شيلاه يا أبو حصيرة

شيلاه يا أبو حصيرة مثلما يفكر اليهود ويمكروا فنحن نفكر ونمكر ايضا ولكن الفرق بيننا وبينهم إننا على حق وهم على باطل كما جاء فى كتاب الله وللتوضيح هذا المسمى أبو حصيرة ما هو إلا حجه يهودية لوضع لوضع قدم دائم وأتصال دائم بمصر وللعلم هؤلاء اليهود لا يأتوا على حسابهم ولكنهم يأتوا على حساب منظمات يهودية وبرعاية الموساد الذى يبارك مثل تلك الخطوات لأنها من صميم عمله ومدام ألحصيرة مفروده والحاج قاعد على الدكه وخايف عليها ليخدوها ويضيع الميراث منه فلا بد من شوية تنازلات ووضع قدم مصحوب بشراب وفردة جزمه لليهود فى مصر ثم بالله عليكم حد يعرفنى مين أبو حصيرة ده هل هو من قوم سيدنا موسى ولا من أهل الدعوة ولا مستحماش ومات محصور ياأهل الحكومه لموا الحصيرة قبل ما تبقى سجاده وأتقوا الله فينا ---------------------- شيلاه يا أبو حصيرة ....................................................حسن عمران ************** www.dastor.net omran55.blogspot.com dastor76.blogspot.com omran55.maktoobblog.com

كل ما أقوم م النوم أنام تانى

كل يوم أقوم م النوم أنام تانى أمسك جنابى ألقى جنابى مألمانى كل عظمى مكسر وركبى وجعانى وودنى خلاص أنسدت م السمع يانى كل هموم الزمن أتجمعت ومحصرانى فقر وبطاله وفساد ليه كده يا زمانى ودستور نحاول نعدله يعوجوه تانى رحت لطبيب مداوى يكتبلى دوا تانى قالى دواك مش هنا ولا هنا عنوانى عايز تخف م الوجع وميرجعش الألم تانى سد ودنك م اللى بتسمعه كليبات وأغانى سيبك م اللى يقول يا حمار وهيفا وآه يانى وعيش أسبوع ما تشفش صورة الريس وأنسى كلامه وطلته وأسمع حليم من تانى حتلاقى نفسك شفيت ورجعت شباب من تانى ***************** يامصر يا صابرة على الزمن واللى أتجوزوكى لو كان يعرفو قيمة عظمتك لأنحنوا وأحتراموكى ألأصول يسألوا على ألأصل وبعدين يخيروكى أشرفلك تطلقى ماللى ما قدرك وترجعى بيت أبوكى ***************** يا شايل هموم الناس والزمن مين يشيل همك عايش دنيتك فى حب الناس ولا شىء همك الظهر تتغدى ومن غير عشا تنام ولا يهمك تعيش تدافع عن حياة الناس وتموت مع همك ***************** عجبى على بنت ناس أصيلة باعوها لخسيس من اول بداية الطريق أنكشف و بان الخسيس من بعد عزة نفس وكرامه حب يوطيها الخسيس بكرة يتبدل الزمن تفضل هى أصيله ويموت هو خسيس ***************** يا عم يا اللى صارف فلوسك على الحشيش ليلا تى وتقول أصل كيف المزاج بينده علي اللى زى يا آتى يا عم كيف مراتك والعيال بيناموا فى الهموم ليلا تى لو كان كيف المزاج بيفيد كان خلى ألأعمى ساعاتى ***************** أيه يفيدك يا مغرور لما على الناس تتعالى وكل واحد يدعوك تجيله تقوله لا أنت تعالى النهار ده كله ليك وبكرة الناس عليك تتعالى لو كنت عارف إن الزمن غدار ما ف يوم تتعالى ************** يا مصرى يا شارب الهم والغم وبايت فيه نفسى فى يوم يفرح ويبتسم والخير يجيه كريم بشوش وأبن نكته وقلبه الحزن ماليه سنين عايش مآسى وصابر أتكلم ساكت ليه ************ www.dastor.net omran55.blogspot.com omran55.maktoobblog.com

