حبيبه والكلب

دقيت على ألأبواب أسأل أيه جنيتيه فى حياتك لما شافك كلب البعيد اللى بيحميه كلاب باعوا وطن الذهب أستبدلوه بالحديد هو أسمه بس تركى ولا هو عاد بيحكم حكم عثملى البعيد أنتى مين يا حبيبه ولا فاكرة بابا حسنى راح يحس بيكى ولا حتى يقول دى بنتى أو دى من رعايتى ولا تاخده الحرارة يقوم بغارة من حديد لا يا بنتى أحنا فين أحنا فى عصر النخاسة أسمعى منى يا بنتى أنتى زهرة وكل زهرة فى مصر لما تتفتح تخلى مصر لينا جنة تفوح روايح وسط بيتنا أنتى ورده لينا حلوة بس نعمل أيه يا بنتى كلب أعمى زى صاحبة جابهم بلادنا الكلاب اللى سمحوا يحكمونا بالرشاوى والمحسوبية واللى خلوا مصر عادت يحكمها باشا ووسية أصبرى شوية يا بنتى بكرة تيجى من المولى ضربة شايلة اللى خلى الكلاب يبقالها قيمة والبلاد تبقى وسية *********** حسن عمران www.dastor.net omran55.blogspot.com dastor76.blogspot.com omran55.maktoobblog.com كلب من كلاب تركى بن عبد العزيز هجم على طفلة مصرية وشوه وجهها بدون أى ذنب أقترفتة

ودن من طين وودن من عجين

حمار مين اللى قال أن الريس راكب دماغه وسايق فيها على طول دا الريس بتاعنا أحسن ريس فى الدنيا ماشاء الله نمسك الخشب أحتفل باليوبيل الفضى على بقاءه فى الحكم جاسم على صدورنا وآدينا أهه عايشين الصحة تعبانه شوية مش مهم المهم صحة الريس الفقر زاد علينا شوية مش مهم المهم ثروة الريس التعليم أنهار وأتلخبط مش مهم المهم تعليم الريس تسيب وأنحلال وتعرى مش مهم المهم نعرى الريس فساد ة ومحسوبية مش مهم المهم محاسيب الريس أولاد شوارع ومشاكل مش مهم المهم أولاد الريس دستور وكلام وخلافه مش مهم المهم دستور الريس وزى ما أنتم شايفين وحاسين أحنا مرتاحين مبسوطين عايشين فى جحيم نايمين من غير عشا منكدين مرضى مهمومين وكلنا آخر فلة بالصلاة على النبى يا سلام عليك يا ريس جبتنا ورا خمسين سنه وفكرتنا بألأستعمار وألأحتلال روح يا شيخ هاتلنا باكو معسل علشان نمخمخ ونعدل الطا سة لأنها مش قادرة تستوعبك لنا الله ولمصر الصبر على البلاء *********** حسن عمران www.dastor.net omran55.blogspot.com dastor76.blogspot.com omran55.maktoobblog.com

جارك السو يا ينزاح يا تجيله زيحه

هذا المثل الدارج فى العامية المصرية لايمكن أن ينطبق على مبارك لأنه وتد متبت فى الكرسى لا تقدر تشيله ولا تقدر تزحزحه بعد أن ثبت نفسه بجد على الكرسى وبدأ فى التحضير لوتد جديد ليكمل حملة القهر والظلم التى أصابت مصر لذلك ماذا تفعل عندما تعلم أن جارك السولن ينزاح ولن تأتى له مصيبه بل هو الذى سيأتى لك بمصيبة فما هو الحل للخروج من تلك المشكلة التى لم تواجه مصر بتلك الشراسة هل نستسلم ونغوص فى مستنقع الفساد وألأستبداد أم نقاوم ونقاوم حتى نعيد مصر الى مسارها الصحيح ونحاول مترابطين يسار مع اليمين نفعل شىء من أجل ذلك الوطن الجميل أو نستسلم للظالم ونقول هذا هو نصيبنا وننتظر جارنا السو يا ينزاح يا تجيلة مصيبة قبل ما نجد أنفسنا لا حول ولا قوة لنا الله ولمصر الصبر والسلوان ********** حسن عمران www.dastor.net omran55.blogspot.com dastor76.blogspot.com omran55.maktoobblog.com

