تعالوا بينا نتظاهر

تعالوا بينا نتظاهر هدومى مهربده وعيشتى مشقلبة مجمعين ع الشيشه لاشغلة ولا مشغلة عايز أحط بيشه واخبى المسأله نازلين كلام وكلام والناس وسط الزحام ماشيين تايهيين رايحين جايين وهما مش عارفين الهم بقى عيشة العيشة بقت نار وعيون طالعه شرار وقلوب فى تلاجه تقولهم نتظاهر يقولوا مش ظاهرين هو أحنا لينا ظاهر ولا عشان ساكتين عايزنا نتظاهر والجامعة والجامعين الجامعة فى السبعين الله عليها الله ولا يوم يعدى سليم إلا وتتظاهر مين النهارده مين يا شعبنا النايمين الأسم بالملايين ولا حد يتظاهر مادام دا هو الحال دوامه من المحال يا عالم بنا والحال تبدلنا مليون من حينا ف شبرا أو فى شامبليون أو حتى فى الظاهر علشان ما تفضليش كده يا هدومى يا متهربده نسجل أعتراض والأسم نتظاهر --------------- كتابات / حسن عمران خلص الكلام وحان وقت العمل ............ أنتظروا مظاهرات 30 فبراير مصر خارجه بالملايين كلها حا تتظاهر

هكذا نصنع الزعيم ما دام نسكت ويتكلم المنافقونزعيم هش من قش مرسوم على الورق ظلوا ينفخوه مثل البالون حتى انفجر فيناجميعا وتتعالى اصوات النافقيين حتى بحت ونظمت القصائد وافردت الجرائدصفحاتها لأنجازات وهمية وخطط تنموية تسير بالعكس لأنها غير مبنية علىاساس سليم ويكمم افواه رجال الدين ويتهموا بالأرهابيين ويزج بالناس فىالسجون ويخرسوا اصوات الحق وكله من اجل الزعيـــــــــموترى ارقام فلكية ويقولوا الميزانية وديون مستخبية وسرقات قروض وهميةوتسيب فى البنوك الحكومية وتجاوزات ومصالح وناس تنحنى وتسقف ونفاق ونفخفى الأبواق وفقر وهم وامراض ودعارة مقننه بأسم الفن والمسخرة وتعرى كليبوبطالة وعوالة وكله من اجل الزعيموالزعيم لما شاف ان البلد فى النازل فكر فى نفسه بعد موته الناس حتجيبفى سيرتة ويلوسوا عيلته فخطرت فى باله فكرة من ابليس ليه الحكم ميكنشبالتوريث مثل عهد الملكية واهى مصر بقت ليا وسية ومتخرجش منى العمديةوزى ما الناس عملوا منى زعيم يخلوا من ابنى زعيم نشترى كام كاتب علىكام منصب ووعود كدابه ونعملهم البحر طحينة وخلى الشعب غرقان فى الطينهوكله من اجل الزعيموهكذا يا حضرات ما دمنا لانتغير فلن نغير ومدام هؤلاء يجدوا مرتع لنموالبكتريا ولا يوجد مصل فسوف ينشروا فيكم مرض الزعيمحكمة ! سألوا فرعون مين حكمك فينا / قال ماشوفتش فيكم فارس يورينى

............ ......... ......... ......

.حسن عمران

خلص الكلام وحان وقت العمل

رسالة من معتقل 2

رسالة من معتقل 2 عصفور فتحت لك باب القفص وأطلقتك ترفربجناحك وتطير بحرية ولما أشوفك أصرخ بصوتى عليك يا ريتنى عصفور أخضر أطير وياك بحرية معتقل بين جدران الوطن اللى أتغزلت بنول تشوف شوارعها صورة هولاكو متعلقة وحراسة جيوش المغول يا ريتنى يا عصفور أطير وياك ولا تاخدنى تحت جناحك بحرية ------------- كتابات / حسن عمران خلص الكلام وحان وقت العمل

