قليل الاصل لو عاب فيك ....

قليل الاصل لو عاب فيك .. ردى بأختصار سيبه .. وقبل ما يبيع ودادك .. اسبقة و بيعه .. و لو طال لسانه عليك .. بالسكات عيبه .. و لو حب يرد اعتباره.. ااقفل الباب على ايده .. خليه يموت م الغيظ و يطق .. و تنكسر عزيمتة من صبرك عليه بالحق .. و لو حاول يقرب منك .. ابعد عنه علشان يروح و يطق ... عجبى
معلم فحمه .....

__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!

معلم فحمه.-.-.-.-.-.-.-.-.-.-.-.-.

---

التعديل الأخير تم بواسطة : hassan omran بتاريخ يوم أمس الساعة 01:44:15:America/Los_Angeles.

رسالة الى ... فلول النظام اللى لسه بيتكلموا

رسالة الى ... فلول النظام اللى لسه بيتكلموا
يا عم بطل بلاش جعجعه .. وأخرس ما تنطاقش .. أفعالك المرقعة خلاص ما تنطاقش .. يا أبو فعل معووج خيبان ما تنطاقش .. ايدك قصيرة و تمد ف حق غيرك .. عيب عليك يا جحش .. صوت الحمار عليى .. وساعة الجد أخرس ما ينطاقش .. يا ريت تختشى وتتوارى وتعرف .. مالكش مكان بينا لانك ما تنطاقش ...عجبى
معلم فحمه .....

__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!

معلم فحمه.-.-.-.-.-.-.-.-.-.-.-.-.

---

التعديل الأخير تم بواسطة : hassan omran بتاريخ يوم أمس الساعة 01:42:17:America/Los_Angeles.

يا صاحبى لا تكن كا الأغبياء ....

يا صاحبى لا تكن كا الأغبياء تحب جمال مجروح .. قيمة وسيما ووشوش ملونه وف كل مكان مفضوح .. تلاقى بوزها ورفارفها ووشها وسقفها من كل تمساح ممسوح .. ولما تكبر ومن وشها البويا تروح .. تشوفها كيف قطنا المجروح .. لا حد راضى يلمسه ولا يداوى له جروح .. مالها بنت البلد أصل وفصل و فيها بشاشة و روح .. يا تشيل يا أبنى بشهامة .. يا زى ما دخلت بابنا منه تروح ... عجبى
معلم فحمه .... 

__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!

معلم فحمه.-.-.-.-.-.-.-.-.-.-.-.-.

---

بحبك يا مصر …..

بحبك يا مصر ….. بحب أبتسامتك وشمسك وقمرك .. و عينك ورمشك وحتى الجفون .. و بدعى لربى يحفظلى سلامتك .. سلامتك يا مصر من كل العيون .. بحبك بقلبى ياقلبى بحبك .. تغيبى تروحى مهما بعتى .. أو حتى أما تيجى جنبى وقربى .. بحبك يا مصر……. بحب ورودك .. واعشق خدودك .. و اكره دموعك .. وألحن بعودك .. موالك يا مصر بحبك يا مصر..... ----------------------------- معلم فحمه ... __________________ بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!! معلم فحمه.-.-.-.-.-.-.-.-.-.-.-.-.

جاية تسألنى ....

جاية تسألنى فى مرة مين تكون .. قمت أضحك م السؤال .. وهى عارفة مين أكون .. بس أعرف القصايد اللى خط بيها مرة قلمى .. لمين تكون .. أزاى بتسأل وهى عارفة كل لوحة رسمتها برمش عينى .. كانت لمين .. ما أنتى فرحى وأنتى جرحى وأنتى دمعى والعيون .. يا اللى كنتى لحن من ألحان الفنون .. يا اللى كنتى همسة ف نغمى الحزين .. جاية ليه تسألينى أنت مين .. انا الذى اتى على جسر المحبة .. شادد لجام.. عطشان محبه وانا الحارن .. يا اللى كنتى شهد الأمل على الشفايف .. الطعم عسل والمر خايف .. انت عارف .. عمرى يوم ما كنت عارف .. إن العسل طعمه مر ع الشفايف .. اصله جاى من مناحل الزهور حواليه تبهج .. والحقيقة هى م الورد الحزين .. هى ليه جاية تسأل النهاردة أنت مين .. انا مين .. انا الليالى اللى غاب فيها القمر والفجر لاح .. انا الندى اللى بيندى كل الصباح .. انا الدموع اللى سالت ع الخدود .. انا القلب اللى حبك حد الجنون .. معلم فحمه ..... __________________ بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!! معلم فحمه.-.-.-.-.-.-.-.-.-.-.-.-.