ليس العيب فى مبارك..............يا سلام

ليس العيب فى مبارك.........يا سلام العيب كل العيب فى الراجل اللى بيوصل نبض الشارع للرئيس لأن مبارك راجل بيحس وبيشعر زى كل أنسان وراجل عنده زوق ودم لأن لو هذ الرجل قاله يا ريس الشعب مريض وتعبان وحاله ما يسرش كان الريس قدم أستقالته ولو أن هذا الراجل قاله يا ريس البلد أتملت بطاله وفساد ورشوة وتسيب كان الريس قدم أستقالته ولو أن الراجل قاله ياريس حالة التعليم ما تسرش والفقر ذاد عن حده كان الريس قدم أستقالته ولو أن الراجل قاله يا ريس أن الشعب فاض بيه وعايز يغير الدستور كان الريس قدم أستقالته لأنه راجل بيحس ويشعر بنبض الشارع وعنده دم لكن الراجل فى الحقيقه بينقل صورة مغايرة للأحداث وبقوله الشعب بيحبك يا ريس الناس كلها أتعشت ونامت والعيشه معدن وكل البلد صحتها كويسه فلذلك أنا بقترح على الريس أن يتخفى وينزل ألى الشارع ويسمع بودنه ويشوف بعينه الناس بتقول عليه أيه بس المهم ما حدش يعرف شخصيته ومن باب ألأحتياط ياخد حرس زياده ويقفوا قريبين منه لأن الناس لو عرفته أنا مش مسؤل على اللى بيحصل عل وعسى يجى الفرج ******************* www.dastor.net omran55.blogspot.com omran55.maktoobblog.com

حتى أنت يا أبو النجوم

حتى أنت يا أبو النجوم 25 سنه مرت من عمرنا ونحن فى الواقع نحسها وكأنها قرن من الزمان إلا إن غصه القلب وسوء فترة الحكم تجبر المرء على أن يحتفظ بأشياء مره فى حلقه ومثبته فى ذاكرتة وذاكرة تاريخ مصر 25 سنه ذهبت والجراح لازالت تتفتح وترفض أن تلتئم جراح ملايين من قلوب المصريين توجعت ومثلهم يندبوا حظهم العاثر وملايين العيون تبكى نصيبهاا وتشكوا لله أمرها وبعد تلك المآسى تأتى الرياح بما تشتهى ألأنفس فقد طالعنا الدكتور /عادل عبد الرحمن صاحب نظرية ألأكواد الرقمية والملقب ب أبو النجوم والتى أشارت له بأنه سيحدث تغيير وزارى لأربعة وزراء فى مصر ولم تمس تلك النظرية حسنى مبارك وولده قد ايه القسوه شديده علينا حتى فى البخت والطالع ألأمر لله ...كذب المنجمون ولو صدقوا ما بين طرفة عين وأنتباهتها يغير الله من حال الى حال *************** يا كاشفه الغيب والبخت فى الفنجان شوفيلى الطالع طريقى كله حفروسدود وحواجز وواقـــف مش طالع قالتلى العرافه قدامك سكه سفر تمشى وتعبر وتطالع أول كيلو متر سقط فى حفرة وقالوا مات ومش طالع *************** www.dastor.net omran55.blogspot.com omran55.maktoobblog.com

لو ظهر هلال رمضان وأحنا فى وقفه عرفه نصوم ولالاء

يا أهل مصر مشايخ قساوسه مثقفين معارضين عمال فلاحين طلبه أطباء مهندسين مصر تتفكك وسنفقد مقومات الدولة وسنصبح فرق وقبائل لو لم نأخذ مبادرة جاده لأيقاف مسلسل الفساد ومهزلة التوريث والنظر الى فجر جديد لمستقبل مصر كلها وهذه دعوة للتنسيق بين احزاب المعارضة والحركاته المصرية الساعية الى المستقبل للقيام بعمل أعتصام الجمعه وشل حركة مصر كلها لمدة ساعتين أو من بعد صلاة الجمعه الى صلاة العصر نعتصم على ارصفة الشوارع العمومية القريبة من منازلنا بدون عنف مع كتابة مطالبنا ليراها العالم كله والتى فيها خلاصنا كلنا وضمان مستقبل أبناءنا والتى تنحصر فى ثلاث بعدها نفكر فى الباقى ************ أنتخاب رئيس من بين عشرة مرشحين قصر مدة الرئيس على مدتين فقط عدم ترشيح أقارب الدرجة ألأولى قبل أنقضاء مدة قانونية على ترك الحكم ********** هذه المطالب لن تجعل فى مصر فساد ولا سرقة ولا عدم تنفيذ خطه ولا راجل يحكم ويصاب بجنون العظمه وسوف تتضح أمور الظالم أولا بأول قبل أن تتفاقم المشاكل وتزيد بعدها يتم أعادة صيغة الدستور المصرى ليتوافق مع هذا العصر ************ أرجوا تحديد الجمعه عن طريق التنسيق بين الحركات المعارضه وأحزاب المعارضة وحركه كفاية ********** مش كفاية أنك تقول للغلط..........بس كفاية مش كفاية أنك تقول للناس........خليك معايا مش كفاية أنك تقول للظالم..........ليك نهاية مش كفاية أنك تقول لكل حر........ردد غنايا مش كفاية أنك تقول للكل لا........ بس كفاية الكفاية أنى أوضع حد ..............لكل نهاية الكفاية أنى أنظم مسيرة........وملايين معايا الكفاية أنى أقوله أرحل.............دى البداية الكفاية أنى أقول للوطن .........عينى ومنايا الكفاية انى أقول كلنا..............حركه كفاية ************* لا تنسوا ثورة الرصيف ***************** www.dastor.net omran55.maktoobblog.com