عم أحمد بتاع الفول

عم أحمد بتاع الفول كان زمان يمر صباحا فقط ينده على الفول والبليلة هذا شىء عادى لكن ان تسمع عم أحمد ينده على الفول ظهرا فهذا ألأمر لفت نظرى ونظر الكثير من الناس وسألته هل فيه ناس تأكل الفول على الغدا فقال بالحرف الواحد والله يا أستاذ الناس بتاكل الفول صبح وظهر وليل بسبب ديق العيشة التى وصلنا اليها والحالة السيئة التى نعيشها أنتهى حديثى مع عم أحمد ومشيت أتسائل كيف أصبحنا وكيف أمسينا وما الذى سنتذكره من عصر مبارك هذا العصر الذى أحال حياتنا من الستر الى البتر وما الذى سيقوله الناس بعد فاته هل ستقول الناس الله يرحمه أم ستقول أشياء أخرى ومن جانبى حاولت بكل جهدى أن أجد مخرج أو مبرر أو عزر لأفعالة فلم أجد له إلا أن يرحل ويترك مصرلنا لنعيد بناءها ونوجه الدفه الى المسار الصحيح لنا الله ولشعب مصر الصبر على البلاء ********** صابتنى أنيميا ووهن من كتر أكل الفول العيشة بقت ضنك والهم معانا على طول يا رب مش معترض على أمرك بس أنا بقول لو بس كيلو لحمه بتلوصغير تغير طعم الفول .................................................................. .حسن عمران www.dastor.net omran55.blogspot.com omran55.maktoobblog.com dastor76.blogspot.com

أعتصموا قبل الطوفان

أعتصموا قبل الطوفان هذا نداء الى كل حر أعتصموا قبل الطوفان نعم الطوفان الذى أكل وسيأكل ألأخضر واليابس ألآن ظهرت علاماته هو يتهمك ويلفق لك التهم والحقيقة هو المجرم. هو القاضى والجلاد وميزان الظلم فى البلاد يسرق ويدعى الشرف. يظلم ويدعى العدل. يهدم ويدعى البناء. يضع فى يديك السلاسل ويدعى ألأنصاف يكمم ألأفواه ويدعى الحرية. يرهبك يرعبك ويدبر لك المؤامرات ويدعى الوطنية. يلقى بك فى حفرة الفقر والمرض ويدعى الفضيلة .يخرب الدستور ويدعى التعديل .مكار لئيم يدخلك كل يوم فى متاهه يؤسس قواعد التفرقة والفتنة ويقول معارضة يا مصر لأنهم أبالسة يحكموا ليس لهم أصل ولا فصل يتبعوا كبيرهم فاأسعيزوا بالله منهم وتمسكوا بالعروة الوسقى وأعتصموا ففى ألأعتصام خير هذا رجاء لنا الله ولمصر الصبر على البلاء حسن عمران www.dastor.net omran55.blogspot.com omran55.maktoobblog.com dastor76.blogspot.com