الى أغلى الرجال

إلى أغلى الرجـال .. إلى أشجع الرجال إلى أخلص الرجال ..إلى أنزه الرجال إلى جمال عبد الناصر .. إبن مصر خالد الذكر في يوم مولده ولد في 15 يناير 1918 وانتقل إلى جوار ربه 28سبتمبر1970 ----------------- أصحى يا عم جمال أصحى وشوف الحسرة على الوشوش أسمعك الحكاية م البداية الوطن ما بقاش وطن أتقلبت البطون واحد وخداه العظمه وواحد تانى مجنون ومفيش عراق ولا جولان ولا رئيس للبنان وفلسطين هية هية بيقسموها الحرامية ودلوقتى رجع الاستعمار يحتل دار فور والعرب بقوا ميت حته وكل واحد طالق كلابه فى السكه تنهش فى لحم أخوه ومصر بلاش يا جمال أحكيلك عن مصر حاكمها واحد م الظنايا العبيد اللى كانوا بتشعبطوا فى السكه الحديد عملها وسية ورافعين عليه مليون قضية عايز يورث أبنه فا كرها أبعدية والناس بلاش الناس مش لاقيين محرومين من السكر وزيت التموين و عندنا هيروين وبانجوا والعيال مابيرحوش المدارس أصلهم بيناموا فى الشارع وبقى عندنا بلطجية وناس بتنهب البنوك قروض لكن فى الحقيقة حرامية والصحه حدث ولا حرج الكحه فى كل حته والناس ما بتنمشى فى المستشفى مفيش مستشفى الناس نايمه فى السكه وكل لما نمر بأزمه نقول الله يرحمه ونتحسر عايزين تانى ناصر لا مليون ناصر وضباط أحرار يحرروا مصر من الأستعمار ونكون كلنا ناصر بدون أستفتاء أو خيار -------------- لكم تحياتى وأحترامى ........................حسن عمران

نص خطاب مبا رك بمناسبة السنه الهجرية

نص خطاب مبا رك بمناسبة السنه الهجرية خير الله ما أجعله خير """"""""""""""""""""""""""""" أيها الساده الحضور أيها الشعب الكريم إن الأنسان يدخل التاريخ إما من الباب ألأبيض وإما من الباب الأسود واليوم قررت أدخل من الباب الأبيض بعد أن جار على الزمن وهرمت وما فات من العمر لن يعود مثله وانا راغب فى رضا الله ودعاكم لى بأن ينير الله قبرى بأعمالى ولن يبقى للأنسان إلا العمل الصالح وسيرته الحسنه التى هى ملازه الأخير لتشفع له عندالله و الناس وأرجوا من كل مصرى كان له مظلمه عندى أن يسامحنى وأنا أعترف اليوم بالعديد من الأخطاء والمظالم ولكن الله غفور رحيم وأقر بأنى تسببت فى تشتيت افكاركم بقضية التوريث التى لم يسبقنى أحد اليها لأثير الجدل فيما بينكم بعد أن تخلصنا من الملكية بغير رجعه وبناء عليه قررت الآتى 1- العفو عن كل المعتقليين السياسيين بمختلف أتجاهاتهم سواء سجين رأى أو سجين دين 2- تعديل الماده 76 المثيرة للجدل لتسمح بأنتخاب رئيس جديد لمصر فى غضون عاميين من الآن وقبل أنتهاء مده رئاستى حتى تكون السابقه ألأولى فى مصر 3-تخفيض سعر البنزيين 20% لرفع المعاناه عن الشعب 4- الحد من أحتكار رأس المال وتجاوزاته المستمرة 5- تشكيل لجنه لمعالجه مشكله البطاله مع عدم المبالغه فى الوعود 6- العدو الأول لمصر أسرائيل وهذه هى الوظيفه الرئيسية للجيش مع فتح موضوع الأسرى المصريين والمطالبة بحقوقهم والبحث عن المقابر الجماعية فى سيناء والمطالبة ( بأم الرشراش ) إيلات حاليا 7- أنذار الشرطه بكل فئاتها ولمن يفكر فى أهانة أى مواطن مصرى تعتبر أهانه لى شخصيا سيعرض نفسه للطرد من الخدمه مع محاكمته على فعلته 8-ألعمل على أعاده مصر لريادتها بين اللامم 9- اعاده كتابة التاريخ بشكل صحيح بعيدا عن ألأهواء والميول 10- أمر لوزير الأعلام فورا بحجز مكان لقناة( الأزهر منارة الأسلام) لأستعاده الدور التاريخى للأزهر فى خدمة الأسلام مع جعل شيخ الأزهر بالأنتخاب من بين علماء الأزهروالآأمه المعنيين بالأمر ارجوا من كل مصرى أن يسامحنى على أى خطأ بدر منى ويتذكرنى بالطيب وفقكم الله ووفقنا جميعا لما فيه خير هذه الأمه . محمد حسنى مبارك وأنا فى عز فرحتى نهضت بقول الله عليك يا ريس إذا اللحاف ساقط على الأرض وأنا متعرى زى حلمى ما سقط واتعرى رجعت أنام لكن المره دى اتغطيت كويس علشان ماأحلمش مرة تانية لكم تحياتى...والسلا م عليكم بعيدا عن الأوهام """""""""""""""""""""""""""""" كتابات / حسن عمران خلص الكلام وحان وقت العمل