صباح ومساء 2007

صباح ومساء 2007 صباح الورد والياسمين يا مصريا باقية والخونه رايحيين صباح نادى على بلادى وعلى اللى الشايف والسامعيين صباح هادى على اللى صلى الفجر فى الجامع صباح قتاح على اللى بيروى أرضه بعروقه صباح شامل على عامل بيبنى وشغال فى الفاعل صباح الفول والطعمية لعم عبده والعربية وكل اللى واقفين حواليهابياكلوا صباح عندليب لكل واحدعلى القهوة بيشرب شاى بحليب وساعى على رزقه صباح سكر مكرر لكل جندى رايح على وحدتة يحرس حدود وطنه صباح وردى على عيون أطفالنا شايلين كتبهم ورايحين المدرسه صباح عنبه على بياعين سريحه فى الموسكى والعتبه صباح أبيض ومعاه بوسه لكل عروسه مشرفه الزفه صباح سمك مقلى لكل أهل أسكندرية والدلتا والبحرى صباح جديد من باب الحديدلأهل سينا ومطروح والصعيد صباح الحب لكل شابه رايحه الجامعه لابسه توب حشمه صباح العزه لكل شاب متزن يمشى بمعزه لا بانجو ولا هزه صباح شامل كامل على راسى لكل أهلى وأصحابى وناسى صباح ختام فايح روايح على هواكى يا بلادى وأنتى ف العزه """""""""""" مساء كحلى وقطران على حاكم بيحكمنا بمظالم مساء أسود ومنيل على حكومة بتشجع الظالم مساء مية مية لنواب القروض والشيكات والبلطجية مساء بدون تزييف لعم أحمد نظيف رئيس الحرامية مساء بدون لومه لكل خاين مصر وماسك ديل الحكومه مساء يالله نتشارك وطلع اللى فى جيبك وأديه لأبن مبارك مساء الظلم والعدوان على شعب أصيل نهبوا خير بلاده مساء العطف وألأحسان لكل صاحب عيال ومحتار بيهم مساء المسك والعنبر على كل أم مصرية ربت وعلمت جيل مساء النور على بكرة يزيح عننا عتمة الضلمه والعفارييت مساء نادى على بلادى وعلى كل ذرة تراب فيها تتروى بدمى مساء ثورة على ثورة وعلى كل اللى فاهمين قصدى والمعنى صباح ومسا بكرة حيكون أحلى من النهارده خلى عنك أمل فى 2007 سنه التغيير """"""""" www.dastor.net omran55.maktoobblog.com

كلمات قبل السفر

كلمه حق قبل السفر قبل السفر الى لآداء فريضة الحج أحب أقول لكل مصرى ما دمت صابر ومتحمل سيتمادا عليك الظالم ويتطاول ودائما تضيع الحقوق لأن أصحابها يتركوها ويقولوا ربنا على الظالم هذا الكلام فيه ضعف ولا يصح أن يقال من جند الله إذا أردت حقك يا مصرى على صوتك بالمطالبه ولا تيأس وتذكر مصر بلدك وليست بلد حاكم وتأكد إن أنتقال الحكم بالوراثه معناه لن يتبقى لك شىء وإنما ستصبح غريب دارك غريب أهلك غريب وطنك وتلك المرحله ستكون علقم فى الحلق فلنتحد جميعا بجميع فئاتنا لنرى نور بكره مشرق على وجه الوطن قبل أن يتفكك تحت حكم راجل يستند على عصى ويقودنا الى التهلكه لى أقتراح بسيط لماذا لا ننسى أنتماءتنا وننتمى كلنا الى جماعه كفاية حتى لو كنا نتبع أحزاب أو أفكار وذلك لتوحيد صفوفنا تحت راية واحده ونكون جميعا يد واحده تقوى على التغيير ونرفع شعار الله الوطن """"""""""" www.dastor.net omran55.maktoobblog.com