فى عيد الحب يا مبارك

بمناسبة عيد البدع لاين والمسمى فى الغرب قالنتين وشهرتة عيد الحب نتقدم لك يا ريس بكيلو حرنكش وحزمه جرجير لزعيم مصر الكبير نشكوا الى الله حال العباد فى بر مصر أحنا لو أتغدينا ما بنتعشاش ولو أتعشينا ما بنتغداش والهدمه مهربده ما تسترناش والصحه معتلة والقلب سكنته العلة والفقر فى بيوتنا متورث من يوم ما حكمتنا ومدام ضاع عمرنا ومفضلش فيه حاجة محصور فى كلمتين عايز أقولهم حكمك لمصر خاب وخليتها خراب وبيزعق فيها الغراب والتعليم لا فيه ورقة ولاكتاب والتاريخ أتمحى وأحنا شهود عليك العيشة بقت مره فى حلق الزور حتى عصير القصب السوس جار عليه وورود الجناين دبلانه ومنكسرة من كتر ظلم الزمان والحسرة وقفنا محتارين ندعى ولا نعمل أيه راسى وجعتنى وعنيه من البكاء مألمانى روح يا شيخ بعيد عنا ومترجعش لنا تانى التوقيع / فالنتين ---------------- www.dastor.net omran55.plogspot.com dastor76.blogspot.com omran55.maktoobblog.com

قاعدين ليه ما تقوموا تروحوا

نازلين كتابة فى كتابة وهبابه ورا هبابه وقلم ورا قلم وكلام اصول أبن أصول من مش مغشوش وتكشفوا كل الغلط وتفضحوا الوشوش وتحكوا كانى ومانى وتفضحوا الزلبانى وتدخلوا السجون وتتهانوا وتعرفوا الناس الحقيقة وزيف الوجوه البريئة والغريب أنكم أولاد ناس محترمين ومثقفين تمتلكوا حرارة أجساد ووهبكم الله البصيرة لنصرة العباد وتضحوا بأنفسكم فى سبيل كلمة الحق وفى النهاية يا معارض مين يسمعك شعب لاهى فى التلاهى اى فرصة تجيله يجرى على الملاهى وتقف وحيد يا معارض ويحوطوك ويدوك طريحة بعد ما يخلصوا ويمشوا تتلم عليك أمم من الناس تتفرج والغريب أن كل دول متفرجين مش مؤيدين وتسمع كلام فى جنابك كأن سكاكين بتغز فى جنابك وبعضهم يتمصمص شفايفه على حالك ويسبوك مرمى سطيحه وحظك لو واحد شهم من ولاد البلد يشيلك فى صندوق عربية نص نقل ويسيبك عل باب المستشفى لك الله وللناس اللى مافهمتش المعنى بين السطور ليهم مبارك ............................................حسن عمران ------------------- www.dastor.net omran55.plogspot.com dastor76.blogspot.com omran55.maktoobblog.com

يمين طلاق

يمين طلاق يمين طلاق منك يا عايده ///// ومن عمايلك ومن جنونك قربت اهج واقطع هدومى///// قال طالبه لحمـــــــــه وهى عارفه ان السيرادى///// تجبلى وعكه واسهر ليلاتى ماهيه شايفه عم حسنى ////// طالع يقولى تصريح يوماتى وعمال يهاتى فى كل شعبه///// الأزمه خانقه والخطه ماشيه ويقول كلام سيكا وبياتى///// مالى هدومه من فجر يومه وحاكم بأمره من طرف رجله لشعر راسه فيه حد عارضه مقدرش اخالفه لأنه فاهم وادرى بحلاتى// شايفه حـــــــاله عامل رجيم كباب وسلطه اكله يوماتى// شوفى حالـــــــنا الفول يدوب نتغدا بيه وباليل نهاتى وبعدين يا عـــــــــايده الراجل بيتعـــــــب على الكــرسى قـاعد آخــــر أيافــــــه وع الشرم رايح محروس بناسه واهى تبقى لمه حلوة يوماتى يشوف المعارضه تجيله قرفه//// ويقول هاتولى عنب بناتى يمين طلاق منك يا عايده //// مدام دا قاعد فى حكم مصر لخلع هدومى واجرى ملط /// وانده غيثونى بأعلى صوتى مجنون يا عالم وراجل فلاتى بيحب مصر ---------------------------------------- حسن عمران www.dastor.net omran55.blogspot.com dastor76.blogspot.com omran55.maktoobblog.com