انا مصرى الهوى ....

انا مصرى الهوى والروح .. عايش .. كيف الطير المجروح .. بيفرفر حلاوة روح .. فلا تسألنى كيف أطير وا انا مجروح / مستنى لحظة رضا منها.. فين ما تروح / ما هى حته منى.. و هى الرمش و الننى .. و منى النفس والروح / اسافر مهما أسافر وأبعد وأعود.. وأخبى جوايا البوح / وأخلى كل كلامى سهام عاشق أصوبها .. فين ما تروح / تحمل رسايل غرام وشوق .. وحلاوة روح / هو اللى حبك يا وطن مهما يبعد بكره يعود .. حتى لو كله جروح ....
معلم فحمه ..

__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!

معلم فحمه.-.-.-.-.-.-.-.-.-.-.-.-.

آه يا دموع

آه يا دموع كما الينبوع منسابه على الخدود ما بين الحدود وسط سكون البشر قصدى اللى كانوا بشر عايشين فى دنيا الله ما بين هروب وحروب تايهين ما بين الآه آه يا دموع تحكى قصة وطن وناس طيبين وديابه دارو دفته وحولوه غابه فيه ناس بتاكل بعضها وناس تدارى فى ظلها وناس عايشين ومش عارفين وناس فى الدنيا مش سائلين وناس يدوب كدا عايشه وناس عامية ومش شايفه وناس تقتات وناس عايشه على الفتات وناس كل يوم فى الهم تبات وناس عايشه هموم تانية وناس ماسكه فى الدنيا آه يا وطن مات فيك الحق ومعدش واحد فى البلد يقدر يقول لاء والقلوب بقت ألوان فيه قلوب طيبه وفيه قلوب غريبه وقلوب متحابين وقلوب ولاد ستين وفيه قلوب قاسية وقلوب كدا ماشية وقلوب حجر وقلوب أزاز تنكسر وفيه قلوب مش حاسه وقلوب كدا ناسية و قلوب مهمومه وقلوب بشر مسكونه وفيه قلوب كدا جاحده وقلوب بالشر مجنونه آه يا بشر ناسى الدنيا دوارة بينا دور تطحن وتنده مين عليه الدور ومن كتر خوفنا من بكره بندعى لرب الكون يختاره من بين البشر ويكون عليه الدور ونعيد كمان آه يا دموع كما الينبوع منسابه على الخدود ما بين الحدود وسط سكون البشر قصدى اللى كانوا بشر ********** معلم فحمه ...... __________________ بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!! معلم فحمه.-.-.-.-.-.-.-.-.-.-.-.-.

بستان ورد ..........

.... الـمـرأه فى حالة الحب تشبه الوردة الجورى المتفـتـحـة ، وفـي حـالـة الحـزن بالبنفسج يبهج وهو ورد حزين .. أما فى حالة الغدر بشوك التين اللى يشكك لمجرد الملامسة ويظل يؤلمك ....

لذلك علاقة حواء بالورد علاقة وطيده منذ عهد الفراعنه حتى اليوم ولكن أفضل تعبير هو ما عبر عنه الفرنسيين عن علاقة حواء والزهور ...

ومع كل هذا هل تقبل حواء العربية فى مناسبة ما حزمة ورد مقارنة بهدية دهب أم إن الطبع يغلب التطبع وتميل حواء الى الذهب ....

فلنقرأ علاقة حواء بالزهور

زهرة الـتيوليب الحمراء ترمز للحب والعاطفة وتخاطب حواء الجميلة..



زهرة اللاوند فهي تخاطب حواء الرقيقة والمرهفة الحس..



وترمز زهرة البنفسج للحب الصامت المتأجج وتخاطب حواء الخجولة..



واما الورد الاحمر فيخاطب حواء ذات العاطفة البركانية ..


الورده الصفراء فهي تخاطب حواء النرجسية..



الورد الازرق فهو يخاطب حواء ذات المكانة العالية..



الوردة الروز تخاطب حواء الوفية ، ذات العاطفة الثابتة..



والياسمين الابيض حواء الرقيقة ، ولكنها متمردة على واقع سيء ..



والقرنفل الابيض يخاطب حواء المتشككة ويقول لها ثقي في حبي..



القرنفل الوردي فهو للغزل ويقول انا معجب بشدة بك..


والقرنفل الاحمر يقول لحواء انا مؤمن بأخلاصك ..



وزهرة الكاميليا البيضاء فتقول انك تحتقرين الحب ..



اما الكاميليا الحمراء فتقول لحواء انـك اجـمـل نساء العالم ..