باى باى 2006

باى باى 2006 سنه سودا يا جميل سنه ضلمه سنه عتمه على حكامنا الخناشير يقوم م النوم يعطس ويخبط فى الحيطان رجله تروح شمال ويبرتع باليمين العصمه فى إيده يبنى وعقله مش سليم فكرة بيروح شمال والناس فى اليمين مفكر أنه عمده وبيحكم فى الحريم أخرته بيت ف أبو زعبل ويغرق ف قلب الطين مين حدفك بس علينا ملعون أبو السنين خلاص الناس زهقت الحق على القديم اللى حطك نائب فى بلادنا من سنين قدر مكتوب علينا نعيش مظلومين الحر طق مات والباقى ف الزنازين أسمع يا مصرى نصيحه بدل ما تغوص فى الطين يا تهدم أسوار الزل يا تعيش على طول مسكين """"""""""""" www.dastor.net omran55.maktoobblog.com سنه سودا على الحكام سنه سودا على الحكام واللى جابهم لينا الراجل ماشى يكح وعمال يتحكم فينا ولما نقول الحق يطلق كلابه علينا ويفتح الزنازين ويحط سلسال فى أدينا ويسوق هبله علينا ويقولك أنا العمده والمنصب جوه العيله الفقر رت هدومنا والعته كلت الخطه وألأمر مش بأدينا ما تيجوا نعمل حاجه ياأخونا الحق علينا بلاش ندفن راسنا ونسيب الظالم يرعى ويضلم ليل أهالينا تعالى أمسك مشعل ننور بيه الدنيا ونقوله يا الله أرحل دى مصر غالية علينا """"""""""" www.dastor.net omran55.maktoobblog.com

لا تنسوا هذا عصر مبارك

لا تنسوا حسبى الله ونعم الوكيل الصور لا تكذب

دعاء شعب مصر على الحكومه

اللهم اكسر ارجل كراسيهم/واقلبهم على جنبيهم/ويقعوا واحنا نشيل فيهم/ ويسييبوا مناصبهم/ وكل الامراض تصيبهم/ ويناموا فى مستشفى ويا كبيرهم/ يا امبابه يا الدمرداش يا باب الشعرية/ ويدوهم دوا فاسد زى لبن الاطفال/ ياخدوه يجيلهم اسهال/ ويروحوا للبتاع يلقوه مقفول/ ولما يفتحوه ما يلقوش فيه ميه/ ولا يطهروش ويطلعوا بره/الهم اجعلهم يزروتوا الممشى/ وكل الدكاترة والممرضات تقرف وتمشى/ ومحدش يخدمهم ويناموا بريحيتهم/ ويتعروا بالليل والبرد يزكمهم/ اللهم احرمهم من اللحمه /علشان يحسوا الفقر/ ولما ياكلوها يجلهم جنون البقر/ وميعرفوش السبت من التلات/ ويسخنوا وندخلهم الحميات/ اللهم احرمهم من لحم البط والنعام/واذا كلوه تجيلهم انفلوانزا الطيور/ ونعزلهم فى جبل الطور/اللهم اكسينا وعريهم/ وركبنا ومشيهم/ واشفينا وعييهم/ وعلينا ووطيهم/ اللهم ورينا يوم فيهم/ اللهم بطهم ووزهم ولا تنعم عليهم/ اللهم ما فرج عليهم الناس فرجة الحاوى/ولم عليهم الناس لمة الحرامى/ اللهم اوجد لأولادنا عمل واجعلهم عاطليين/ واوجد لنا سكن واجعلهم مشرديين/ اللهم ما امنع عنهم اللحم الضانى واطعمهم بصارة/ولحم الغزال واذقهم مرارة العدس/ وامنع عنهم البط والنعام واطعمهم فول ومش/واخلع عنهم الحرير والبسهم الكستور المدعم/واحرمهم من الشبح والبودرة والحوت وركبهم اتوبيس شبرا او ميكروباس الدويقه/ هذا دعاء شعب خير بلده نهبوه نواب القروض واصدقاء اليهود .............وابناء عبد المعبود """"""""""""""""" www.dastor.net omran55.maktoobblog.com