مصر فى متحف الفنون

المشاهد لمصر ألآن من زاوية الخيال يراها كا ألآتى: عربية كارو قديمه كاوتشت العجلة اليمين مقطوعة وموصولة وعاملة صوت وحمار عجوز بيجرها مليان جروح وعربجى سنه كبير مش قادر يسوق شوية تروح يمين وشوية يروح شمال والناس عمالة تزمر ولكنه لا يسمع وفى آخر العربية عيل راكب فى قفه متعلقة من تحت عمال يحدف الناس بالطوب هذه اللوحه المرسومه لمصر فى معرض الفنون تعطيك من الوهلة ألأولى أنطباع بالحالة التى وصلنا أليها ولكن عندما تنظر الى اللوحه بأمعان وتعيد رسمها فى خيالك فتراك تلقائيا تستبدل اللوحه بعربة رمسيس الحربية وهو يقاتل ألأعداء أو صلاح الدين وفرسه وهو يحرر القدس وعندما ترى اللوحه الحقيقية فى الواقع تجد دموعك تنهمر حسرة وألم على مصر ولك منى وعد يا مصرى سنتواصل فلا تحزن ففرج الله قريب لنا الله ولمصر الصبر والسلوان ************* حسن عمران .................. www.dastor.net omran55.blogspot.com dastor76.blogspot.com omran55.maktoobblog.com

المعارضة عاملة عارضة

المعارضة كاتبة عارضة مقدماها قايلة فيها عايزة تخلع دستور سيادته من جزوره قايمة تزرع بذرة وردى فى قلب أرضه طرحه شوكه مرة علقم فى قلب حلقه أم جنابه ركب دماغه قال عليا وع المعارضه قام يحط جنب أيده سله كل يوم يلم ورقه ويقرا فيه آه يا ورقه قد أيده لما ترمى يروح رميه هو ده برده فيه حد شاغله ولا فكرة راح يفكر حتى فيه هو ديزل قطر فايت صوته عالى من بعيد والمعارضة فى السبنسه متشعلقه فى ديله البعيد وهو قاعد فكره وداه ومرة واحده راح يجيب شعب كله هم غم قال أطبق أمثال الجدود أضرب المربوط بشده السايب على طول يخيب أدى أمرة لكل تابع من توابعه من النهارده خدها منى أمر عالى فى البلاد على طول ينفذ التزوير فى الأنتخاب واللى عايزه بس يمشى سلطان بيحكم فى البلاد والوريث من بعدى يحكم والمعارضه تروح تذاكر من جديد الحساب وجدول أضرب فى الكتاب طول ما تركب السبنسه صوتك حا يفضل بعيد ****** . حسن عمران www.dastor.net omran55.blogspot.com dastor76.blogspot.com omran55.maktoobblog.com *****

سلملى على الجماعة

هذه الكلمه فى بر مصر مقصود بها سلملى على أهلك هذا فى السابق لكن اليوم أصبح عندنا مأئه جماعة على سبيل المثال لا الحصر أصبح عندنا جماعات بدأ من جماعة ألأخوان جماعة الناصريين جماعة الشيوعيين وجماعة العلمانيين وجماعة الوفديين وجماعة العلمانيين وجماعة كفاية وجماعة اليمين وجماعة اليسار وجماعة الصلاة على النبى عليه الصلاة والسلام وكل جماعة رافعة شعار إذا لم تكن منسوب لنا فا أنت من المنبوذين فلا تقترب منا أو نحن صح والباقى كله خطأ وبناء على هذا الشعار تفرقت المعارضة وأنعدم العمل الجماعى والتنسيق بينهم مما أضرهم وجعل الحاكم يتحكم أكثر من ألأول وهذا ما حدث فى مظاهرات القضاءوالتى كان يجب على كل صنوف المعارضة الوقوف بجوارهم بل شعب مصر كله وكانت الفرصة سانحة أمامنا للتغييرولكن عدم التنسيق أفسد علينا كل شىء وهذا ما يحدث أيضا فى مظاهرات كفاية لذلك إذا لم يكن فيه تنسيق بين المعارضة فلا جدوى من التظاهر إلا فى وجود عمل جماعى كامل يغير الوضع *********** حسن عمران www.dastor.net omran55.blogspot.com dastor76.blogspot.com omran55.maktoobblog.com

