولاد توت توت تعالوا تعالوا مع أطيب تحيات مصرى سعيد جدا جدا ******** حسن عمران www.dastor.net omran55.maktoobblog.com omran55.blogspot.com dastor76.blogspot.com

سينما أونطه هاتوا فلوسنا

سقوط فيلم الدستور فى لجان الأستفتاء وعدم تحقيق ألأيراد الكافى وضع منتجه وبطلة فى حيرة بعد أن وفر كل وسائل التزوير وقام بشراء البطاقات ليكمل ألأيراد حتى لا يرفع الفيلم من دور العرض هذا وقد علق مدير ألأنتاج على ضعف ألأ قبال على شراء التذاكر لقلة عدد دور العرض وعندما أخذنا كاميرا البرنامج ونزلنا الى الشارع لنلتقى بالناس وجدنا أن الناس لم تذهب أصلا لمشاهدة الفيلم لعلمهم مسبقا بضعف السيناريو والحوار بجانب أن البطل يقوم بدور فتى الشاشة ألأول بعد أن بلغ من العمر أرزله ومن ذهب الى دور العرض لم يدخل الفيلم ومن قام بقطع تذكرة قال لا والقاها فى سلة المهملات تعبير عن أستياءه وقد ألتقينا مع أحد النقاد الكبار الذى علق على الفيلم بقولة للأسف الفيلم لا يرتقى الى المستوى الجماهيرى والساده المعنيين بالأمر وأى نتيجه غير الفشل تكون مخالفة للحقيقة وطالها التزوير هذا وقد حاول أصدقاء البطل بكل جهدهم أن ينقذوا الفيلم ولكن ىلا فائده وبناء عليه أقترح على البطل أن يعتزل بعد أن أفل نجمه وهوى هذا أكرم له قبل أن يأتى اليوم الذى يفيض بالمتفرجين ويخرجوا مرددين سينما أونطه هاتوا فلوسنا . وألأفضل أن نرى أبطال جددعلى الساحة وكتاب سيناريو عقلاء وحوار هادىء بين البطل والناس . يا شعب طيب وصابر على المقدر والمقسوم مفيش فى الدنيا قوة تهزك لما يفيض بك وتقوم صاحب حضارة وتاريخ أنكتب فى ألف يوم ما تنحنيش إلا للخالق وقاوم لما القيامة تقوم ************* حسن عمران www.dastor.net omran55.maktoobblog.com omran55.blogspot.com dastor76.blogspot.com

رباعيات جر شكل

يا عم حسنى مبارك أحسن من كدا عايز الشعب قال كلمتة بحق وليك مش عايز أرضى بأمر الله وحكمه ولا أنت مش عايز عمرك ما تزرع حب فىناس قلبها مش عايز ************ يا عم ياللى سهرت تعدل لنا الدستور دستورك فضح نيتك وبين المستور كأنك رايح حفلة لابس ببجامه كستور بدل ما تقيد شمعة طفيت علينا النور ************ عليا الطلاق ياريس وطلاقى ده نافذ مهما تجيبلينا حجج وشبابيك ونوافذ دستورك خلاص سقط وأمره مش نافذ الشعب قال كلمته بحق وسيفه عليك نافذ ************* أخدت بطاقة أقـتراعى و رحت للتصويت أول ما دخلت اللجنه سمعت فيها صويت كأن فى جنازة ميت ومراتة نازلة صويت جوزها كتب لا ومن خوفها نازلة صويت ************* الواد أبن علوكه جارر شكل الناس فى الشارع قاطع سبح الخلق اللى رايح وجاى فى الشارع راجل وقور محترم نصحه بألأدب يتلم م الشارع قاله بدل ما تلمنى شوف دستورك لمه م الشارع *********** يا مغير حال العباد فى دنيتك من حال الى حال ماشى فى دنيا الله ساعى بريد رحال فى رحال وحياة حبيبنا المصطفى الرسول تيسر لنا الحال ليا طلب يا تخلى أبنى لاعب كوره يا تخليه بقال ********* مخبى أيه يا زمن أنت وألأيام صابر على بلوتى وعلى اللى كان أخش برجلى يمين تطلع شمال قدام ناديت على راجل ماشى طلع البعيد مدام *********** يازارع بزرة الحب جوه قلوب الناس الكره صناعة البشر وهو فعل الناس أمشى مع البشر وعيش وسط الناس خلى مشيك عدل وسيبك من كلام الناس *********** حسن عمران www.dastor.net omran55.maktoobblog.com omran55.blogspot.com dastor76.blogspot.com