العمى عمى البصيرة لا عمى البصر

نعم اعمى البصر انعم الله عليه بحاسة القلب والسمع والحفظ والاحساس اما اعمى البصيرة فحدث ولا حرج هوى يرى كل حاجة ويعمل نفسه مش شايف هو يسمع كل مايقال عنه ويعمل نفسه مش سامع هو يحس بأحساس الناس ويعمل نفسه مش حاسس هو كثير الكلام-عدو الاسلام-طويل اللسان-يجلس ولايقف-يعيش فى الاوهام-ويلبس ثوب هامان -ولايتعظ من الايام-ويظن انه فرعون هذا الزمان-ويغرق فى بحر الاوهام-ولايدرى انه سيذهب فى خبر كان-عندما يرى قابض الارواح فى المنام-لن ينفعه الحرس والسلطان-ويعلم ان كل من عليها فان-ويغسل ويكفن ويدفن فى التراب ليرى العذاب الوان- ولن يبقى الا وجه ربك ذو الجلال والاكرام- والسلام ختام وبينى وبينكم الايام-تريكم العبد مهما على ليس له ملك او سلطان- نقول الله يرحمه او ذهب مثل فلان -لم يتعظ ويعزب فى قبرة حتى يبعث يوم القيام لسانه شاهد عيان على أفعاله يقول له ألآن أنت بين يدى الرحمن لن ينفعك حرس ولا سلطان خذ أعمالك فى كتابك وأعلم أن ظالم البشر ليس له شفاعه أو إحسان فا ألى جهنم وداعا يا أنسان فيرد يا ليتنى أنا ندمان وما الفائده فات كل شىء أيام ما كان لك سلطان ونسيت أن سيد الخلق هو الخالق الرحمن فعليك اللعنه يا أنسان """""""""""""" www.dastor.net omran55.maktoobblog.com

يرتفع ضغط الدم ولا ترتفع الحرارة

حسبى الله ونعم الوكيل فى الريس المستعظم والحكومة الفاسده هذا الكلام رد طبيعى للخبر الذى هبط كا الصاعقه وجابلى هبوط ديون الدوله التى أرتفعت منذ برنامج الأصلاح ألأنتخابى الفاشل والذى نبهنا عليه من قبل من شهر مايو 2004 ألى مايو2005 بمعدل 81 مليار جنيه بأجمالى مبلغ 511 مليار جنيه حتى مايو 2006 أيها المصرى بالله عليك أى شعب متحضر فى العالم يتحمل كل تلك الصدمات بون أن يصاب بضغط الدم ولكن للأسف يرتفع عندنا الضغط ولا ترتفع حرارة الجسد لنتحرر من هؤلاء الظلمه التى لم ترى مصر مثلهم على مر العصور ولم نرى مرحله فساد مثل ما نراه ألآن ومن حقنا أن نتسائل ما مصير أولادنا غدا فيما نراه اليوم يجعل رؤيا المستقبل معتمه فلن نرى نور بكره إلا إذا تكاتفنا جميعا ولا زلت متبنى دعوة ألأعتصام على ألأرصفه العمومية من بعد صلاة الجمعه الى صلاة العصر وعلى المعارضه وألأحزاب أن تنسق فيما بينها لأختيار الجمعه المناسبه لتنفيذ ألأعتصام أولا لنعلن للعالم بأننا نرفض هذا الريس وفكره الذى هدم البلد ودمرها وننقذ ما يمكن أنقاذه فليحيى محمد كريم وعمر مكرم ومصطفى كامل وعرابى وسعد زغلول وطلعت حرب وعبد الناصر وعبد المنعم رياض ووالجمسي وأحمد أسماعيل على وكل القضاه المحترمين وشعبان عبد الرحيم وأبو تريكه فوقوا يا بلد أنتم فى غيبوبه والمصيبه أكبر مما تتصوروا الله أما بلغت الله أما أشهد لكى الله يا مصر ولنا الصبر والسلوان """""""""""""" www.dastor.net omran55.maktoobblog.com