هـذا ما يـؤمـن بـه الفـرنسيون ، الذين يعتبرون ان لكل مناسبة زهورها


ونادرا ما يعود زوج فرنسي الى بيته ويده خالية من زهرة ما ، والزهور عندهم أغلى من الذهب ولا يوازيها سوى العطور..

للحديث بقية .... بين حواء وآدم
تحياتى
معلم فحمه ....
تحياتى

__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!

معلم فحمه.-.-.-.-.-.-.-.-.-.-.-.-.

---

التعديل الأخير تم بواسطة : hassan omran بتاريخ 18-11-2010 الساعة 16:38:25:America/Los_Angeles.

وراودتنى عن نفسها ... و حال أمتى العربية

وراودتنى عن نفسها ... و حال أمتى العربية

خلعت ملابسها واصبحت عارية ولا داعى ان ننزعج من هذا الكلام
وراودتنى عن نفسها فلم استجب لها
فهى من خير الناس على وجه الأرض واهلها من خيرة الناس
ومنهم مشايخ الدين والتائبين ومنهم الأحرار ولهم سيرة عطره
ولا احد يشك يوم انها ستخلع ملابسها وتراودنى عن نفسها
وعندما سألتها ما الذى انزلك الى تلك المنزله الدنية يا عربية
اجابت انهم اخوتى نعم باعونى لمن ينهش لحمى وعرضى
الم يخافوا الله فيكى وفى اصلك الم يغيروا على اعراضهم
اليسوا القائليين( لا يسلم الشرف الرفيع من الأذى حتى تراق على جوانبه الدم)
لا اصدق فأنهم يحملون راية العزه ومعم الحصن الحصيين وخاتم المرسليين
لا.... صدق يا فتى فقد غرزونى فى الطين وجمعوا حولى الأوحال
واين النخوه واين الشهامه واين الرجوله واين قصص البطوله
اين كرامة الأمه
ماتت مع الأمه
اذهبى فلكى الله
ووضعت سترتى عليها وانا اعلم انها صغيره ولن تسترها على امل ان يأتى واحد آخر
يضع سترته عليها وبكيت بحرقه الباكى على امتى العربية التى راودتنى عن نفسها
لأداء الواجب ولم استجب وما يشفع لى انى وضعت سترتى عليها

وداعا امتنا العربية وداعا يا خير امه .. هذه هى الحقيقة نحن أصبحنا أمة مستعمرة فكريا وأقتصاديا وسياسيا .. ولا نملك قرار ..
--------------------------
معلم فحمه .....
هذه كتاباتى .. سرقوها ونسبوها الى أنفسهم فى المنتدايات بالرغم أنها مسجلة فى عدة أماكن وزارها ما مجموعة 200 ألف زائر .. وأكثر من ألف تعليق فى المنتدايات .. أنا لا أمانع بالنقل لكن دون أهدار لحقى .. ومسجلة على مدوناتى وسبب كتابتها ..

يا ثائر قول الحق ...

يا ثائر قول الحق …

يا ثائر ف قول الحق .. ما تخافش .. حا تلاقى معارض ومؤيد .. بس أوعى تكون طيب .. لازم تقول لاء .. وترجع الخيبة من تانى تتكوم .. وتنزل فوق راسك دق .. من كتر قولة نعم و سكوتنا عن قولة لاء .. ونعود نرقص ونغنى .. الريس وحكومتة بتفهم .. والشعب يسهر ويحشش .. والشارع يترشق بق .. ونرجع من تانى نعيد الرواية .. لاعنتر حا يتجوز عبلة ولا شيبوب حا يسكن شق ..ما هو ده اصل الحكاية .. ونقول كمان يا حرية .. ولا بلاش كفاية كده الكل فهم .. عجبى


معلم فحمه …..

قول يا بحر ....

قول يا بحر ….

قول يا بحر الله و أحكى / عمر بحر الله ما يكذبشى / الموج بيتقلب فى بطنك / ليل نهار ما يسكتشى / و أنت يا بحر الله / عمرك فى يوم ما تشكى / ياريتنى يا بحر أكون مثلك / لكن يا بحر أنا بشر / أول ما يصبنى الألم / اقول آه ولا اسكتشى … عجبى



معلم فحمه ….

يا اللى شايلك بين ضلوعى ويا قلبى .

يا اللى شايلك بين ضلوعى ويا قلبى .. فينك ..يااللى أخترتك من وسط الربوع .. وقلت حبى.. عمال تضحك وسط الجموع .. بصوت مسموع .. ومش حاسس ..إنى حبيتك .. يا قاسى بص فى عنيا تشوف فرح .. لكن الحقيقة أنا الموجوع .. كل مجاريح الهوى طابوا .. اما انا .. اللى كلى جروح .. عجبى

معلم فحمه ....