إن لله وإنا أليه راجعون

________________________________________ البقاء لله وحده توفى الى رحمة الله تعالى أثر حادث أليم نتيجة تهور رجل مسن لا يحسن القيادة ومجموعة من المتخلفين عقليا لا يعلمون قيمة الوطن ولا يعتد بشهادتهم فى الحادث الذين تسببوا بجهلهم فى وفاة رجل وقور عاش بين الناس بأحترامه ونكن له كل الحب والتقدير ألسيد/ دستور المصرى .الذى عاش بيننا حياة كريمة حظى من خلالها بالحب وكان بمثابة ألأب وألأخ للجميع نسأل الله له الرحمه ولأهله الصبر والسلوان نطلب من الله ألا يريكم مكروه فى عزيزلديكم تقبل التعازى على هذا الموقع بأسم أمه مصر والمواطن الملكوم : حسن عمران أو على : www.dastor.net omran55.maktoobblog .com Omran55.blogspot.com Dastor76.blogspot.com

بما أن أبريل شهر الكذب فمن حقى أن أفك عن نفسى

بما أن شهر أبريل هو شهر الكذب فمن حقى أكتب اللى أنا عايزة بدون جمرك وأليكم بعض عناوين الصحف القومية والمعارضة الصادرة فى أبريل 2007 ألأهرام : أسقالة حسنى مبارك وأصرارة عليها يضعنا فى مأزق وحيرة فى هذا الوقت بالذات الوفد : مبارك بعد ألأستقالة يقرر ألأقامة فى سويسرا بعيدا عن الضوضاء مع عائلته وأبنائه ألأسبوع : ليه يا ريس دا أنت كويس وأحنا بنحبك ألأختلاف فى الرأى لا للود قضية المصرى اليوم : آخر قرار أتخذه مبارك قبل ألأستقالة هو أقرار التعديلات الدستورية بناء على رغبةالشعب والمعارضة ألأخبار : يجب أن نتحدث عن أنجازات مبارك حتى لو كان فيه أنهيار فى التعليم والصحه والمعيشه وأنتشار الفساد والفقر روز اليوسف : ألأمنية ألأخيرة لمبارك قبل رحيلة عمل تمثال من العجوة بالحجم الطبيعى ليأكله الشعب وبذلك تنخفض حدة التوتر بينه وبين الناس وآخر ما يتذكروه هو طعم العجوة الجمهورية : حتى لا ننسى مبارك يجب عمل قانون ألأبقاء على مسميات ألأماكن كما هى ليتذكره الناس بالطريقة اللى عايزينها الشعب : أرتفاع أسعار القلل القناوى بعد علم الناس برحيل مبارك ولتسهيل الموضوع على الناس وحتى لا تحدث أزمه فى القلل ممكن أزيار وقصارى زرع أو أى شىء مصنوع من الفخار الحمد لله أرتحت لما قلت اللى فى نفسى ************** حسن عمران www.dastor.net omran55.maktoobblog.com omran55.blogspot.com dastor76.blogspot.com

الفلاح الفصيح

-------------------------------------------------------------------------------- آه يا جسمى يانى ياللى أتمليت أورام كل ما يروح ورم يطلع مكانة أورام الفقر كان شوية دلوقتى بقى سرطان خلا جسمى نحل والهيكل بقايا أنسان وعلومنا كانت معانى راحت فى خبر كان ولادنا معدتش تفهم ألأنس من الحيوان الصحة خلاص معتلة الله عليك يا زمان خلتنى بقيت محتاج للى يسوى و كان رحت أشوف الدوا علشان استأصلة قالولى أطبا القلب دستور ك يا مصرى هو حيعدله لفيت طول البلاد أدق على ألأبواب لا حد قادر يسمع ولا منى يشترى أحتار دليلى معايا يا اللى سامع ندايا ما يالله غنى معايا لمصر وألأنسان وندور زى الزمن نحكى محن الوطن وندق على الدفوف من غير رعب وخوف ونحكى تانى الحكايا ونروى للناس الروايا عن مصر أم الصبايا اللى جار بيها الزمن جوزوها من غير رضاها فرح صوان عزا عريس وارد جهنم ما تيالله قوموا قومه يا ناس اسمعونا من أسوان لسينا مصر دى بلادكم وأنتوا اللى لينا ياللى فهمت كلامى أهدي اليك سلامى أمانة أحكى الحكاية للناس والزمن ********** حسن عمران www.dastor.net omran55.blogspot.com dastor76.blogspot.com omran55.maktoobblog.com