دولة السلطه وسلطة العنب

دولة السلطه وسلطة ورق العنب أولا : يجب أن نعلم أننا جميعا مصريون وأن النقد ليس معناه المساس برموزنا ولكن معناه أن نطرق أبواب الحقيقة لأجل مستقبل أبناءنا وليس لنا فى الدنيا ناقه ولا جمل إلا العمل الصالح الذى سينجينا يوم العرض الكبير فلنتعرف على دولة السلطه قبل الدخول فى الموضوع : هى دولة سلطات ومؤسسات سواء كانت سلطه تشريعية أو قضائية أو تنفيذية وهى دوله لا تنشأ حكمها على الفرد ولكن على الجماعه وتسلسل سلطاتها من أعلى ألى أسفل ويكون فيها حرية تداول السلطه وأحزاب قوية تساعد فى كشف الحقائق وتتداول السلطه وهذا النظام تقل فيه المفاسد والتسيب وهو نظام ديمقراطى حر أما سلطة الدوله : هى عبارة عن حكم فردى وتغيب دور ألأحزاب والجماهير وألأنفراد بالرأى وهى تتألف من حاكم ديكتاتور وحاشية وهى دولة تساق بالعصا تقل فيها الحريات وتكثر فيها المظالم وهذا النظام الذى أضر بمصر وقد أعتمد على مصادرة الرأى وتبديل الحقائق والتطبيل والتهليل للحاكم وأيهامك أنه آلاه لا تقترب منه وكأنهم يعبدوه فا بالرغم من عظمة ثورة يوليو إلا أن ما أعقبها من حكم ديكتاتورى أفسد فرحتنا جميعا مع أحترامى الشديد للناصريين فهو بشر وليس ألآه وكل أبن آدم خطاء فا بالله عليكم لماذا ذهبنا الى اليمن هل كانت محتله من أحد ومن سيعوض مصر خسارتها من ألأموال والشباب فى تلك الحرب ألم نكن نحن أولى بها وكم يساوى أصبع أبن من أبناءك إذا بتر وما الذى حل بنا فى 67 ألم نهزم وأحتلت أراضينا كم عدد المعتقلين ولم نعلم عنهم إلا بعد وفاة عبد الناصر بالرغم من أنه كان زعيم وطنى لن يتكرر ولكن سلطة الدولة لم تعلمنا الحقيقة إلا بعد وفاتة ثم أتى حكم السادات وأيضا شابه الكثير من العيوب بالرغم من النصر فى أكتوبر المجيده إلا أننا أكتشفنا فيما بعد بوجود ثغرة كادت أن تقضى علينا ودخلنا فى ألأنفتاح ودمرنا أكثر من مليون فدان صالحة للزراعة بحجة التعمير وذهبنا نستصلح الصحراء وهذه سلطة الدولة ُم أنتقلنا ألى هذا العصر عصر الهم والغم وألأمراض عصر مبارك والذى لم ترى مصر قبله أو بعده مثله فى الفساد والتسيب والنهب وفساد السلطات وسمعنا مرات ومرات أن من أنجازات مبارك تجنيب مصر ويلات الحرب أو جرها الى الحرب أمال من ذهب لحرب الخليج اليست هذه حرب وما ذا كان يحدث لو كان صدام يملك أى شىء خطير وألقاه على جنودنا ومات عدد كبير هل كنا سنقول قضاء وقدر وهل حرب الخليج حلال وحرب أسرائيل حرام هذا القدر لا بد أن نتخلص منه ليأتى فجر جديد فى ظل دولة السلطه المحترمه وليس فى ظل دولة ألأستعباد لنا الله ولمصر الصبر على البلاء أسف على ألأطالة..لكم تحياتى .................................................... حسن عمران www.dastor.net omran55.blogspot.com dastor76.blogspot.com omran55.maktoobblog.com