أرحل يا ريس.وعوضنا على الله نعم العوض على الله لما وصلت أليه مصر من حالة يندى لها الجبينونحن لا نملك إلا كلمة عوضنا على الله هذا الكلام لسان حال كل أب عجز عن توفير مستلزمات الحياه لآبناءههذا الكلام لسان حال كل أم يموت طفلها أمام أعينها وهى واقفه عاجزه هذا الكلام لسان حال شبابنا العاطل والذى يرى أن الطريق مغلق أمامه هذا الكلام لسان حال أطفالنا التى باتت لا ترى مستقبل بعد مادمر آمالهاهذا الكلام أكتبه بدموعى وأنا عاجز على فعل أى شىء بعد أن ظلل جزء الأمل الباقى من الفجر وكأن مبارك ينتقم منك يا مصرىبزيادة أسعار المحروقات ليزيد معاناتك لدرجة أراك هيكل أنسان وأرى الناس أشباه بنى آدميينأرحل يا ريس قبل أن تحدث كارثه فا أنت لاترى ما نراه اليوم الناس علىحافة الأنفجار والشرارة كل يوم تذداد أشتعالا فا إذا كنت تحب هذا البلد الطيب ولو مثقال ذره أرحل نعم أرحل وكفا المؤمنينشر القتال وسوف يعتبر شعب مصر رحيلك تضحية وجميلهويا ويلك لو حدثت الكارثه ستكون عبره لمن ظلم هذا الشعب لنا الله ولمصر والمصرين الصبر على البلاء

-----------------------

-كتابات/ حسن عمران

خلص الكلام وحان وقت العمل

حين ميسرة فضح حقيقة النظام

حين ميسرة فضح حقيقة النظاملآول مره أخرج من نطاق التمثيل الى نطاق الحقيقهونحكى عن 15 مليون مصرى فى القاهرة وحدها مهمشين فما بالك بباقى المحافظات ليس لى تجارب فى الكلام عن السينما ولكن هذا الفيلم أوضح بأننا على شفا حفره موضوع بداخلها قنبله منتظره من يعبس بها لتنفجر فى وجه الحكومه لقد كشف لنا هذا الفيلم المستور خلف الستار الذى يصعب علينا أن نقتحمه حتى لو بنظارة مكبره ولكن الفيلم كشف لنا بالميكرسكوب وقرب لنا الصوره لنتعرفعلى الجانب الآخر من الحقيقهوأتضح لنا الآن الصوره الكامله لحكومة واضعه نفسها فى برواز الكذب وكل ما تفعله كيف تعبد سيدها وتمجدهوتترك البشر يغوصوا فى قاع المدينه وسط أماكن الله يعزكم الكلاب لا تعيش فيها ما ورد فى الفيلم حقيقى هذه مصر يا ولاد وهذه الحكومه شيلاه يا حكومه لنا الله ولمصر الصبر على البلاء ------------------------ كتابات /حسن عمران خلص الكلام وحان وقت العمل

نظيف الظريف. آى والله

نظيف الظريف. آى والله نظيف الظريف. آى واللهمهما تقرأ كتب للظرفاء على مر التاريخ ومهماتتصفح النت وتطلب منه أختيار أظرف رئيس وزراءلمصرفلن يبحث كثيرا لآنه سيأتيك بالأظرف على الأطلاقبسبب النكته التى أطلقها فى مؤتمر صحفىرئيس وزراء مصر نظيف الظريف قال بالحرف أنه يقف فى طوابيرالخبز المدعوم ليحصل علىنصيبه من الدعم وأنه أى نظيف الظريف يمتلك بطاقه تموين وما جعل الناس تنفرط من الضحك ويغمى عليها هو ما قاله نظيف الظريف .(الشعب المصرى قاسى القلب والفؤاد تنقصهفقط حنية قلبه على الحكومة)أيها المصرى الكريم يا من قسى قلبك على الحكومه وهى الحمل الوديع الذى يسرق قوتك وقوت عيالك أضحك وأفرط فى الضحك ثم أجعل ضحكك مصحوب بالبكاءوأعلم يا مصرى أن بلدك بلد العجائب وستسجل فى كتاب جينسأطول مواطن صبر فى التاريخويا خوفى ليوضعوك فى سلة المهملات

---------------------------

حسن عمران

خلص الكلام وحان وقت العمل

كلمات متقاطعه 2007----2008

كلمات متقاطعه 2007----2008 مبارك – باراك – الشيخ شرم – أنا بوليس – أنا حرامى – رغيف خبز لله – أضراب المحله – نواب سميحه – أعتصام العقارية – نواب القروض – فساد للركب – تعديل الدستور – توريث المواريث – تجاوزات الشرطه – أهمال التعليم – الفقر – البطاله وأخيرا مدد يا سيدى النووى السؤال الآن : - ضع هذه الكلمات فى جمله مفيده وبعدين ألعب أستغماية ------------------------------ خلص الكلام وحان وقت العمل حسن عمران

Omran55.maktoobblog.com

Omran55.blogspot.com

badralnhar.maktoobblog.com

dastor76.blogspot.com

بلادى تاريخ موتى وميلادى

بلادى تاريخ موتى وميلادى بلادى مهما ارحل مهما ابعد مهما أروح مهما آجى مهما طال عنك بعادى تبقى لى قبر موتى وبرده فيكى كان ميلادى يعنى بأختصار شديد أنتى روحى أنتى عمرى أنتى املى أنتى حبى فيكى يتواجد معادى أنتى نبض قلبى فى كل لاحظه يدق فيها يوم ميلادى أنتى شبرا أنتى طنطا أنتى غمره أنتى لاقصر أنتى كل حتى فيكى تكون معادى عمرى كله اللى جاى واللى رايح كله ليكى بيعى فيه أشتريه أنتى حره أحنا جند الله فى أرضك نحمى عرضك أحنا يا أمه أولا بيه أحلمى أستنظرى أستغفرى اصبرى مهما كان اللى حاكمك جار عليكى بكره حانشكل محاكمك والتاريخ شاهد عليه هو أراقوش لسه حاكمك مهما طال حكمه عنك بكره يرحل واحنا نمشى وراه نقوله يالله طوز وتعودى تانى بلادى رافعه راسك بكل عز أنتى عارفه الحياه فى الدنيا ديا ماشيه سيره اللى يحكم فيكى عدل نقول دا حاكم أصله عدل واللى يحكم فيكى بدون ما يبقى عنده قلب لما يمشى نقول دا راح البعيد ما كانش يسوى من ولادك حتى كلب مهما كان هو رايح وتبقى أنتى بلاد أصول رافعه راسك وبنت عز وهو رايح وأحنا نمشى وراه نقوله يالله طوز ------------------ خلص الكلام وحان وقت العمل

حسن عمران

Omran55.maktoobblog.com

Omran55.blogspot.com

badralnhar.maktoobblog.com

dastor76.blogspot.com

جرسون

جرسون عاوز شاي بلبن محلوب ... وشيشة عجمي وماء ساقع مليان لعينه الكوب... بسرعة أحسن أنا مكروب..وقبل كل ده تشوف كم من الحساب مطلوب... تحسست في بنطلوني كل الجيوب .. لقيت جنيه في الجيب معطوب والرقم عليه مشطوب .. وصل الجرسون معاه الحساب مكتوب... لقيته سبعة جنيه وسألني أجيبلك المطلوب ؟؟ ناديت بعلو صوتي جرسووووووووووون سك علي المطلوب .. وقمت من قعدتي كالمرجومين بالطوب .. ده حتي الجنيه ما يجيب لي كوب خروب...دخلت مطعم فول وناديت علي الفوال.. وقلت فول بالزيت وإتوصي دنا كيال .. وهات رغيف عيش واحد وقوام يا عبد العال.. زمان بقرش الفول كان بيحتاج شيال.. راح وجاب الفول مافي نقطة زيت تتقال..مسحته عن أخره الطبق ما يحتاج غسال ... مسكت بإيدي الجنيه ما شفت غير أهوال .. وخد وفين يوجعك حرمت تاني يا خال... رهنت حداه جزمتي ومشيت حالي حال..جنب إشارة مرور قلت أستريح حبة... مر عليا إثتين وفي وسطهم شابة.. رمت لي خمسة جنيه قلت تكونلك في الكفة... شافوها ناس ماشين قدامي بقوا زفة .. الكل مد إيديه وليموني عالفكه... ساعتين زمن ولقيتني محتاج للفلوس قفة... من بعد عيشة الهباب أكل الكباب غية... وأخر الليل سهرتي والشيشة حمية ... وظيفة جت عالوجع محتاجة الملاغية .. لو بنت قول يسعدك بعش زوجية .. لو شاب قول يرزقك بوظيفة أميرية.. ولو جالك العسكري إدعيله بترقية... أهم شيء الغدا أرنب وملوخية .. هجرت أكل الفول وصاحبته الطعمية.. علما بأن الفول أصلا جميله عليه... للأستاذ سامى أبو أحمد

للمزيد على هذا الرابط http://www.forum.harakamasria.org/forumdisplay.php?s=6ca7c86caced3218e70cf21980a9ca97&daysprune=&f=8

أنضم لينا ( كلمة حق)

أنضم لينا ( كلمة حق) لوحظ فى الأونه الأخيره بأن الريس أنصاب بالطرش والعمى وقلة السمع ويوجد من يحجب عنه أحوال الناس ونظرا لحسن الظن فيجب الا نسىء الظن فالراجل لا يعلم أن مصر تشهد أكبر عصر فساد وصل للقمه وحققت الرقم القياسى وعلشان منقلش أنه متمسك بالكرسى فا أكيد هذا الرجل أكثر من مره يقدم أستقالته ولكن بعض الناس يوهموه بأن الشعب بيحبك يا ريس وبيدعيلك وما بيلعنكش وبيريدك وبما أن سوء الظن من حسن الفطن فيجب أن تنضم لينا وتكتب ما يمليه عليك ضميرك ربما يعلم الريس بالكوارث التى حلت بمصر فيستقيل أو من كتر الأهوال اللى حيقراها تجيلوا غيبوبه يروح فيها ويرى العذاب فى الدنيا ولا يقوى على التعبير لآنه سيصاب بالعمى والطرش والسمع وأفواج الخير بدأت فى الظهور وبدأ الكثير من الناس تتكلم وتتظاهر وأصبح لها صوت فنرجوا منك أن تنضم ألينا ويبقى لك صوت على صوت على صوت سيبقى صرخه فى وجه الظالم سجل وعبر وعلى صوتك علشان يتسمع فى الشارع فى المقهى فى النادى فى المنتدى فى المواصلات فى النقابات فى مكان عملك علي صوتك بالحق ورزقك على الله ---------------------- خلص الكلام وحان وقت العمل

حسن عمران

Omran55.maktoobblog.com

Omran55.blogspot.com

badralnhar.maktoobblog.com

dastor76.blogspot.com